ឯកឧត្តមរដ្ឋមន្រ្តី វេង សាខុន និងសហការរីបានបន្តដំណើរឆ្ពោះទៅពិនិត្យ លទ្ធផលនៃការអនុវត្តគម្រោងស្តីពីការអភិវឌ្ឍកសិកម្ម និងជំរុញកំណើនសេដ្ឋកិច្ច

ចេញ​ផ្សាយ​ ១៩ មិថុនា ២០១៨ 2986

បន្ទាប់ពិធីទិវាពិភពលោកដើម្បីប្រយុទ្ធប្រឆាំងនឹងការធ្លាក់ចុះគុណភាពដី រួចមក ឯកឧត្តមរដ្ឋមន្រ្តី និងសហការរីបានបន្តដំណើរឆ្ពោះទៅពិនិត្យ លទ្ធផលនៃការអនុវត្តគម្រោងស្តីពីការអភិវឌ្ឍកសិកម្ម និងជំរុញកំណើន សេដ្ឋកិច្ច ដែលគម្រោងនេះទទួលបានថវិកាបដិភាពពីរាជរដ្ឋាភិបាលកម្ពុជានិងអង្គការ IFAD នៅភូមិពន្លឺ ឃុំជំរះពេនស្រុកសំរោង ខេត្តតាកែវ។
បងស្រី ខាត់ សាអែម ម្ចាស់ចំការដំណាំត្រសក់ទ្រឿងបានឲ្យដឹងថាបច្ចប្បន្នសមាជិកសហគមន៍ ពន្លឺថ្មីកំពុងដាំត្រសក់ សណ្តែកគួ និងត្រឡាច ដែលអាចរកចំណូលគ្រួសារបាន ៥ ទៅ ៦ លាន រៀលក្នុង១ឆ្នាំ ក្រោយពេលទូទាត់ថ្លៃដើមផលិត។ ផលិតផល ត្រូវបានប្រមូលផ្តុំនៅទីតាំងឈ្មោះថាសាខា ប្រមូលបន្លែលាស់ថ្មី រួចបែងចែកទៅទីផ្សារជិតឆ្ងាយ។ ទទួលបានផលល្អ មានចំណូលគ្រួសារសមរម្យ បងស្រីបានជម្រាបឯកឧត្តមថា ប្រជាកសិករក្នុងភូមិឈប់ធ្វើចំណាកស្រុក ជីវភាពធូធារ មានលទ្ធភាពឲ្យកូនរៀន ហើយនេះគឺជាការចង់បានរបស់រាជរដ្ឋាភិបាល។ ឯកឧត្តមរដ្ឋមន្រ្តីបានសម្តែងនូវទឹកចិត្តសប្បាយរីករាយដោយឃើញលទ្ធផលដ៏ល្អ និងសូមឲ្យមន្ទីរជួយណែនាំបន្ថែមពីការងារបច្ចេកទេស ហើយគួរដាំដំណាំឆ្លះ ជៀសវាងប៉ះពាល់ទីផ្សារ។
បន្ទាប់មកលោកបានបន្តទៅពិនិត្យសហគមន៍អភិវឌ្ឍកសិកម្ម សាមគ្គីអមតខ្វាវ។ សហគមន៍បាន បង្កើតឡើងនៅឆ្នាំ ២០០៨ បច្ចុប្បន្នមានសមាជិកជាង ១ពាន់នាក់ មានប្រាក់សន្សំជាង ២ពាន់លាន រៀន។ សហគមន៍ដើរតួនាទីជាអ្នកឲ្យកម្ចីឥណទាន ចងការប្រាក់ដល់សមាជិក លក់សម្ភារកសិកម្ម ផ្តល់សេវាបសុសត្វភូមិ លក់ចំណីសត្វ ដាំដំណាំ មានមធ្យោបាយដឹកផលិតផលទៅកាន់ទីផ្សារ។ ជាមធ្យមសមាជិកម្នាក់ទទួលបានចំណូល១០០០ ដុល្លារក្នុង១ឆ្នាំ។ នាឱកាសនេះឯកឧត្តមបានឧបត្តម្ភ ដល់សមាជិកម្នាក់ៗ ៥ ម៉ឺនរៀលផងដែរ។