វគ្គបណ្តុះបណ្តាលអ្នកសម្របសម្រួលថ្នាក់ខេត្ត ស្តីពី "ផលិតកម្មកសិកម្មតាមកិច្ចសន្យា"

ចេញ​ផ្សាយ​ ២៥ កក្កដា ២០២២ 16695

នាព្រឹកថ្ងៃពុធ ៧រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២០ ខែកក្កដា ឆ្នាំ២០២២ នៅសណ្ឋាគារវៃគោ ខេត្តស្វាយរៀង គម្រោងខ្សែច្រវ៉ាក់ផលិតកម្មដោយភារៈបរិស្ថាន បានសហការជាមួយនាយកដ្ឋានកសិ-ឧស្សាហកម្ម នៃក្រសួងកសិកម្ម រុក្ខាប្រមាញ់ និងនេសាទ បានរៀបចំវគ្គបណ្តុះបណ្តាលអ្នកសម្របសម្រួលថ្នាក់ខេត្ត វគ្គបណ្តុះបណ្តាលអ្នកសម្របសម្រួលថ្នាក់ខេត្ត ស្តីពី "ផលិតកម្មកសិកម្មតាមកិច្ចសន្យា"  ក្រោមអធិបតីភាព លោក គង់ ភាជ ប្រធាននាយកដ្ឋានកសិ-ឧស្សាហកម្ម ដោយមានការអញ្ជើញចូលរួមពីមន្រ្តីរបស់គម្រោងខ្សែច្រវ៉ាក់ផលិតកម្មដោយភារៈបរិស្ថាន និងមន្រ្តីជំនាញការិយាល័យកសិ-ឧស្សាហកម្ម និងមន្រ្តីពាក់ព័ន្ធ មកពីមន្ទីរកសិកម្ម រុក្ខាប្រមាញ់ និងនេសាទខេត្តស្វាយរៀង ត្បូងឃ្មុំ តាកែវ កំពង់ចាម និងខេត្តកំពត សរុបចំនួន ២០រូប។ វគ្គបណ្តុះបណ្តាលនេះមានការធ្វើបទបង្ហាញអំពី ផលិតកម្មកសិកម្មតាមកិច្ចសន្យា ដោយលោក សៀក វិឆ័យ អនុប្រធានការិយាល័យអភិវឌ្ឍន៍កសិ-ឧស្សាហកម្ម នៃនាយកដ្ឋានកសិ-ឧស្សាហកម្ម ជាគ្រូបង្គោលថ្នាក់ជាតិ ដែលមានគោលបំណងដើម្បីចែករំលែកចំណេះដឹង បទពិសោធន៍ល្អៗ ដែលអង្គភាពជំនាញបានដឹកនាំអនុវត្តកន្លងមក ហើយបានរៀបចំចេញជាឯកសារណែនាំសម្រាប់ដំណើរការអនុវត្ត ក្នុងកិច្ចសម្របសម្រួលផ្នែកផលិតកម្មកសិកម្មតាមកិច្ចសន្យា នៅកម្ពជាឱ្យកាន់ដំណើរការទៅបានល្អ នឹងទទួលបានលទ្ធផលល្អប្រសើរថែមទៀត។