ព័ត៌មានផ្សេងៗទៀត
ដាក់ដេញថៃ្លវិនិយោគឡូត៏អាជីវកម្មនេសាទចំនួន៣
ចេញផ្សាយ ១៧ មករា ២០១៨ 3225
ឡូត៍នេសាទលេខ ០៨ នៅខេត្តកំពង់ចាម ឡូត៍លេខ ១៦ នៅខេត្តតាកែវ និងឡូត៍លេខ ០២ នៅខេត្ត បន្ទាយមានជ័យ ត្រូវបានដាក់អោយដេញថៃ្ល ធ្វើវិនិយោគ ដែលការប្រជុំដេញថៃ្លនេះ ត្រូវបានធ្វើឡើងក្រោម អធិបតីភាពឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពី អភិបាលរងខេត្តតាកែវ និងតំណាងអភិបាល ខេត្តកំពង់ចាម តំណាងក្រសួងសេដ្ឋកិច្ច និងហិរញ្ញវត្ថុ ព្រមទាំងអាជីវករដេញថៃ្លសរុប ៦០ នាក់ កាលពីព្រឹកថៃ្ងទី ២៤ ខែវិច្ឆិកា នៅទីស្តីការក្រសួងកសិកម្ម។
នាឱកាសនោះឯកឧត្តម ណៅ ធួក ប្រធានរដ្ឋបាលជលផល បានរៀបរាប់ ពីលក្ខណៈពិសេសរបស់ឡូត៍ទាំង៣ ថាឡូត៍នេសាទលេខ ០៨ ស្ថិតនៅក្នុងឃុំ ព្រែកតានង់ និងឃុំល្វា ស្រុកកោះសូទិន ខេត្តកំពង់ចាម។ ផៃ្ទឡូត៍នេសាទបច្ចុប្បន្ននេះមានចំនួន ១.៥៤៤ ហិកតា មានបឹងចំនួន ៣ និងព្រែកចំនួន ៦ ដែលមានសភាព គោករីងរាក់ស្ទើរទាំងស្រុងសម្រាប់ធ្វើអាជីវកម្មនេសាទ។
ផៃ្ទដីព្រៃលិច នៅក្នុងនាទីឡូត៍នេសាទនេះ មានចំនួន ៧៩៧ ហិកតា បច្ចុប្បន្ននៅសល់ចំនួន ៣៧៩ ហិចតា គឺបាត់បង់អស់ចំនួន ៤១៨ ហិកតា ។ នៅរដូវនេសាទឆ្នាំ ២០០៨-២០០៩ និង ២០០៩-២០១០ ថៃ្លឈ្នួលឡូត៍នេសាទ ០៨ ដែលអតិថិជនដេញថៃ្លបានចំនួន ៦៥.០០០.០០០ រៀល។ ដោយឡែកនៅរដូវនេសាទឆ្នាំ ២០០៩-២០១០ ផលត្រីមានការថយចុះបើប្រៀបធៀបឆ្នាំ ២០០៥-២០០៦ ។
ឯកឧត្តមបានបនែ្ថមថា ចំពោះឡូត៍នេសាទលេខ ១៦ ស្ថិតក្នុងឃុំព្រែកផ្ទោល និងឃុំគោកធ្លក ស្រុកអង្គរបុរី ខេត្តតាកែវ ផៃ្ទឡូត៍នេសាទបច្ចុប្បន្ននេះមានចំនួន ១,០៦០ហិកតា មានបឹងចំនួន ១ ព្រែក២ និងប្រឡាយចំនួន៦ ដែលមានសភាពគោករីរាក់ស្ទើរទាំងស្រុងសម្រាប់ធ្វើអាជីវកម្មនេសាទ។ ផៃ្ទដីព្រៃលិច នៅក្នុងនាទីឡូត៍នេះមានចំនួន ១០០ ហិកតា។
នៅរដូវនេសាទឆ្នាំ ២០០៤-២០០៥ ឡូត៍នេះមានអតិថិជនដេញថៃ្លបានចំនួន ១០១.៣០០.០០០ រៀល ប៉ុនែ្តមកដល់រដូវនេសាទឆ្នាំ ២០០៩-២០១០ តមៃ្លដេញបានធ្លាក់មក នៅត្រឹម ១០០.៤០០.០០០ រៀល។ ដោយឡែកនៅរដូវនេសាទឆ្នាំ ២០០៩-២០១០ ផលត្រីមានការថយចុះ បើប្រៀបធៀបឆ្នាំ ២០០៤-២០០។
ឯកឧត្តមបានបន្ថែមទៀតថា ដោយឡែកឡូត៍នេសាទលេខ ០២ ស្ថិតនៅឃុំសំបួរ ស្រុកមង្គលបុរី ឃុំភ្នំលៀប ឃុំរហាល ស្រុកព្រះនេត្រព្រះ ខេត្តបន្ទាយមានជ័យ ផៃ្ទឡូត៍នេសាទបច្ចុប្បន្ន មានចំនួន ១.៥៤៤ ហិកតា មានស្ទឹងចំនួន ៣ និងរហាលចំនួន៣ ដែលមានសភាពគោករីងរាក់ស្ទើរទាំងស្រុង សម្រាប់អាជីវកម្មនេសាទ។ ផៃ្ទដីព្រៃលិចនៅក្នុងនាទីឡូត៍នេសាទនេះលមានចំនួនប្រមាណ ២៥០ហិកតា ។
នៅក្នុងរដូវនេសាទ ឆ្នាំ២០០៩-២០១០ ថៃ្លឈ្នួលឡូត៍នេសាទដែលរដ្ឋកំណត់មានចំនួន ៤៤.០០០.០០០ រៀល។ ចំពោះទិន្នផលត្រី នៅរដូវនេសាទឆ្នាំ ២០០៩-២០១០ ផលត្រីមានការថយចុះ បើប្រៀបធៀបឆ្នាំ ២០០៤-២០០។
ឯកឧត្តមបណ្ឌិត ច័ន្ទ សារុន បានមានប្រសាស៍ថា ការដាក់ដេញថៃ្លវិនិយោគឡូត៍អាជីវកម្មនេសាទ ដែលបានរៀបចំឡើងដោយរដ្ឋបាលជលផល និងក៏ជាលើកទី ១ ក្នុងការអនុវត្តន៍នូវខ្លឹមសារអនុក្រឹត្យលេខ ១៨ អនក្រ.បក ចុះថៃ្ងទី ២៥ មករា ឆ្នាំ២០១០ របស់រាជរដ្ឋាភិបាល ស្តីពីនីតិវិធីនៃការវិនិយោគ ការដេញថៃ្លជា សាធារណៈ ឬ ការជួលតាមការព្រមព្រៀងនិងការបង់ថៃ្លឈ្នួលនេសាទ។
ឯកឧត្តមបានបន្តថា ការដាក់ឡូត៍ទាំង៣ អោយធ្វើការវិនិយោគ គឺបានអនុវត្តស្របតាមនីតិវិធី នៃអនុក្រឹត្យខាងលើ ដោយចាប់ផ្តើមពីការចុះសិក្សាកសាងផែនការ ការវិនិយោគឡូត៍នេសាទ ដែលខ្សោយផលិតភាព ដោយមន្ត្រីជំនាញរដ្ឋបាលជលផល។
បន្ទាប់ ពីបានចុះសិក្សាកសាងផែនការរួចមក ក្រសួងកសិកម្មបានស្នើសុំការអនុញ្ញាត ពីរាជរដ្ឋាភិបាល ក្នុងការដាក់អោយវិនិយោគ។ ឯកឧត្តមបានបនែ្ថមថា ក្រោយពីរាជរដ្ឋាភិបាល បានអនុញ្ញាតជាគោលការណ៍រួចមក រដ្ឋបាលជលផលបានចេញសេចក្តីជូនដំណឹងស្តីពីការដេញថៃ្លវិនិយោគអាជីវកម្មឡូត៍នេសាទ និងបិទផ្សាយជាសាធារណៈព្រមទាំងបានស្នើសុំបង្កើតគណៈកម្មការវិនិយោគឡូត៍ដែលគណៈកម្មការនេះ ត្រូវបានបង្កើតឡើវតាមរយៈប្រកាសលេខ ៦២៩ ប្រក កសក ចុះថៃ្ងទី ១៩ ខែវិច្ឆិកា ឆ្នាំ២០១០ របស់ក្រសួងកសិកម្ម រុក្ខាប្រមាញ់ និងនេសាទ ហើយការរៀបចំគណៈកម្មការវិនិយោគនេះគឺអនុលោមតាមសេចក្តីជូនដំណឹងរបស់ទីស្តីការរដ្ឋមន្ត្រីលេខ ១១២៣សជណ.កស ចុះថៃ្ងទី ២៩ ខែកញ្ញាឆ្នាំ ២០១។
ជាមួយគ្នានោះឯកឧត្តមបណ្ឌិត ច័ន្ទ សារុន បានមានមតិ ណែនាំដល់អាជីវករជ័យលាភី ត្រូវបានអនុវត្តតាមស្មារតីអនុក្រឹត្យលេខ ១៨ ខាងលើត្រង់មាត្រា ៥ មាត្រា ៨ មាត្រា ១៦ មាត្រា ២៧ មាត្រា ៣២ និងមាត្រា ៤។
គួររំលឹកថា មាត្រា ៥ បានបែងចែកថាការធ្វើអាជីវកម្មឡូត៍នេសាទ ត្រូវមានអ្នកជំនាញបច្ចេកទេស នេសាទម្នាក់ដែលមានសញ្ញាបត្រមធ្យមជលផលឡើងទៅដើម្បីធ្វើគម្រោងផែនការគ្រប់គ្រងការធ្វើអាជីវកម្មឡូត៍នេសាទចូលរួមអភិរក្សធនធានជលផល តាមដានអង្កេត ប្រមូលទិន្នន័យនិងធ្វើរបាយការណ៍បូកសរុប លទ្ធផលនៅចុងបញ្ចប់រដូវនេសាទនីមួយ៕
