ព័ត៌មានផ្សេងៗទៀត
ឯកឧត្តមរដ្ឋមន្ត្រីណែនាំឱ្យកសិករធ្វើដីរង់ចាំទឹកភ្លៀង កុំធ្វើសំណាបរងចាំទឹកភ្លៀង
ចេញផ្សាយ ២២ មករា ២០១៨ 2899
កាលពីថ្ងៃទី១៩ ខែសីហា ឆ្នាំ២០១២ ឯកឧត្តម ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានចុះពិនិត្យគ្រោះរាំងស្ងួត និងចែកពូជស្រូវជលសារចំនួន៤តោន ដល់កសិករ២០០ គ្រួសារដែលមកពីឃុំព្រែកជីក ឃុំបាសាក់ និងឃុំព្រៃត្រឡាច ស្រុករុក្ខគិរីខេត្តបាត់ដំបង។ ថ្លែងទៅកាន់ប្រជាកសិករ នៅក្នុងពិធីសំណេះសំណាល ឯកឧត្តមរដ្ឋមន្ត្រីបានណែនាំប្រជាកសិករអំពីការរៀបចំដី ការរៀបចំថ្នាលសំណាប និងការប្រើប្រាស់ជី ដើម្បីបង្កើនទិន្នផលស្រូវ។
ឯកឧត្តមរដ្ឋមន្ត្រីបានសង្កត់ធ្ងន់ថា ប្រជាកសិករត្រូវយកចិត្តទុកដាក់រៀបចំប្រព័ន្ធភ្លឺស្រែឱ្យបានត្រឹមត្រូវ និងរឹងមាំដើម្បីងាយស្រួល ដល់ការគ្រប់គ្រងទឹកក្នុងស្រែ។ ក្នុងដំណាក់កាលខ្វះទឹក កសិករត្រូវរៀបចំថ្នាលសំណាប មានសណ្ឋានដូចរងបន្លែ ដែលប្រើប្រាស់ទឹកតិច និងងាយស្រួលថែទាំ។
ជាមួយនេះដែរ ឯកឧត្តមរដ្ឋមន្ត្រីបានណែនាំ កសិករត្រូវចេះយក ចិត្តទុកដាក់ថែទាំសំណាបចាប់តាំងពីពេលដឹក ជញ្ជូន និងស្ទូង ព្រោះថាសំណាបល្អ នឹងផ្តល់នូវ ទិន្នផលប្រសើរ។ ឯកឧត្តមរដ្ឋមន្ត្រីបានជម្រុញកសិករឱ្យយកចិត្តទុកដាក់ធ្វើជីធម្មជាតិដែលប្រើប្រាស់កាកសំណល់ ផ្ទះបាយ និងរុក្ខជាតិមួយចំនួន ដើម្បីកាត់បន្ថយការប្រើប្រាស់ជីគីមី។
គួរបញ្ជាក់ថាផែនការដាំដុះស្រូវនៅខេត្តបាត់ដំបងសរុប២៥០.៥០០ហិកតា ដោយគិតមកដល់ថ្ងៃទី១៥ ខែសីហានេះ ក្នុងនោះខេត្តអនុវត្តបាន 97.91% នៃផែនការក្នុងនោះ ការភ្ជួររាស់សរុបបាន ៣៩៦.៤៩៧ ហិកតា សាបបាន១.៣៩៦ហិកតា ស្ទូងស្រូវស្រាលបាន៧១.១២៧ហិកតា ស្រូវបង្កើនរដូវ៣៩.៨៨១ហិកតា ស្រូវកណ្តាល ៧៥.២៩០ហិកតា ស្រូវធ្ងន់៨២.៨៧៧ហិកតា ស្រូវចំការ៥៦៩ហិកតា និងស្រូវឡើងទឹកបាន១៥.៤១៤ ហិកតា។ គិតមកត្រឹមខែសីហា ឆ្នាំ២០១២នេះ មានស្រុកចំនួន៤ ដែលទទួលរងគ្រោះរាំងស្ងួតគឺស្រុកថ្មគោល ស្រុកឯកភ្នំ ស្រុកមោងឬស្សី និងស្រុករុក្ខគីរី។ ជាសរុប ការរាំងស្ងួតបានប៉ះពាល់ដល់ផ្ទៃដី១៩ ២៨៩ហិកតា ក្នុងនោះខូចខាត ចំនួន៩ ៥៦៧ហិកតា និងស្តារបានចំនួន១ ១៤៥ហិកតា ដោយឡែកស្រុករុក្ខគីរីបាន ទទួលរងការប៉ះពាល់ចំនួន៧ ១៦៥ហិកតា និងខូចអស់ចំនួន ៤២២ហិកតា។
ពូជស្រូវជលសារដែលបានចែកជូនប្រជាកសិករនាពេលនោះ ជាពូជស្រូវស្រាលមិនប្រកាន់រដូវធានាដំណុះ ពី៩០ទៅ៩៥ភាគរយ និងមានដំណុះគ្រាប់លើសពី៨៥ភាគរយ។ ពូជនេះអាចជួយកសិករឱ្យរៀបចំសំណាប និងត្រៀម លក្ខណៈទាន់ពេលវេលាសម្រាប់ភ្លៀងដែលនឹងធ្លាក់មកនាពេលខាងមុខ៕
ចេញផ្សាយ ២១ វិច្ឆិកា ២០២៤ 134
ឯកឧត្តមរដ្ឋមន្រ្តី ឌិត ទីណា អញ្ជេីញជាគណៈអធិបតីក្នុងពិធីប្រកាសចូលកាន់តំណែងប្រធានមន្ទីរកសិកម្ម រុក្ខាប្រមាញ់ និងនេសាទរាជធានីភ្នំពេញ
ចេញផ្សាយ ២០ វិច្ឆិកា ២០២៤ 178
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញទស្សនកិច្ចរោងចក្រជីវម៉ាស របស់ក្រុមហ៊ុន ប៊ី អ៊ី ស៊ី អាយ អេស (ខេមបូឌា)ឯ.ក
ចេញផ្សាយ ២០ វិច្ឆិកា ២០២៤ 181
ឯកឧត្តមរដ្ឋលេខាធិការ ប្រាក់ ដាវីដ ទទួលជួបជាមួយ ឯកឧត្តម តាកាហាស៊ី ហ្វូមីអាគី (TAKAHASHI Fumiaki) ប្រធានសមាគមជប៉ុន-កម្ពុជា ក្នុងជំនួបសម្តែងការគួរសម និងពិភាក្សាការងារ
ចេញផ្សាយ ២០ វិច្ឆិកា ២០២៤ 181
ឯកឧត្តមរដ្ឋមន្ត្រី ឌិត ទីណា អនុញ្ញាតឱ្យអង្គការតុកកែញញឹមកម្ពុជា (Smiling Gecko) ចូលជួបសម្តែងការគួរសម និងពិភាក្សាការងារ
ចេញផ្សាយ ១៩ វិច្ឆិកា ២០២៤ 222
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិនិត្យ និងពិភាក្សាសេចក្តីព្រាង "ពិធីសាររវាងអគ្គរដ្ឋបាលគយចិន និងក្រសួងកសិកម្ម រុក្ខាប្រមាញ់ និងនេសាទ ស្តីពីលក្ខខណ្ឌតម្រូវក្នុងការអធិការកិច្ច ចត្តាឡីស័ក និងអនាម័យសម្រាប់នាំចេញសំបុកត្រចៀកកាំពីកម្ពុជាទៅចិន
ចេញផ្សាយ ១៩ វិច្ឆិកា ២០២៤ 220
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសម និងពិភាក្សាការងារជាមួយលោកជំទាវ Milena Caridad Zaldivar Piedra ឯកអគ្គរដ្ឋទូតនៃសាធារណរដ្ឋគុយបាប្រចាំនៅព្រះរាជាណាចក្រកម្ពុជា
ចេញផ្សាយ ១៨ វិច្ឆិកា ២០២៤ 277
អបអរសាទរ ២៥ឆ្នាំ ភាពជោគជ័យនៃការអភិរក្សក្រពើភ្នំនៅកម្ពុជា! Celebrating 25 years of Siamese crocodile conservation in Cambodia!
ចេញផ្សាយ ១៥ វិច្ឆិកា ២០២៤ 423
ប្រទីបក្រសួងកសិកម្ម រុក្ខាប្រមាញ់ និងនេសាទ បណ្តែតនៅថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក
ចេញផ្សាយ ១៥ វិច្ឆិកា ២០២៤ 448
អបអរសាទរ ព្រះរាជពិធីបុណ្យអុំទូក បណ្តែតប្រទីប សំពះព្រះខែ អកអំបុក
ចេញផ្សាយ ១៣ វិច្ឆិកា ២០២៤ 458
សត្វផ្សោតមួយក្បាល ប្រទះឃើញស្លាប់នៅស្រុកស្ទឹងត្រង់ ខេត្តកំពង់ចាម ដោយសារវ័យចាស់
ចេញផ្សាយ ១៣ វិច្ឆិកា ២០២៤ 473
ឯកឧត្តមរដ្ឋមន្ដ្រី ឌិត ទីណា ទទួលស្តាប់បទបង្ហាញស្តីពី Cambodia Agriculture Forum & Exhibition (CAFE-2025) របស់អង្គការស្បៀង និងកសិកម្មនៃសហប្រជាជាតិប្រចាំកម្ពុជា (FAO)
