ព័ត៌មានផ្សេងៗទៀត
ឯកឧត្តមបណ្ឌិត អ៊ុក រ៉ាប៊ុន ជួបពិភាក្សាជាមួយ លោក Grégory Clémente ប្រធានដេប៉ាតឺម៉ង់អាស៊ី នៃទីភ្នាក់ងារបារាំង សម្រាប់ការអភិវឌ្ឍន៍ (AFD)
ចេញផ្សាយ ២៣ មករា ២០១៨ 2328
នៅរសៀលថ្ងៃទី២២ ខែមករា ឆ្នាំ២០១៤ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលជួបសវនាការជាមួយលោក Grégory Clémente ប្រធានដេប៉ាតឺម៉ង់អាស៊ី នៃទីភ្នាក់ងារបារាំងសម្រាប់ការអភិវឌ្ឍន៍(AFD) និងសហការី នៅទីស្ដីការក្រសួងកសិកម្ម រុក្ខាប្រមាញ់ និងនេសាទ។
លោក Grégory Clémenteបានលើកឡើង ក្នុងនាមទីភ្នាក់ងារបារាំងសម្រាប់ការអភិវឌ្ឍន៍ដែលបាន និងកំពុងចូលរួមចំណែក ផ្ដល់ហិរញ្ញប្បទានសម្រាប់ការអភិវឌ្ឍន៍អនុវិស័យមួយចំនួនក្នុងវិស័យកសិកម្មនៅកម្ពុជា ជាពិសេសការអភិវឌ្ឍន៍កៅស៊ូគ្រួសារ។ ទោះបីជាការអនុវត្តគម្រោងទទួលបានលទ្ធផលល្អគួរឲ្យកត់សម្គាល់ក៏ដោយក៏មានបញ្ហាមួយចំនួន ដូចជាការផ្ដល់កម្មសិទ្ធិដីធ្លីដល់កសិករដែលដាំកៅស៊ូ ដោយសារបញ្ហានេះទាក់ទង នឹងការខ្ចីឥណទានរបស់កសិករក្នុងការអភិវឌ្ឍន៍កៅស៊ូគ្រួសារក្នុងក្របខ័ណ្ឌគម្រោង។ ក្រៅពីនេះក៏មានគម្រោងអន្តរក្រសួងក្នុងគោលបំណងចូលរួមសម្រេចនូវការនាំអង្ករចេញឲ្យបានយ៉ាងតិច ១ លានតោននៅឆ្នាំ២០១៥ តាមគោលនយោបាយស្តីពីការជំរុញផលិតកម្មស្រូវ និងការនាំចេញអង្កររបស់រាជរដ្ឋាភិបាល ហើយក៏បានជួយលើការអភិវឌ្ឍន៍ផលិតកម្មសូត្រនៅខេត្តសៀមរាប បាត់ដំបង និងពោធិ៍សាត់ ការជំរុញផលិតកម្មកសិកម្មតាមកិច្ចសន្យា ដោយបានសហការជាមួយនាយកដ្ឋានកសិឧស្សាហកម្មនៃក្រសួងកសិកម្ម រុក្ខាប្រមាញ់ និងនេសាទ។ លោកបានបញ្ជាក់ថា AFD មានលទ្ធភាពបន្តកិច្ចសហប្រតិបត្ដិការជាមួយក្រសួងកសិកម្ម រុក្ខាប្រមាញ់ និងនេសាទ ក្នុងការ រៀបចំយុទ្ធសាស្ត្រជាតិ ឬ គំរូកិច្ចសន្យា នីតិវិធីសម្រាប់ផលិតកម្មកសិកម្មតាមកិច្ចសន្យា និងជួយកិច្ចការផ្សេងទៀតដែលពាក់ព័ន្ធព្រមទាំងការគិតគូរអំពីការបណ្តុះបណ្តាលវិជ្ជាជីវៈក្នុងវិស័យសំខាន់ៗ ក្នុងនោះក៏មានវិស័យកសិកម្មផងដែរ។
ឯកឧត្តមរដ្ឋមន្ត្រីបានបញ្ជាក់ជូនភ្ញៀវថាពាក់ព័ន្ធនឹងការផ្ដល់កម្មសិទ្ធិដីធ្លី រាជរដ្ឋាភិបាលបានចាត់បញ្ជូនក្រុមវរៈយុវជនស្ម័គ្រចិត្តទៅមូលដ្ឋានផ្ទាល់ ដើម្បីដោះស្រាយបញ្ហានេះ ក្នុងនោះបានផ្ដល់ប័ណ្ណកម្មសិទ្ធិដីធ្លីដល់ប្រជាជន កសិករ រួមទាំងកសិករដែលដាំកៅស៊ូជាលក្ខណៈគ្រួសារផងដែរ សម្រាប់រក្សាទុក និងប្រើប្រាស់នៅថ្ងៃអនាគត ហើយបញ្ហានេះរហូតមកដល់ពេលបច្ចុប្បន្នត្រូវបានដោះស្រាយ និងកាត់បន្ថយយ៉ាងច្រើន ហើយនឹងព្យាយាមបន្តដោះស្រាយទៀតសម្រាប់ផលប្រយោជន៍ប្រជាពលរដ្ឋ។ ឯកឧត្ដមរដ្ឋមន្ត្រីបានឯកភាព និងគាំទ្រចំពោះការលើកឡើងរបស់តំណាង AFD ពាក់ព័ន្ធនឹងការចូលរួមជួយឧបត្ថម្ភដល់ការអនុវត្តគោលនយោបាយនាំចេញអង្កររបស់រាជរដ្ឋាភិបាល និងគំនិតផ្តួចផ្ដើមជួយរៀបចំគំរូផលិតកម្មកសិកម្មតាមកិច្ចសន្យា ព្រមទាំងបានបញ្ជាក់ពីជំហររបស់ក្រសួងកសិកម្ម រុក្ខាប្រមាញ់ និងនេសាទក្នុងការត្រៀមសហការអនុវត្ត។ ឯកឧត្តមរដ្ឋមន្ត្រីបានបានរំលឹកជូនថា ក្រសួងកសិកម្ម រុក្ខាប្រមាញ់ និងនេសាទមានអនុក្រឹត្យ ស្ដីពីផលិតកម្មកសិកម្មតាមកិច្ចសន្យា ហើយដែលមាននាយកដ្ឋានកសិឧស្សាហកម្មជាអ្នកទទួលបន្ទុកអនុវត្តផ្ទាល់ និងមានច្បាប់ស្តីពីសហគមន៍កសិកម្ម ដែលចូលជាធរមានកាលពីឆ្នាំកន្លងទៅនេះ។ ក្នុងច្បាប់នេះតម្រូវឲ្យក្រសួងកសិកម្ម រៀបចំចេញជាអត្ថបទក្រោមច្បាប់នេះជាច្រើនទៀត សម្រាប់ជាមូលដ្ឋានក្នុងការរៀបចំសហគមន៍កសិកម្ម ព្រមទាំងជំរុញឲ្យសហគមន៍ក្លាយទៅជាអង្គភាពកសិពាណិជ្ជកម្មតាមរយៈផលិតកម្មកសិកម្មតាមកិច្ចសន្យា ក្នុងន័យឈានទៅសម្រេចគោលនយោបាយនាំចេញអង្ករឲ្យបានយ៉ាងតិច ១ លានតោននៅឆ្នាំ២០១។ ឯកឧត្តមរដ្ឋមន្ត្រីបានស្នើឱ្យAFDជួយផ្ដល់ជំនួយបច្ចេកទេស ថវិកា ឬ ឯកសារពាក់ព័ន្ធ ដើម្បីឲ្យក្រសួង កាន់តែមានលទ្ធភាពគ្រប់គ្រាន់ក្នុងការពិចារណារៀបចំ និងអនុវត្តកិច្ចការបង្កើតគំរូផលិតកម្មកសិកម្មតាមកិច្ចសន្យា ក៏ដូចជាការពិចារណាអំពីការ បង្កើតមជ្ឈមណ្ឌលបណ្ដុះបណ្ដាលវិជ្ជាជីវៈកសិកម្ម និងការអនុវត្តផលិតកម្មកសិកម្មតាមកិច្ចសន្យាសម្រាប់សហគមន៍កសិកម្ម។
ភាគីបារាំងបានឯកភាពចំពោះការលើកឡើងរបស់ឯកឧត្ដមរដ្ឋមន្ត្រី ហើយទីភ្នាក់ងារ AFD នឹងពិចារណាអំពីករណីនេះដោយ ស្នើឲ្យក្រសួងកសិកម្ម រុក្ខាប្រមាញ់ និងនេសាទផ្ដល់ដល់ទីភ្នាក់ងារ AFD នូវឯកសារទស្សនទាន (Concept Note) ដែលពន្យល់លម្អិតអំពីតម្រូវការជាក់ស្តែង និងចាំបាច់របស់ក្រសួង ដើម្បីឲ្យ AFD ពិចារណាជួយតាមចំណុចដែលបានលើកឡើងខាងលើនិងការពិនិត្យលទ្ធភាពបញ្ជូនអ្នកជំនាញបច្ចេកទេសមកបំពេញបេសកកម្មនៅកម្ពុជា ដើម្បីពិភាក្សាលម្អិតបន្ថែមជាមួយនាយកដ្ឋានជំនាញពាក់ព័ន្ធ។
ជាទីបញ្ចប់ ឯកឧត្ដមរដ្ឋមន្ត្រីបានថ្លែងអំណរគុណចំពោះរដ្ឋាភិបាលបារាំង និងទីភ្នាក់ងារ AFD ដែលបានជួយឧបត្ថម្ភថវិកា បច្ចេកទេស និងធនធានមនុស្សដល់ការអភិវឌ្ឍវិស័យកសិកម្មនៅកម្ពុជានិងការបន្តជួយគាំទ្រតាមសំណើរបស់ក្រសួងកសិកម្ម រុក្ខាប្រមាញ់ និងនេសាទ ហើយក្រសួងនឹងត្រៀមចូលរួម ដោយជំរុញឲ្យនាយកដ្ឋានជំនាញពាក់ព័ន្ធសហការឲ្យអស់លទ្ធភាពជាមួយទីភ្នាក់ងារ (AFD) ក្នុងការជំរុញការអភិវឌ្ឍន៍វិស័យកសិកម្ម ជាពិសេសការអភិវឌ្ឍន៍សហគមន៍កសិកម្ម និងផលិតកម្មកសិកម្មតាមកិច្ចសន្យា។
កិច្ចសវនាការបានប្រព្រឹត្តទៅប្រកបដោយបរិយាកាសរីករាយ ស្និទ្ធស្នាល និងកិច្ចសហប្រតិបត្ដិការខ្ពស់។
ចេញផ្សាយ ១៩ កញ្ញា ២០២៤ 83
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 85
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 86
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 123
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 156
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 150
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 149
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 175
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 177
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 172
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 180
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
