ព័ត៌មានផ្សេងៗទៀត
ឯកឧត្ដមបណ្ឌិត អ៊ុក រ៉ាប៊ុន ជួបពិភាក្សាជាមួយលោកស្រី Claire Van der Vaeren តំណាងកម្មវិធីអភិវឌ្ឍន៍សហប្រជាជាតិ (UNDP) ប្រចាំនៅកម្ពុជា
ចេញផ្សាយ ២៣ មករា ២០១៨ 2857
នៅរសៀលថ្ងៃទី ១៦ ខែ មករា ឆ្នាំ ២០១៤ ឯកឧត្ដមបណ្ឌិត អ៊ុក រ៉ាប៊ុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បាន ទទួលជួបសាវនាការជាមួយលោកស្រី Claire Van der Vaeren តំណាងកម្មវិធីអភិវឌ្ឍន៍សហប្រជាជាតិ (UNDP) ប្រចាំនៅកម្ពុជានិងលោកស្រី Nina Brandstrupt តំណាងអង្គការស្បៀង និងកសិកម្មសហប្រជាជាតិប្រចាំនៅកម្ពុជា។
លោកស្រីីបានលើកអំពីគោលបំណងនៃជំនួបគឺគោរពរាយការណ៍អំពីផែនការសកម្មភាពដែលផ្នែកផ្សេងៗរបស់ UN ជួយជំរុញកិច្ច អភិវឌ្ឍនៅកម្ពុជាសម្រាប់រយៈពេល៣ឆ្នាំខាងមុខក្រោមការសម្របសម្រួលរបស់ UNDP។ កិច្ចការនោះនឹងធ្វើឱ្យស្របទៅតាមគោលនយោបាយ យុទ្ធសាស្ដ្រ និងអាទិភាពរបស់កម្ពុជា ហើយអាចនឹងធ្វើបានល្អ ដោយត្រូវបញ្ចូលអនុសាសន៍របស់ឯកឧត្ដមរដ្ឋមន្ដ្រី និងក្រសួង ស្ថាបន័ពាក់ព័ន្ធ ។ ការិយាល័យលោកស្រីបានស្វែងយល់អំពីគោលដៅរបស់កម្ពុជាក្នុងការអភិវឌ្ឍសេដ្ឋកិច្ច និងការធានាសន្ដិសុខស្បៀងតាមរយៈ ការជំរុញធ្វើពិពិ ធកម្ម ការបង្កើនផលិតភាព និងកែលម្អខ្សែសង្វាក់តម្លៃ សំដៅបង្កើនការប្រកួតប្រជែងយកទីផ្សារលក់ផលិតផល នៅពេលដែលអង្ករកម្ពុជាបាន ទទួលចំណាត់ថ្នាក់យ៉ាងល្អ នៅលើទីផ្សារអន្ដរជាតិ។ លោកស្រីបានធ្វើទស្សនកិច្ចនៅកសិដ្ឋានចិញ្ចឹមត្រីនៅមិនឆ្ងាយពីរាជធានីភ្នំពេញ ហើយបាន សង្កេតឃើញថាមានការអនុវត្ដ និងដំណើរការល្អដែលគួរយកជាគំរូ ។
ឯកឧត្ដមរដ្ឋមន្ដ្រី បានជម្រាបជូនថាកសិកម្មនៅតែជាវិស័យដ៏សំខាន់សម្រាប់កម្ពុជាក្នុងការជំរុញកំណើនសេដ្ឋកិច្ចជាតិ និងបង្កើនជីវ ភាពប្រជាពលរដ្ឋ ។ រាជរដ្ឋាភិបាល ក៏ដូចជាក្រសួងកសិកម្ម រុក្ខាប្រមាញ់ និងនេសាទបាន និងកំពុងយកចិត្ដទុកដាក់លើការធានាឱ្យមាន សន្ដិសុខ ស្បៀង ការបង្កើនផលិតភាព ការធ្វើពិពិធកម្មកសិកម្ម និងពាណិជ្ជូបនីយកម្ម។ កម្ពុជាមានគោលដៅនាំចេញអង្ករឱ្យបានយ៉ាងតិច១ លាន តោន ត្រឹមឆ្នាំ ២០១៥ ហើយរហូតមកដល់ពេលនេះ យើងនាំចេញបានប្រមាណ ៤០០,០០០ តោនក្នុងមួយឆ្នាំក្នុងឆ្នាំ២០១៣នេះ។
ដើម្បីសម្រេចបាន ជោគជ័យ ក្រសួងកំពុងយកចិត្ដទុកដាក់រៀបចំ និងគាំទ្រសហគមន៍កសិកម្ម និងការអនុវត្ដកសិកម្មតាមកិច្ចសន្យា។ យើងបានរៀបចំច្បាប់រួចរាល់ ប៉ុន្ដែដើម្បី ដំណើរការបាន យើងត្រូវប្រឹងប្រែងរៀបចំអត្ថបទក្រោមច្បាប់ជាច្រើនទៀតឱ្យបានសមស្រប។ ក្រសួងបានរៀបចំឱ្យមានសហគមន៍ មួយចំនួនដែលកំពុងអនុវត្ដសកម្មភាពទាក់ទងនឹងកិច្ចការកសិកម្ម ជាអា*** សហគមន៍កសិកម្ម ជលផល និងព្រៃឈើ។ ក្នុងនោះ យើងក៏បានជំរុញ ធ្វើឱ្យមានការគោរពច្បាប់ សំដៅរក្សានិរន្ដរភាពបរិស្ថាន និងធនធានធម្មជាតិ ទន្ទឹមគ្នានឹងការធ្វើឱ្យមានជីវភាពល្អប្រសើរ។ ក្រសួងក៏បាន យកចិត្ដទុកដាក់ដល់ការចិញ្ចឹមសត្វ និងវារីវប្បកម្ម ដើម្បីធ្វើឱ្យប្រជាពលរដ្ឋមានអាហារូបត្ថម្ភគ្រប់គ្រាន់ និងត្រឹមត្រូវ។ ទាក់ទងនឹងការនាំចេញ អង្ករ យើងកំពុងយកចិត្ដទុកដាក់អំពីគុណភាពដើម្បីឱ្យស្រប នឹងស្ដង់ដារនៃតម្រូវការរបស់ទីផ្សារ ។
យើងទទួលស្គាល់ថា កសិករមិនទាន់បានប្រើ ប្រាស់ពូជ ដំណាំ ធាតុចូលផ្សេងៗ (ដូចជាជី និងថ្នាំកសិកម្ម) និងបច្ចេកទេសបានត្រឹមត្រូវ ។ ដោយសារតែការហូរច្រោះដី និងការប្រើប្រាស់ដីធ្លី សម្រាប់ កិច្ចការផ្សេងៗ ស្រះ ត្រញំង និងបឹងបួរជាច្រើនត្រូវបានគោក រាក់ និងលុប ធ្វើឱ្យកសិករកាន់តែលំបាកក្នុងការរកប្រភពទឹកប្រើប្រាស់ ហើយ បរិមាណត្រីក៏ត្រូវបានថយចុះ ។ ដើម្បីសម្រេចបានកិច្ចការខាងលើ ឯកឧត្ដមរដ្ឋមន្ដ្រីបានស្នើភាគីភ្ញៀវពិចារណាអំពីការជួយគាំទ្រលើផ្នែក កសាងសមត្ថភាព ការផ្សព្វផ្សាយព័ត៌មាន និងបច្ចេកវិទ្យាកសិកម្ម ដោយរៀបចំឱ្យមានមជ្ឈមណ្ឌលកសិកម្ម និងការរៀបចំឱ្យមានស្រះ អាង ស្ដុកទឹក និងទំនប់ ប្រឡាយ នៅមូលដ្ឋាន ។ ទោះជាយ៉ាងនោះក្ដី ក៏ឯកឧត្ដមរដ្ឋមន្ដ្រីបានសម្ដែងនូវទំនុកចិត្ដចំពោះ UNDP និងការិយាល័យ នានារបស់ UN ថាអាចនឹងមានព័ត៌មានច្រើនជាងនេះ ដែលត្រូវ ពិចារណាបញ្ចូលទៅក្នុងកម្មវិធីអភិវឌ្ឍន៍សម្រាប់រយៈពេល ៣ ឆ្នាំខាងមុខ ។
លោកស្រី Nina Brandstrup ក៏បានជម្រាបអំពីការដែលមូលនិធិអន្ដរជាតិសម្រាប់អភិវឌ្ឍវិស័យកសិកម្ម (IFAD) កំពុង ត្រៀមអនុវត្ដ គម្រោងមួយ សម្រាប់រយៈពេល ៦ ទៅ ៧ ឆ្នាំ ដែលនៅក្នុងនោះ នឹងមានការយកចិត្ដទុកដាក់ដល់ការរៀបចំឱ្យមានមជ្ឈមណ្ឌលផ្សព្វផ្សាយ ឬ ផ្ដល់ព័ត៌មានកសិកម្មជូនប្រជាកសិករនៅមូលដ្ឋានដែលយើងអាចប្រើប្រាស់កិច្ចការនោះជាគំរូ។ ឯកឧត្ដមរដ្ឋមន្ដ្រីបានយល់ស្របហើយបាន ជម្រាប ថានឹងពិភាក្សាអំពីកិច្ចការនេះថែមទៀតជាមួយ IFAD ។
នៅទីបញ្ចប់ ឯកឧត្ដមរដ្ឋមន្ដ្រីបានថ្លែងអំណរគុណដល់លោកស្រីទាំង២ ក៏ដូចជាការិយាល័យជំនាញទាំងអស់របសូ់ណ ដែលបានផ្ដល់ការ គាំទ្រជាបន្ដបន្ទាប់ និងផ្ដួចផ្ដើមគំនិតរៀបចំឱ្យមានក្របខណ្ឌ ឬ ផែនការជួយអភិវឌ្ឍជាបន្ដ ។ ឯកឧត្ដមបានសម្ដែងនូវក្ដីសង្ឃឹមយ៉ាងមុតមាំថាកិច្ច សហប្រតិបត្ដិការនេះនឹងផ្ដល់នូវលទ្ធផលយ៉ាងល្អប្រសើរ ។
