លោកជំទាវ យ៉ើ អាស៊ីគីន អញ្ជើញដឹកនាំក្រុមការងារ ចូលរួមកិច្ចប្រជុំ​អន្តរ​ក្រសួង​ពីការផ្តល់ធាតុចូលសូចនាករសមិទ្ធកម្មគន្លឹះទី៣១ និង​សូចនាករ​សមិទ្ធកម្មគន្លឹះទី៣៤ នៃក្របខ័ណ្ឌតាមដានត្រួតពិនិត្យ និងវាយតម្លៃការអនុវត្តយុទ្ធសាស្រ្តបញ្ចកោណដំណាក់កាលទី១ ឆ្នាំ២០២៥

ចេញ​ផ្សាយ​ ២៧ មករា ២០២៦ 2294

នៅថ្ងៃទី២៦ ខែមករា ឆ្នាំ២០២៦ លោកជំទាវ យ៉ើ អាស៊ីគីន ដឹកនាំក្រុម​ការងារ​ចូលរួមកិច្ចប្រជុំអន្តរក្រសួង ដើម្បីពិនិត្យ និងពិភាក្សាលើការផ្តល់​ធាតុចូល សម្រាប់សូចនាករសមិទ្ធកម្មគន្លឹះទី៣១  និងសូចនាករសមិទ្ធ​កម្ម​គន្លឹះទី៣៤ នៃក្របខ័ណ្ឌតាមដានត្រួតពិនិត្យ និងវាយតម្លៃការអនុវត្ត​យុទ្ធ​សាស្រ្ត​បញ្ចកោណ ដំណាក់កាលទី១ ឆ្នាំ២០២៥។
កិច្ចប្រជុំអន្តរក្រសួង ធ្វើឡើងនៅទីស្តីការក្រសួងពាណិជ្ជកម្ម ក្រោម​អធិបតីភាព​ដឹកនាំ ដោយឯកឧត្តម កឹម ស៊ីថន រដ្ឋលេខាធិការប្រចាំការ នៃក្រសួងពាណិជ្ជកម្ម ដែលគោលបំណងដើម្បីពិភាក្សាលើការផ្តល់​ធាតុចូលសូចនាករសមិទ្ធកម្មគន្លឹះទី៣១ «ចំនួន សហគ្រាសធុនតូច និងមធ្យម (SMEs) ផ្លូវការដែលធ្វើការនាំចេញ» និងសូចនាករសមិទ្ធ​កម្មគន្លឹះទី៣៤ «ការយល់ឃើញរបស់ធុរជន និងសាធារណជនលើការ​អនុវត្តច្បាប់ ស្តីពីការប្រកួតប្រជែង ច្បាប់ស្តីពីកិច្ចការពារ អ្នកប្រើប្រាស់ និងបទប្បញ្ញតិពាក់ព័ន្ធ»៕