ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញចុះជួបសំណេះសំណាលនិងឧបត្ថម្ភអង្ករ ដល់ប្រជាជនកំពុងជួបប្រទះការខ្វះខាតជីវភាព និងគ្រោះមហន្តរាយដោយជំនន់ទឹកភ្លៀងនៅខេត្តព្រៃវែង

ចេញ​ផ្សាយ​ ១៤ កុម្ភៈ ២០១៨ 3510

នៅរសៀលថ្ងៃទី២៩ ខែតុលា ឆ្នាំ២០១៦ ក្រោយពីបានបំពេញបេសកកម្មនៅស្រុកតំបែរ ខេត្តត្បូងឃ្មុំ នាពេលព្រឹកមក ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រួមជាមួយសហការី បានបន្តរួមដំណើរទៅជួប និងធ្វើការសំណេះសំណាលជាមួយប្រជាជនរស់នៅខេត្តព្រៃវែង ដោយយកទៅជាមួយនូវអង្ករចំនួន ៣០ តោន ទៅឧបត្ថម្ភជូនប្រជាជនដែលកំពុង ជួបប្រទះការខ្វះខាតជីវភាពក្នុងការរស់នៅ និងគ្រោះមហន្តរាយដោយជំនន់ទឹកភ្លៀងចំនួន ៦០០គ្រួសារ ដែលគ្រួសារនីមួយៗទទួលបានថវិកាចំនួនមួយម៉ឺនរៀល និងអង្ករចំនួន ៥០ គីឡូក្រាម ។ សូមបញ្ជាក់ថា អង្ករទាំងអស់នេះគឺទទួលបានពីការជួយឧបត្ថម្ភគាំទ្ររបស់លេខាធិការដ្ឋានស្បៀងបម្រុងសង្រ្គោះបន្ទាន់អាស៊ានបូកបី ដែលផ្តល់ដោយរដ្ឋាភិបាលជប៉ុន និងរាជរដ្ឋាភិបាលថៃ ។