ការរៀបចំផែនការយុទ្ធសាស្រ្តអភិវឌ្ឍន៍វិស័យកសិកម្ម ២០១៩-២០២៣

ចេញ​ផ្សាយ​ ១៩ កញ្ញា ២០១៨ 20772

នៅព្រឹកថ្ងៃពុធ ១០កើត ខែភទ្របទ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែកញ្ញា ឆ្នាំ២០១៨ នាយកដ្ឋានផែនការនិងស្ថិតិ បានរៀបចំសិក្ខាសាលាពិគ្រោះយោបល់ស្តីពីការរៀបចំផែនការយុទ្ធសាស្រ្តអភិវឌ្ឍន៍វិស័យកសិកម្ម ២០១៩-២០២៣ ក្រោមអធិបតីភាពឯកឧត្តម ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទនាយកដ្ឋាន លោកបណ្ឌិត មាស ពិសិដ្ឋ អគ្គលេខាធិការរង និងជានាយកកម្មវិធី ASPIRE លោក ម៉ក់ ម៉ូនី ប្រធាននាយកដ្ឋានផែនការនិងស្ថិតិ និងអស់លោក លោកស្រី ដែលជាប្រធាន អនុប្រធានអង្គភាពដែលទទួលបន្ទុក ទីប្រឹក្សា ជំនាញការ និងសហការី ដើម្បីជាធាតុចូលមួយយ៉ាងសំខាន់ ដើម្បីឲ្យការរៀបចំសិក្ខាសាលាពិគ្រោះយោបល់នេះប្រព្រឹត្តិទៅដោយជោគជ័យ ដោយមានការធ្វើបទបង្ហាញ និងពិភាក្សា៖

១) បទបង្ហាញស្តីពី គោលបំណងនិងវិធីសាស្រ្តក្នុងការរៀបចំពង្រាងផែនការយុទ្ធសាស្រ្តកសិកម្ម

២) បទបង្ហាញអំពី ការរៀបចំសេចក្តីព្រាងផែនការកម្មវិធីបង្កើនផលិតភាព ពិពិធកម្មដំណាំកសិកម្ម និងពង្រីកកសិ-ធុរកិច្ច

៣) បទបង្ហាញអំពី ការរៀបចំពង្រាងផែនការកម្មវិធីលើកកម្ពស់សុខភាពសត្វ និងផលិតកម្មសត្វជាលក្ខណៈពាណិជ្ជកម្ម

៤) បទបង្ហាញអំពី ការរៀចំពង្រាង ផែនការកម្មវិធីការគ្រប់គ្រងធនធានជលផល និងអភិវឌ្ឍវារីវប្បកម្ម

៥) បទបង្ហាញអំពី ការរៀបចំពង្រាង ផែនការកម្មវិធីបង្កើនប្រសិទ្ធភាពសេវាគាំទ្រ និងអភិវឌ្ឍន៍ធនធានព្រៃឈើនិងសត្វព្រៃ

៦)​​ បទបង្ហាញអំពី ការរៀបចំពង្រាង ផែនការកម្មវិធីបង្កើនប្រសិទ្ធភាពសេវាគាំទ្រ និងអភិវឌ្ឍន៍ធនធានមនុស្ស។

សិក្ខាសាលានេះប្រព្រឹត្តិទៅនៅសណ្ឋាគារ អង្គរប៉ារ៉ាឌីស ខេត្តសៀមរាប ដោយមានការឧបត្ថម្ភដោយកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE)។