ឯកឧត្តម គី ច័ន្ទរំដួល អនុរដ្ឋលេខាធិការក្រសួងកសិកម្មបានអញ្ជើញចុះពិនិត្យទីតាំងដីរបស់វិទ្យាស្ថានជាតិកសិកម្មព្រែកលៀប នៅខេត្តតាកែវ

ចេញ​ផ្សាយ​ ២០ មិថុនា ២០២៤ 2585

នៅថ្ងៃទី២០ ខែមិថុនា ឆ្នាំ២០២៤

ឯកឧត្តម គី ច័ន្ទរំដួល អនុរដ្ឋលេខាធិការ​​ក្រសួងកសិកម្ម រុក្ខាប្រមាញ់ និងនេសាទ បានចុះពិនិត្យទីតាំងដីរបស់វិទ្យាស្ថានជាតិ​កសិកម្មព្រែកលៀប ស្ថិតនៅ ឃុំត្រាំកក់ ស្រុកត្រាំកក់ ខេត្តតាកែវ ដោយមានការចូលរួមពីថ្នាក់ដឹកនាំ ព្រមទាំងមន្ត្រីរាជការនៃវិទ្យាស្ថានជាតិ​កសិកម្មព្រែកលៀប។

ការអញ្ជើញចុះពិនិត្យទីតាំងដីនោះ ធ្វើឡើងក្នុងគោលបំណង ស្វែងយល់ពី សក្ដានុពល ទីតាំងភូមិសាស្ត្រ បញ្ហាប្រឈម និងគម្រោងអភិវឌ្ឍន៍ Botanic Garden ដើម្បីជួយស្វែង​រកឱកាស​ទាក់ទាញ​អ្នកវិនិយោគទុនមកជួយអភិវឌ្ឍន៍បន្ថែម។

គួរបញ្ជាក់ថា ទីតាំងដីរបស់វិទ្យាស្ថានជាតិកសិកម្មព្រែកលៀបនោះ មានទំហំសរុប១៨ហិកតា មានដំណាំស្វាយកែវរមៀតសរុប៤១០ដើម ដាំដុះក្នុងទំហំផ្ទៃដី៧ហិកតា ព្រមទាំងមានរោងសំណាញ់​ចិញ្ចឹមខ្យង កង្កែប រោងសំណាញ់បង្កាត់ពូជរុក្ខជាតិ លម្អ ដាំចកអាសូឡា និងដាំបន្លែលើទឹកជាដើម៕