ឯកឧត្តមបណ្ឌិតរដ្ឋលេខាធិការ យ៉ង សាំង កុមារ អញ្ជើញជាអធិប​តី​ភាព ក្នុងពិធីបើកវគ្គបណ្តុះបណ្តាលស្តីពី «កសិកម្មវៃឆ្លាតគិតគូរពី​អាហារូប​ត្ថម្ភ និងរបបអាហារសុខភាព» នៅខេត្តកំពង់ធំ

ចេញ​ផ្សាយ​ ១៣ មីនា ២០២៦ 3555

នៅថ្ងៃទី១១-១២ ខែមីនា ឆ្នាំ២០២៦ ឯកឧត្តមបណ្ឌិត យ៉ង សាំង កុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អញ្ជើញ​ជាអធិបតីភាព ក្នុងពិធីបើកវគ្គបណ្តុះបណ្តាលស្តីពី «កសិកម្មវៃឆ្លាត​គិត​គូរ​ពីអាហារូបត្ថម្ភ និងរបបអាហារសុខភាព» ដល់មន្ត្រីកសិកម្មឃុំ អាជ្ញាធរឃុំ នាយកសាលា ប្រធានមណ្ឌលសុខភាព មកពី១៥ឃុំគោល​ដៅ នៃខេត្តកំពង់ធំ បន្ទាយមានជ័យ និងកំពង់ឆ្នាំង ។ វគ្គបណ្តុះ​បណ្តាល​រៀបចំដោយអង្គការ Helen Keller អន្តរជាតិ គាំទ្រ​ដល់គម្រោង INAS ធ្វើឡើងនៅខេត្តកំពង់ធំ។
វគ្គបណ្តុះ​បណ្តាល​មានការអញ្ជើញចូលរួមពី ឯកឧត្តម វេជ្ជបណ្ឌិត ជា សំណាង អនុប្រធាន​ក្រុមប្រឹក្សាស្ដារ អភិវឌ្ឍន៍កសិកម្ម និងជនបទ នៃទីស្តីការគណៈ​រដ្ឋមន្ត្រី ឯកឧត្តម ខាត់ សុធី អនុរដ្ឋលេខាធិការ លោក ព្រឹម រដ្ឋា អភិបាលរងខេត្តកំពង់ធំ តំណាងអង្គការ Helen Keller អន្តរជាតិ តំណាងមន្រ្តីពីនាយកដ្ឋានផ្សព្វផ្សាយ​កសិកម្ម តំណាងមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ។
ថ្លែងក្នុងពិធីបើក ឯកឧត្តមបណ្ឌិត យ៉ង សាំង កុមារ បានគូសបញ្ជាក់​ដោយបានណែនាំដល់ មន្ត្រីកសិកម្មឃុំ-សង្កាត់ ដែលជាតួអង្គសំខាន់​នៃគម្រោង ត្រូវរកកសិករសហការរៀបចំសួនបន្លែតាមផ្ទះ ក៏ដូចជា​គាំទ្រ​សហការជួយរៀបចំសួនបន្លែនៅតាមសាលារៀនគោលដៅ តាម​ផែន​ការចង្អុលបង្ហាញរបស់គម្រោង។
សម្រាប់ពិធីបិទវគ្គបណ្តុះបណ្តាល ឯកឧត្តម ជា សំណាង អនុប្រធាន​ក្រុមប្រឹក្សាស្ដារ អភិវឌ្ឍន៍កសិកម្ម និងជនបទ និងជាសហប្រធាន​គម្រាង​INAS បានអញ្ជើញបិទវគ្គបណ្តុះបណ្ដាល និងបានចង្អុល​បង្ហាញថា ដើម្បីឱ្យគម្រោងនេះជោគជ័យ តួអង្គពាក់ព័ន្ធទាំងអស់ គឺ​មន្ត្រីកសិកម្មឃុំ អាជ្ញាធរមូលដ្ឋាន សាលារៀន និងមណ្ឌលសុខភាព ត្រូវធ្វើការ​ជាមួយគ្នាដោយស្មារតីទទួលខុសត្រូវរួម ក្នុងការលើកកម្ពស់​សុខុមាលភាពពលរដ្ឋក្នុងសហគមន៍ ដើម្បីឈានទៅរកការកាត់បន្ថយ​ឱ្យបានជាអតិបរមានូវបញ្ហាកង្វះអាហារូបត្ថម្ភសម្រាប់ពលរដ្ឋកម្ពុជា ដោយ​ផ្តោតលើកុមារនៅជនបទជាអាទិភាព៕