ព័ត៌មានផ្សេងៗទៀត
កសិករ១៣៦នាក់ធ្វើសមាជជាតិលើកទី៧
ចេញផ្សាយ ១៥ មករា ២០១៨ 3379
តំណាងកសិករចំនួន ១៣៦នាក់ជាសមាជិក "បណ្តាញកសិករ និងធម្មជាតិ" បានជួបជុំគ្នាធ្វើសមាជថ្នាក់ជាតិរបស់ខ្លួនលើកទី៧ នៅភូមិត្រពាំងឈូក ឃុំពោធិ៍អង្គ្រង ស្រុកបរសេដ្ឋ ខេត្តកំពង់ស្ពឺ កាលពីថ្ងៃទី២២ ខែធ្នូ ឆ្នាំ២០០៩។
តំណាងកសិករចំនួន ១៣៦នាក់ដែលមកពីបណ្តាញការងារនានារបស់អង្គការសេដាក់ នៅខេត្តក្រុង បានជួបជុំគ្នាដើម្បីពិភាក្សាលើការងារដែលបានអនុវត្តកន្លងមក និងបានលើកទិសដៅការងារ ៣ឆ្នាំទៅមុខទៀត។
ការជួបជុំធ្វើសមាជថ្នាក់ជាតិលើកទី៧ របស់បណ្តាញកសិករនិងធម្មជាតិគឺជាសមាជប្រចាំ ដែលធ្វើឡើងដើម្បីឆ្លុះបញ្ចាំងពីសកម្មភាពរីកចម្រើនរបស់បណ្តាញ ក្នុងឆ្នាំ២០០៩ និងដើម្បីបង្ហាញយុទ្ធសាស្ត្រការងាររហូតដល់ឆ្នាំ២០១២។
តំណាងកសិករទាំង ១៣៦នាក់ គឺជាតំណាងដែលជាប់ឆ្នោតមកពីខេត្ត ក្រុងចំនួន ១១នៃប្រទេសកម្ពុជា។ អ្នកតំណាងទាំងនេះរួមមានតំណាងសមាគមថ្នាក់ខេត្ត តំណាងសហព័ន្ធ ឬបណ្តាញថ្នាក់ជាតិដូចជាបណ្តាញយុវជនថ្នាក់ជាតិ បណ្តាញស្ត្រី បណ្តាញផ្សារសហគមន៍ និងបណ្តាញក្រុមផលិតស្រូវសរីរាង្គ។
ប្រធាន "បណ្តាញកសិករ និងធម្មជាតិ" គឺលោក អួន សុផល បានប្រាប់ឲ្យដឹងអំពីបណ្តាញកសិករ និងធម្មជាតិថា ជាការចងក្រងបណ្តាញកសិករនៅទូទាំងប្រទេសដែលផ្តួចផ្តើមឡើងដោយ អង្គការសេដាក ដើម្បីជួយពង្រឹងសមត្ថភាពកសិករកម្ពុជា និងផ្លាស់ប្តូរបទពិសោធន៍គ្នាទៅវិញមក។
លោក អួន សុផល បញ្ជាក់បន្ថែមថា ៖ «គឺបណ្តាញកសិករទូទាំងប្រទេស ១១ខេត្ត ហើយយើងមានសមាគម ១១០៧សព្វថ្ងៃនេះ។ មានសមាជិកជាងបីម៉ឺននាក់»។
សមាជរបស់បណ្តាញកសិករ និងធម្មជាតិដែលសហការជាមួយមជ្ឈមណ្ឌលសេដាក ត្រូវបានប្រធាននាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ គឺលោក ម៉ក់ សឿន វាយតម្លៃថា ជាបទពិសោធន៍មួយសម្រាប់ក្រសួងរបស់លោកក្នុងការជ្រើសរើសកសិករ ឆ្នើមដែលក្រសួងគ្រោងនឹងនៅពេលខាងមុខ។
លោកបញ្ជាក់បន្ថែមដូច្នេះថា ៖ «បណ្តាញកសិករនេះជាផ្នែកមួយ ដើម្បីឲ្យកសិករមានសាមគ្គីគ្នាទំនាក់ទំនងផ្លាស់ប្តូរបច្ចេកទេស ការរកទីផ្សារ ក៏ដូចជាមានបញ្ហាអីផ្លាស់ប្តូរគ្នា»។
ប្រធានមជ្ឈមណ្ឌលសិក្សា និងអភិវឌ្ឍន៍កសិកម្ម ហៅកាត់ថា សេដាក គឺលោក យ៉ង សាំងកុមារ ថ្លែងថា ការចងក្រងបណ្តាញកសិករ គឺជាការពង្រឹងធនធានមនុស្ស និងបន្តការងារអភិវឌ្ឍន៍កសិកម្ម។ ការចងក្រងបណ្តាញកសិករ នាំឲ្យចំណេញទាំងឈ្មួញ និងទាំងកសិករក្នុងការទិញលក់កសិផល។ ជាពិសេសគឺការកំណត់តម្លៃ។ លោកថ្លែងទៀតថា ថ្មីៗនេះលោកទើបតែចុះកិច្ចសន្យាលើទឹកប្រាក់មួយលានដុល្លារជា មួយប្រទេសហូល្លង់ ក្នុងការប្រមូលទិញស្រូវរបស់កសិករនៅកម្ពុជា៕
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 108
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 109
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 180
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 192
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
