ព័ត៌មានផ្សេងៗទៀត
រដ្ឋមន្ត្រីអំពាវនាវឱ្យកសិករប្រកាន់គោលការណ៍កុំទុកដីឱ្យនៅទំនេរ
ចេញផ្សាយ ២២ មករា ២០១៨ 3310
ឯកឧត្ដមបណ្ឌិតច័ន្ទសារុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានលើកទឹកចិត្ដ ដល់កសិករ ដែលដាំដំណាំពោត ឱ្យជំរុញថែមទៀត ក្នុងការបង្កើនមុខរបរបន្ថែម ជាមួយនេះក៏ត្រូវហ៊ានសួរ ទៅអ្នកបច្ចេកទេសដែរប្រសិនជាមានចម្ងល់អ្វីមួយ ។
ខណៈដែលឯកឧត្ដមរដ្ឋមន្ដ្រី និងមន្ដ្រីរួមដំណើរ ចុះទៅពិនិត្យដំណាំពោត របស់កសិករ នៅភូមិត្រពាំងឈើទាល ឃុំច្រែស ស្រុកជុំគិរី កាលពីចុងសប្ដាហ៏កន្លងទៅនេះ ឯកឧត្ដមបានប្រាប់កសិករជាច្រើននាក់ នៅទីនោះថា បងប្អូនប្រជាពលរដ្ឋ អាចធ្វើស្រែបានពីរដង និងដាំពោតបានមួយលើកទៀត ឃើញថាជាការប្រសើរណាស់ សម្រាប់ធានាសន្ដិសុខស្បៀង បង្កើនជីវភាពក្នុងគ្រួសារ ។
បើទោះបីយ៉ាងនេះក៏ដោយ ក្រសួងកសិកម្ម នៅតែចង់បានទិន្នផលខ្ពស់ជាងនេះទៀត ដើម្បីផ្គត់ផ្គង់ឱ្យទីផ្សារ។ ឯកឧត្ដមបន្ដថា ដើម្បីឈានទៅដល់ចំណុចគោលដៅនេះ នាយកដ្ឋានពាក់ព័ន្ធ អាជ្ញាធរដែនដី បងប្អូនប្រជាពលរដ្ឋ ត្រូវទទួលយកនូវបច្ចេកវិទ្យាថ្មីៗ ទាក់ទងនឹងដំណាំស្រូវ ក៏ដូចជាដំណាំរួមផ្សំគ្រប់ប្រភេទ ។
ឯកឧត្ដមរដ្ឋមន្ដ្រី បានបន្ដទៀតថា នៅមូលដ្ឋានគឺជាប្រភពបញ្ហា ទាក់ទងនឹងការងារកសិកម្មបើដូច្នេះ សុំឱ្យប្រជាពលរដ្ឋចេះ សួរនាំប្រាប់បញ្ហាទៅមន្ដ្រីជំនាញអ្នកបច្ចេកទេស។ ពួកគេអាចជួយយើងបានគ្រប់ពេលវេលា។ ការធ្វើដំណាំឆ្លះ គឺជាវិធីសាស្ដ្រមួយយ៉ាងល្អ ព្រោះមិនទុកដីឱ្យនៅទំនេរ ។ ជួយរក្សាដីឱ្យមានជីវិត ។ បង្កើតបរិស្ថានបៃតងក្នុងភូមិ ឃុំយើង ។
ឯកឧត្ដមបញ្ជាក់ថា យើងត្រូវប្រើឱ្យអស់លទ្ធភាពដី ទឹក និងជាពិសេសធ្វើឱ្យខ្លួនយើងរវល់ពេញមួយឆ្នាំ (រវល់នឹងការងារកសិកម្ម ជីវភាពយើងសម្បូររុងរឿង)។ សុំឱ្យភូមិ ឃុំ ស្រុក ខេត្ដនៅទូទាំងប្រទេស ត្រូវប្រកាន់គោលការណ៏កុំទុកដីឱ្យនៅទំនេរ ក្រោយពេលប្រមូលផលស្រូវរួច។ យើងហូបបាយ ៣ ដងក្នុងមួយថ្ងៃ ប៉ុន្ដែបើយើងធ្វើស្រែម្ដងក្នុងមួយរដូវ តើយើងអាចធានាសន្ដិសុខស្បៀង ក្នុងគ្រួសារក្នុងប្រទេសបានទេ?
បើដូច្នេះយើងទាំងអស់គ្នា ជាមន្ដ្រីជំនាញត្រូវជំរុញឱ្យបងប្អូនប្រជាពលរដ្ឋ ប្ដូរទម្លាប់ពីការធ្វើស្រែបានតែម្ដងក្នុងមួយរដូវ ជំរុញឱ្យធ្វើបានពីរដង បើមានលទ្ធភាពទឹកគ្រប់គ្រាន់ចំពោះតំបន់ទឹកតិច គួរដាំដំណាំរួមផ្សំដែលមិនត្រូវការទឹកច្រើន ។
ទាក់ទងនឹងការប្ដូរពូជ (ស្រូវ) ឯកឧត្ដមរដ្ឋមន្ដ្រី បានមានប្រសាសន៏ថា ក្រសួងកសិកម្ម បានបញ្ចេញពូជស្រូវ១០ប្រភេទ មានពូជស្រូវស្រាល (សែនពិដោរ IR៦៦ និងពូជជលសារ) ពូជស្រូវកណ្ដាល (ពូជផ្កាច័ន្ទសែនពិដោរ ផ្ការំដួល ផ្ការមៀត និងពូជផ្ការំដេង) និងពូជ ស្រូវធ្ងន់ (រាមងជ័យCAR4 និងពូជCAR6)។ ការបញ្ចេញពូជទាំងនេះ គឺក្នុងបំណងបង្កើនផលិតកម្មស្រូវ ដើម្បីជំរុញការនាំចេញ ឱ្យបានគ្រប់១លានតោនក្នុងឆ្នាំ តាមផែនការរបស់រាជរដ្ឋាភិបាលនិងជាពិសេស ដើម្បីឱ្យបងប្អូនប្រជាកសិករបានស្គាល់និងយកទៅប្រើប្រាស់ពូជស្រូវខ្មែរ ។
លោកអភិបាលស្រុក បានឱ្យដឹងថាបន្ទាប់ពីមានការផ្សព្វផ្សាយ បណ្ដុះបណ្ដាលពីការងារកសិកម្ម ពីនាយកដ្ឋានផ្សព្វផ្សាយកសិកម្ម នៃក្រសួងកសិកម្ម រុក្ខាមប្រមាញ់និងនេសាទ ប្រជាពលរដ្ឋនៅតំបន់នេះ ជ្រើសរើសយកដំណាំពោត ជាដំណាំស្បៀង បន្ទាប់ពីដំណាំស្រូវ ដែលមានចំនួន៦០០ហិកតា នៅទូទាំងស្រុក ។
ឯកឧត្ដមបន្ដទៀតថា ពីដើមឡើយប្រជាពលរដ្ឋនិយមឡើងភ្នំ កាប់អុស ដុតធ្យូងធ្វើអុស និងបរបាញ់សត្វ ដោយបានទទួលកាលផ្សព្វផ្សាយ ពីការងារកសិកម្មពួកគេនាំគ្នាប្រកាន់យកការងារដាំដុះស្រូវ និងដំណាំគ្រប់ៗគ្នា ដោយសារតំបន់នេះ មានអំណោយផលទឹកពីទំនប់ម្លេច ។ ឯកឧត្ដមបន្ដថាទីនេះប្រជាពលរដ្ឋអាចធ្វើស្រែបាន ២ ដងនិងបន្ទាប់ពីប្រមូលផលលើកទីពីរគេនាំគ្នាដាំពោតទទួលបានផលយ៉ាងល្អប្រសើរ ៤-៥តោនក្នុង ១ ហិកតា ៕
ចេញផ្សាយ ១៨ កញ្ញា ២០២៤ 126
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 132
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 132
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 160
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 151
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 160
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
ចេញផ្សាយ ១៧ កញ្ញា ២០២៤ 166
អបអរសាទរ ខួប១ឆ្នាំ នៃការចុះរមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក
ចេញផ្សាយ ១៦ កញ្ញា ២០២៤ 229
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយអង្គភាពសារព័ត៌មានត្នោត អ៊ែប
ចេញផ្សាយ ១៦ កញ្ញា ២០២៤ 188
១០០ឆ្នាំ នៃដំណាំកៅស៊ូនៅកម្ពុជា
ចេញផ្សាយ ១៥ កញ្ញា ២០២៤ 260
កឧត្តមរដ្ឋលេខាធិការ ប្រាក់ ដាវីដ អញ្ជើញចុះពិនិត្យវឌ្ឍនភាពក្រុមហ៊ុន កូវីផាម៉ា ក្រុមហ៊ុ វ៉ារ៉ាណាស៊ី និងក្រុមហ៊ុន សេដ្ឋិកុលា ស្ថិតនៅក្នុងឃុំប៊ូស្រា ស្រុកពេជ្រាដា ខេត្តមណ្ឌលគិរី
