កម្ពុជាអះអាងអំពីលទ្ធផលសហប្រតិបត្តិការជាមួយអង្គការហ្វាវ

ចេញ​ផ្សាយ​ ២២ មករា ២០១៨ 2575

ឯកឧត្តមបណ្ឌិត ច័ន្ទ សារុន រដ្ឋមន្ត្រី​ ក្រសួងកសិកម្ម​ រុក្ខាប្រមាញ់​ និងនេសាទ បាន​អៈអាង​ពី​លទ្ធផល​ជាច្រើន ដែល​ផ្តើមចេញ ពី​សហប្រតិបត្តិកា​រ ​ជាមួយ​អង្ក​ការ​ហ្វា​វ (FAO)។ ការបញ្ជាក់​នេះ បានធ្វើ​ឡើងខណៈ​ប្រតិភូ​អង្គការ​ហ្វា​វ​មួយក្រុម ​ជួបពិភាក្សា​ការងារ​ជាមួយឯកឧត្តម​រដ្ឋមន្ត្រី។

មន្ត្រី​ខុទ្ទកាល័យ​ឯកឧត្តមរដ្ឋមន្ត្រី ​បាន​ប្រាប់​រស្មី​កម្ពុជា​ថា កាលពី​រសៀល​ថ្ងៃទី២៦ ខែមករា ​ឆ្នាំ២០១១ ឯកឧត្តមរដ្ឋមន្ត្រី​ និង​សហការី​ បានអនុញ្ញាត​ឲ្យ​គណៈប្រតិភូ​ជាន់ខ្ពស់ ​នៃ​តំណាង​អចិ​ន្រៃ​យ៍ ​ប្រចាំ​អង្គការ​FAO ចូលជួប​សំដែង​ការគួរសម ​ដែលមាន​ចំនួន៨រូប ដែល​ក្នុងនោះ​ មកពី​ប្រទេស​ហ្វាំ​ង​ឡង់, ដា​ណា​មាក, អាមេរិក, អង់​គេ្ល​ស, បង់​ក្លា​ដេ​ស, កុង​ហ្គោ, យូ​រ៉ា​ហ្គា​យ ​និង​តំណាង​ហ្វា​វប្រ​ចាំ​នៅ​កម្ពុជា។

មន្ត្រី​រូប​នោះ បាន​បន្តទៀតថា​ ក្នុង​ឱ​កាស​នោះ​ ឯកឧត្តម​រដ្ឋមន្ត្រី ​ជម្រាបជូន​ភ្ញៀវ​ ពីស​ភាព​កាណ៍​កសិកម្ម ​នៅ​កម្ពុជា​បច្ចុប្បន្ន​ ជា​លទ្ធផល​តាម​ការវាយតម្លៃ​បឋម​កម្ពុជា​ ទទួលបាន​ទិន្នផល​មធ្យម​ប្រចាំឆ្នាំ២,៩០៤តោន​ ក្នុង១ហិតា និង​ផលិត​ស្រូវ ​បាន​ប្រមាណ៨លាន​តោន​ស្រូវ ​ដោយកាត់​ការហូបចុក ការបាត់បង់​ក្រោយពេល​ប្រមូល​ផល ការ​ទុក​ពូជ​នៅសល់៣,៧លាន​តោន ​បើ​គិត​ជា​អង្ករ២,៤លាន​តោន ។

លទ្ធផល​ថ្មីសំខាន់ៗ ដែល​ស​ម្រ​ច​បាន ​ក្រោម​កិច្ចសហការ​រវាង​អង្គការ​ហ្វា​វ ជាមួយ​ក្រ​សួង​កសិកម្ម ដែល​ក្នុងនោះ​មាន​ជាអាទិ៍ គោលនយោបាយ​កសិកម្ម​ និង​ទឹក (Stratey on Agriculter and Water-SAW) ។  

FAO បាន​ដើរតួនាទី​ ជា​សហ​អ្នកសម្របសម្រួល ​ហើយ​មាន​គម្រោង Technical Cooperation Project Facility (TCPF)  បាន​ជួយ​រៀបចំ​កម្មវិធី​ទី២ ស្តីពី​សន្តិសុខស្បៀង។ កម្មវិធី​ព្រៃឈើ​ជាតិ (National Forest Program NFP (FAO ជា​សមាជិក​សកម្ម ​នឹងមាន​គម្រោង Forest Facility បាន​ចូលរួម​គាំទ្រ)។ ផែនការ​យុទ្ធសាស្ត្រ១០ឆ្នាំ ​នៃ​វិស័យ​ជលផល ( The Strategic Plan និង​Framework for Fishier 2010-2019)។

FAOជា ​សមាជិក​សកម្ម នឹងមាន​គម្រោង​TCPE ចូលរួម​គាំទ្រ​ក្របខ័ណ្ឌ​អាទិភាព ​រយៈពេល​មធ្យម (National MediumTerm Priority Framework  NMTPF)។ FAO បាន​ជួយ​គាំទ្រ។ ពង្រាងច្បាប់​ស្តីពី​ផលិតកម្ម​បសុសត្វ។ FAOបាន​សហការ​ជាមួយ ​នាយកដ្ឋាន​ផលិតកម្ម និង​បសុព្យាបាល ​និង​មាន​គម្រោង​TCPF បាន​ជួយ​គាំទ្រ។

លោក​រដ្ឋមន្ត្រី​ជម្រាប​ពី​ការប្រជុំ​ ថ្នាក់​រដ្ឋមន្ត្រី​កសិកម្ម​នៅ​ប្រទេស​អា​ល្លឺ​មង់ ដែល​អង្គប្រជុំ​លើ​តម្លៃ​និង​ទីផ្សារ​ក្នុង​ផលិតកម្ម​កសិកម្ម ។ លោក​រដ្ឋមន្ត្រី​សុំ​ឲ្យ​គណៈប្រតិភូ​ឲ្យ​ពិចារណា និង​ពិនិត្យ​លទ្ធភាព​កៀរគរ​ថវិកា​ផ្តល់​ដល់​គម្រោង​ជំរឿន​កសិកម្ម​ដែល​ បានរៀបចំ​ហើយ​ក្នុងតម្លៃ៤,៥លាន​ដុល្លា​អាមេរិក ព្រោះ​គម្រោង​នេះ​នឹង​ផ្តល់​សារសំខាន់​ជា​ចាំបាច់​ចំពោះ​ការរៀបចំ​ផែនការ និង​គោលនយោបាយ​កសិកម្ម ។តាម​ស្មារតី​នៃ​ច្បាប់​ស្ថិតិ​ជំរឿន​កសិកម្ម​ត្រូវ​ធ្វើជា​រៀងរាល់ឆ្នាំ​ ម្តង​ប៉ុន្តែ​កម្ពុជា​ពុំដែល​ធ្វើ​ទាល់តែសោះ​កន្លងមក ។ លោក​ក៏​សុំ​ឲ្យ​ពិចារណា​ឡើងវិញ​ចំពោះ​គម្រោង​សន្តិសុខ​ស្បៀង​ក្នុង​ ក្របខ័ណ្ឌ​Global Agriculture and Food Security Programme (GAFSP) ក្នុងតម្លៃ​ប្រមាណ៥០លាន​ដុល្លារ​អា​មេ​រិច ។

ឆ្លើយតប​ នឹង​សំណូមពរ​របស់ឯកឧត្តមរ​ដ្ឋ​មន្ត្រី តំណាង​ង​ចិ​ន្ត្រៃ​យ៍ ​ទាំង៧ប្រទេស​ប្រចាំ​អង្គ ការ FAO សន្យា​នឹង​នាំនូវ​សំណូមពរ​របស់ឯកឧត្តមរ​ដ្ឋ​មន្ត្រី​ ទៅ​ជំរាប​ឯកឧត្តម​អគ្គលេខាធិការ​អង្គការ FAO ប្រចាំ​អង្គការសហប្រជាជាតិ ។ គួររំលឹកថា កម្ពុជា​បាន​ចូល​ជា​សមាជិក​អង្គការ FAO តាំងពី​ថ្ងៃទី១១ ខែ​វិច្ចិកា ​ឆ្នាំ១៩៥០ ហើយ​មាន​មាន​កិច្ចសហការ​ល្អជា​មួយ ​FAO រហូតមក ។