ព័ត៌មានផ្សេងៗទៀត
កម្ពុជារំពឹងទុកថានឹងអាចក្លាយជាអ្នកនាំចេញផលិតផលកសិកម្មដ៏ធំនៅក្នុងតំបន់
ចេញផ្សាយ ១៧ មករា ២០១៨ 3129
កម្ពុជារំពឹងទុកថា នឹងអាចសម្រេចមហិច្ឆតា ធ្វើជាអ្នកនាំចេញផលិតផលកសិកម្ម ទៅកាន់ទីផ្សារក្រៅប្រទេស ពិសេសប្រទេសក្នុងតំបន់អាសីអាគ្នេយ៍ នាអនាគតដ៏ខ្លីខាងមុខ បន្ទាប់ពិចិន បានឯកភាពអោយនាំអង្ករ និងផលិតផលដំឡូងមី ចួលទៅកាន់ទីផ្សារប្រទេសចិន។ (ខ្ញុំសង្ឃឹមថា ជាមួយការបើកផ្លូវសម្រាប់ការនាំអង្ករចេញ ទៅកាន់ទីផ្សារប្រទេសចិន នៅពេលនេះ វានឹងក្លាយជាបទពិសោធន៍ព្រមទាំងគំរូ សម្រាប់ការនាំចេញកសិផលផ្សេងៗទៀត របស់កម្ពុជា ទៅកាន់ទីផ្សារក្រៅប្រទេស ក្នុងតំបន់អាសីអាគ្នេយ៍ នាថ្ងៃអនាគត)។
នេះជាប្រសាសន៌របស់ឯកឧត្តម បណ្ឌិត ច័ន្ទសារុន រដ្ឋមន្ត្រីក្រសួងកសិកម្ម បានថ្លែងបន្ទាប់ ពីឯកឧត្តមបានចុះហត្ថលេខាទ្វេរភាគី ជាមួយលោក ហ្សឺ ស៊ូភីង អគ្គរដ្ឋបាលត្រួតពិនិត្យគុណភាព អធិការកិច្ច និងចត្តាឡីស័ក្កនៃ សធារណរដ្ឋប្រជាមានិតចិន កាលពីថ្ងៃសុក្រ។
ឯកឧត្តម បណ្ឌិត ច័ន្ទសារុន បានបញ្ជាក់ថាការចុះហត្ថលេខាទ្វេភាគីនាថ្ងៃនេះ ភាគីទាំងពីរ បានព្រមព្រាង លើពីធីសារចំនួនបី រូមមានទី១ សេចក្តីព្រាងលើអនុស្សរណៈ នៃការយោគយល់គ្នាស្តីពីកិច្ចសហប្រតិបត្តិការ អនាម័យ និងភូតគាមអនាម័យ រវាងក្រសួងកសិកម្ម លើផ្នែកត្រួតពិនិត្យអនាម័យសត្វ រវាងក្រសួងកសិកម្ម និងអគ្គរដ្ឋបាលត្រួតពិនិត្យគុណភាពអធិការកិច្ចនិងចត្តាឡីស័ក្ក នៃសធារណរដ្ឋប្រជាមានិតចិន។
ទី២ ស្តីពីការនាំចេញអង្ករកម្ពុជា ទៅកាន់ប្រទេសចិន និងទី៣ សេចក្តីព្រាងផែនការសកម្មភាព នៃសហប្រតិបត្តិការ ស្តីពីតម្រូវការភូតគាមអនាម័យ ដើម្បីនាំចេញចំនិតដំឡូងមី ទៅកាន់ប្រទេសចិន។ ឯកឧត្តម បណ្ឌិត ច័ន្ទសារុន មានប្រសាសន៌ថា (អនុលោមតាមពិធីសារ នៃកិច្ចសហប្រតិបត្តិការនេះ យើងមានជំនឿថាកម្ពុជានិងអាចសម្រចបាននូវមហិច្ចតា ធ្វើជាអ្នកនាំចេញផលិតផលកសិកម្មមួយនៅក្នុងតំបន់)។
ការខ្វះខាតប្រព័ន្ធត្រួតពិនិត្យគុណភាព និងភូតគាមអនាម័យ ប្រកបដោយនិយាមបច្ចេកទេស ធ្វើអោយផលិតផលកសិកម្ម របស់កម្ពុជាភាគច្រើន រួមទាំងស្រូវដំឡូងមី ពោត សណ្តែក ផ្លែស្វាយ ចេក ក្រូច គ្រាប់ស្វាយចន្ទី គឺមិនអាចលក់ចេញដោយផ្លាល់ទៅកាន់ទីផ្សារ ក្រៅប្រទេសបាន។ ក្រោយពីទទួលបានសំណើពីក្រសួងកសិកម្ម នៃប្រទេសកម្ពុជា តាមរយៈ ឯកអគ្គរដ្ឋទូតចិន ប្រចាំទីក្រុងភ្នំពេញ នៅថ្ងៃទី២៣ ខែកុម្ភៈឆ្នាំ២០០៦ អគ្គរដ្ឋបាលត្រួតពិនិត្យគុណភាពអធិការកិច្ច និងចត្តាឡីស័ក្កនៃ សធារណរដ្ឋប្រជាមានិតចិន បានបញ្ជូនអ្នកជំនាញការរបស់គេ ចំនួន៤នាក់ មកកម្ពុជា ដើម្បីប្រមូលព័ត៌មានសំខាន់ៗ ពាក់ព័ន្ធនឹងការវិភាគហានិភ័យនៃសមាសភាពចង្រៃ និងរៀបចំសេចក្តីព្រាងពិធីសារស្តីពីសតម្រូវការភូតគាមអនាម័យ សម្រាបការនាំចេញអង្ករ និងឈានដល់ចុះហត្ថលេខាទ្វេភាគីកាលពីថ្ងៃសុក្រ។
យោងតាមខ្លឹមសារ នៃពិធីសារ ស្តីពីការនាំអង្ករ គឺភាគីកម្ពុជាត្រូវអនុវត្តតាមបច្ចេកទេសភូតគាម អនាម័យរបស់ប្រទេសចិន ពោលគឺអង្ករត្រូវធានាថាគ្នានសមាសភាពចង្រៃដូចជា កម្ទេច គ្រោះ ចំបើង គ្រាប់ស្មៅ និងសត្វល្អិតផ្សេងៗ ដែលភាគីចិនហាមមិនអោយចូលក្នុងនោះមាន Leptochloa chinensis, Striga asiatica, Aphelenchoides besseyi and Ditylen chus angustus ។
ទោះជាយ៉ាងណាក្តី លោក ភូ ពុយ ប្រធានសមាគមរោងម៉ាស៊ីនកិនស្រូវកម្ពុជា មានប្រសាសន៌ថា បច្ចុប្បន្នអស់កង្វល់អំពីបច្ចេកទេសក្នុងការផលិត និងវេចខ្ជប់អង្ករសម្រាប់ការនាំចេញដូចមុនទៀតហើយ។ យើងមិនមានការព្រូយបារម្ភទេ ចំពោះលក្ខខណ្ខតម្រូវរបស់ភាគីចិន ហើយវាជាបំណង ប្រាថ្នាដែលយើងមានតាំងពីយូរមកហើយដែរ។
សហគមរបស់លោក មានគំរោងនាំចេញអង្ករចេញ ទៅទីផ្សារក្រៅប្រទេស ដូចជាបារាំង អូស្ត្រាលី អ៊ីតាលី ហុងកុង ម៉ាឡេសី និង អេស្ប៉ាញ ហ្វីលីពីន ចន្លោះពី២០ ទៅ៣០ម៉ឺនតោន នៅដើមឆ្នាំ២០១១។ លោក ហ្សឺ ស៊ូភីង អគ្គរដ្ឋបាលត្រួតពិនិត្យគុណភាពអធិការកិច្ច និងចត្តាឡីស័ក្កនៃ សធារណរដ្ឋប្រជាមានិតចិនមានប្រសាសន៍ ការនាំចេញអង្ករ មិនមានការកំណត់ពីចំនួនជាក់លាក់នោះទេ គឺអាស្រ័យដោយភាគីកម្ពុជា មានលទ្ធភាពក្នុងការផលិត ប៉ុន្តែកម្ពុជាត្រូវតែគោរពតាមលក្ខខណ្ខ ដែលបានកំណត់នៅក្នុងពិធីសារ។
ឯកឧត្តម បណ្ឌិត ច័ន្ទសារុន មានប្រសាសន៍ថា នេះគ្រាន់តែជាមជំហានចាប់ផ្តើម ជាមួយនិងកសិផលមួយ រឺពីរមុខប៉ុណ្តោះ ប៉ុន្តែនៅមានកសិផលជាច្រើនទៀតដែលកសិករកម្ពុជា កំពុងផលិតប្រកបដោយគុណភាព និងទាមទារអោយមានទីផ្សារ សម្រាប់ធ្វើការនាំចេញទៅកាន់ទីផ្សារក្រៅប្រទេស៕
ចេញផ្សាយ ០៨ តុលា ២០២៤ 115
ឯកឧត្តមរដ្ឋលេខាធិការ ឃុន សាវឿន បានដឹកនាំយកអំណោយកូនត្រី និងមេពូជ មកប្រគល់ជូនរដ្ឋបាលស្រុកវ៉ារិន ខេត្តសៀមរាប
ចេញផ្សាយ ០៧ តុលា ២០២៤ 166
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសម និងពិភាក្សាការងារជាមួយគណៈប្រតិភូក្រុមហ៊ុន 102 Farm Group
ចេញផ្សាយ ០៤ តុលា ២០២៤ 399
«ស្ថានភាពថ្លៃស្រូវនៅខេត្តបាត់ដំបង និងពោធិ៍សាត់ ដែលបានវិលមករកសភាពធម្មតា និងអាចគ្រប់គ្រងបាន»
ចេញផ្សាយ ០៤ តុលា ២០២៤ 343
អនុមោទនា ពិធីបុណ្យភ្ជុំបិណ្ឌ
ចេញផ្សាយ ០៤ តុលា ២០២៤ 356
អនុមោទនា ពិធីបុណ្យភ្ជុំបិណ្ឌ
ចេញផ្សាយ ០៤ តុលា ២០២៤ 333
អនុមោទនា ពិធីបុណ្យភ្ជុំបិណ្ឌ
ចេញផ្សាយ ០៤ តុលា ២០២៤ 335
ក្រសួងកសិកម្ម រុក្ខាប្រមាញ់ និងនេសាទ បានសម្របសម្រួលឱ្យមានរោងម៉ាសុីនកិនស្រូវធំៗមួយចំនួន នៅរង់ចាំទិញស្រូវពីប្រជាកសិករយើងដែលត្រូវការលក់បន្ទាន់ក្នុងពេលឈប់សម្រាកបុណ្យភ្ជុំបិណ្ឌ
ចេញផ្សាយ ៣០ កញ្ញា ២០២៤ 430
ក្រសួងកសិកម្មបញ្ជាក់ពីស្ថានភាពថ្លៃស្រូវ និងអំពាវនាវដល់ប្រជាកសិករ ឱ្យប្រុងប្រយ័ត្នពីការផ្សព្វផ្សាយព័ត៌មានមិនពិតអំពីតម្លៃស្រូវ
ចេញផ្សាយ ២៩ កញ្ញា ២០២៤ 466
មន្រ្តីជំនាញអភិរក្សជលផល អំពាវនាវដល់ប្រជានេសាទ តាមដាន និងសង្គ្រោះផ្សោតឱ្យទាន់ពេលវេលា នៅរដូវវស្សា
ចេញផ្សាយ ២៨ កញ្ញា ២០២៤ 465
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសម និងពិភាក្សាការងារជាមួយវិទ្យាស្ថានបណ្តុះបណ្តាល និងស្រាវជ្រាវដេីម្បីអភិវឌ្ឍន៍កម្ពុជា (CDRI)
ចេញផ្សាយ ២៨ កញ្ញា ២០២៤ 483
លោកជំទាវអនុរដ្ឋលេខាធិការ អ៊ឹម រចនា អញ្ជើញជួបសំណេះសំណាលជាមួយមន្ត្រីឆ្មាំទន្លេអភិរក្សសត្វផ្សោតកាំពី ខេត្តក្រចេះ
