ពិធីសម្ពោធសមាគមខាំបូដ្រា

ចេញ​ផ្សាយ​ ៣០ សីហា ២០២០ 21679

នារសៀលថ្ងៃព្រហស្បតិ៍ ៩កើត ខែភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៧ ខែសីហា ឆ្នាំ២០២០ លោក គង់ ភាជ ប្រធាននាយកដ្ឋានកសិ-ឧស្សាហកម្ម នៃក្រសួងកសិកម្ម រុក្ខាប្រមាញ់ និងនេសាទ បានចូលរួមជាគណៈអធិបតី​ ក្នុងពិធីសម្ពោធសមាគមខាំបូដ្រា ដែលបានរៀបចំដោយសមាគមភាពជាដៃគូកម្ពុជាដើម្បីអភិវឌ្ឍន៍ធនធានមនុស្សនៅជនបទ(ខាំបូដ្រា) ក្រោមអធិបតីភាព លោកស្រី ម៉ាលីន រ៉ាមេរ៉េស អគ្គលេខាធិការអង្គការអេស៊ាដ្រា (តាមរយៈប្រព័ន្ធ Skype) លោក ប៉ាន សុភាព ប្រធានក្រុមប្រឹក្សាភិបាលសមាគមខាំបូដ្រា និង លោកស្រី ថ្លាង សុវណ្ណពិសី នាយិកាក្រុមហ៊ុនសហករណ៍សរីរាង្គខ្មែរ ។ ពិធីនេះរៀបចំឡើងនៅសណ្ឋាការសាន់វ៉េ មានអ្នកចូលរួមសរុបចំនួន៥២នាក់ ដែលអញ្ជើញមកពីតំណាងរាជរដ្ឋាភិបាល (ក្រសួងមហាផ្ទៃ ក្រសួងកសិកម្ម រុក្ខាប្រមាញ់ និងនេសាទ ក្រសួងអភិវឌ្ឍន៍ជនបទ និងក្រសួងពាណិជ្ជកម្ម) តំណាងធនាគារអភិវឌ្ឍន៍ជនបទ និងកសិកម្ម តំណាងអង្គការស្បៀង និងកសិកម្ម នៃអង្គការសហប្រជាជាតិ (FAO) តំណាងសាកលវិទ្យាល័យ ដៃគូអភិវឌ្ឍន៍ អង្គការសង្គមស៊ីវិល ក្រុមហ៊ុនឯកជន អង្គការកសិករ/សហគមន៍កសិកម្ម អ្នកសារពត៌មាន និងសមាជិកសមាជិការរបស់សមាគមខាំបូដ្រា។