សកម្មភាពដាំដុះកៅស៊ូនៅ ឃុំស្រែណួយ ស្រុកវ៉ារិន ត្រូវបានគេមើលឃើញថា កំពុងតែដំនើរការល្អគួរជាទីសង្ឃឹម នាពេលអនាគត។ កាលពីថ្ងៃទី ៣១ខែមិនា កន្លងទៅនេះលោក ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ អមដំនើរដោយថ្នាក់ដឹកនាំអង្គភាពនាយកដ្ឋានពាក់ព័ន្ធ និងមន្ត្រីបច្ចេកទេសមួយចំនួន បានចុះពិនិត្រមើលការលូតលាស់ដំនាំកៅស៊ូថ្នាលបណ្តុះកូនកៅស៊ូរបស់ក្រុមហ៊ុនដីសម្បទានសេដ្ឋកិច្ច សំរោងរ៉ាប់ប៊ើរ អ៊ីនដាសស្រី្ទ ភីធីអ៊ី អិលធីឌី នៅភូមិព្រៃខ្នុរ ឃុំស្រែណួយ ស្រុកវ៉ារិន ។
មន្ត្រីរួមដំនើរជាមួយ បានប្រាប់រស្មីកម្ពុជា កាលពីថ្ងៃទី ០២ ខែមេសាថានៅទីនោះ តំណាងក្រុមហ៊ុនបានអោយដឹងថា ចាប់តាំងពីឆ្នាំ២០០៦ មកដល់ឆ្នាំ២០០៨ បានដាំកៅស៊ូបានលើផ្ទៃដី១.៧៧២ ហិចតា។
ជារូមកូនកៅស៊ូបានដាំកន្លងមក មានស្ថានភាពដុះសំរាប់ឆ្នាំ២០០៩-២០១០ លើផ្ទៃដី ៥២០ហិចតាដោយបានធ្វើការរៀបចំ បានមួយភាគរយ និង ត្រៀមលក្ខណៈដាំដុំនៅតាមអនុតំបន់ជារួមកសាងហេដ្ឋារចនាសម្ព័ន្ធដូចជាផ្លូវ ស្ពាន សាលារៀន អាងស្តុបទឹក និងអគ្គាស្នាក់នៅសម្រាប់បំរើការងារ និងផ្ទះកម្មករ។
លោករដ្ឋមន្ត្រី និងសហការីបានបន្តទៅពិនិត្រមើលច្បារពូជកៅស៊ូក្នុងលក្ខណៈត្រៀមបម្រុងកូនកៅស៊ូប្រមាណ៥១៣.៩៤៥ដើម និងបំបៅបានកូនកៅស៊ូបានចំនួន២៥០.៦៦៦ដើមសម្រាប់ត្រៀមដាំដុះក្នុងផែនការឆ្នាំ២០១០ នេះ។ លោក រដ្ឋមន្ត្រីបានកោតសសើរនិងវាយតំលៃខ្ពស់ ។ ជាពិសេសការខិតខំប្រឹងប្រែងរបស់ក្រុមហ៊ុនទៅលើការអនុវត្តន៌គំរោងវិនិយោគបន្ទាប់ពីទទួលបានដីសម្បទានសេដ្ឋកិច្ចដែលអនុញ្ញាតិជាគោលការណ៌ពីរាជរដ្ឋាភិបាល។ លោកបានផ្តល់នូវការណែនាំមួយចំនួន ដែលក្នុងនោះស្នើរអោយប្រុងប្រយ័ត្ន និង ការពារភ្លើងឆេះកូនកៅស៊ូ។
យកចិត្តទុកដាក់ និងសហការជាមួយអាជ្ញាធរមូលដ្ឋាននិងមន្ត្រីជំនាញអោយបានល្អ។ដើម្បីអោយដំនើរការវិនិយោគនេះ សម្រេចបានទៅតាមផែនការដូចបានគ្រោងទុក ហើយក៏ត្រូវយកចិត្តទុកដាក់ទៅលើសុខទុក្ខនិងជីរភាពរស់រនៅរបស់កម្មករដែលជាកម្មករដែលជាដៃគូមិនអាចខ្វះបាន នៅក្នុងដំណើរការអនុវត្តន៌គម្រោងវិនិយោគដាំដុះកៅស៊ូអោយមានការជឿនលឿនទៅមុន ។
លោករដ្ឋមន្ត្រីបានបន្តថា អ្វីដែលលោកចង់ឃើញ ក៏ដូចជាប្រមុខរដ្ឋាភិបាលចង់បាន គឺប្រែក្លាយតំបន់នេះទៅជាមួលដ្ឋានផលិតកម្ម-អាជីវកម្មកៅស៊ូនាពេលអនាគតដ៏ខ្លីខាមុខនេះ ៕
