ព័ត៌មានផ្សេងៗទៀត
បញ្ហាទឹកនៅតែជាឧបសគ្គក្នុងការងារបង្កបង្កើនផល
ចេញផ្សាយ ២២ មករា ២០១៨ 2703
កាលពីថ្ងៃទី២១ ខែសីហា ឯកឧត្ដមរដ្ឋមន្ដ្រីរួមដំណើរជាមួយមន្ដ្រីថ្នាក់ដឹកនាំនាយកដ្ឋានជំនាញមួយចំនួនបានអញ្ជើញចុះពិនិត្យការបូមទឹកជួយសង្គ្រោះសន្ទូងដែលកំពុងជួបការរាំងស្ងួតនៅភូមិព្រៃលើ និងភូមិហុងស៊ុយ ឃុំបន្ទាយមាសខាងលិច ស្រុកបន្ទាយមាស។
ក្រោយបានស្តាប់របាយការណ៍ពីលោកអភិបាលស្រុកអំពីសកម្មភាពការងារបង្កបង្កើនផល និងបញ្ហាគ្រោះរាំងស្ងួតរួចមក ឯកឧត្តមរដ្ឋមន្ត្រីបានអនុញ្ញាតឲ្យមន្ត្រីជំនាញឡើងមានចំណាប់អារម្មណ៍ជុំវិញការងារបង្កបង្កើនផល ការប្រើពូជ ប្រើប្រាស់ជី ថ្នាំពុលកសិកម្ម និងថ្នាំបំប៉នគ្រប់ប្រភេទ ជាពិសេសថ្នាំសម្លាប់សត្វល្អិត មុនប្រើគួរគម្បីពិភាក្សាជាមួយមន្ត្រីជំនាញដែលនៅជិតខ្លួនជាមុនសិន ហើយត្រូវជ្រើសរើសថ្នាំណាដែលមានបកប្រែភាសាខ្មែរ ព្រោះបានចុះបញ្ជិកានិងបានការអនុញ្ញាតឲ្យធ្វើអាជីវកម្មត្រឹមត្រូវតាមច្បាប់ពីបក្រសួងកសិកម្ម។
ផ្ទុយទៅវិញបើថ្នាំនោះគ្មានការបកប្រែជាភាសាខ្មែរថ្នាំនោះពិតជាក្លែងក្លាយ ប្រើទៅធ្វើឲ្យគ្រោះថ្នាក់ដល់សុខភាពខ្លួន បំផ្លាញសត្វមានប្រយោជន៍ក្នុងស្រែ និងបំផ្លាញដំណាំស្រូវទៀតផង ជាពិសេសនោះគឺគុណភាពអង្ករដែលអ្នកបរិភោគមានការបារម្ភបំផុតនៅពេលបច្ចុប្បន្ន។
ការប្រើជីក៏ដូចច្នោះដែរ ត្រូវសួរនាំមន្ត្រីជំនាញឲ្យបានច្បាស់មុនប្រើ ពីព្រោះកាលណាប្រើខុសពេល ប្រើច្រើនពេក ប្រើខុសជី លទ្ធផលទទួលបានគឺដូចជាមិនបានប្រើ ហើយអាចប៉ះពាល់ដល់ដំណាំស្រូវ ជាពិសេសសត្វល្អិតមានប្រយោជន៍ក្នុងស្រែ និងធ្វើឲ្យខូចដីទៀតផង។ មន្ត្រីជំនាញបានជូនមតិថាគួរប្រើជីកំប៉ុស្តិ៍ លាមកសត្វ និងកាកសំណល់ឡជីវឧស្ម័នឲ្យបានច្រើនជាការប្រសើរជាង សំខាន់នោះគឺយើងអាចកាត់បន្ថយថ្លៃដើមបានមួយចំនួនធំ។
មានមតិសំណេះសំណាលនាឱកាសនោះ ឯកឧត្តមរដ្ឋមន្ត្រីបានជម្រាបជូនប្រជាកសិករជ្រាបថារដ្ឋាភិបាលអូស្ត្រាលីបាន ផ្តល់ជំនួយដល់រាជរដ្ឋាភិបាលកម្ពុជានូវប្រឡាយទឹក ៦ ខ្សែមានប្រវែង ៣០៣៨៦ ម៉ សហការជាមួយក្រសួងកសិកម្ម រុក្ខាប្រមាញ់ និងនេសាទ និង ១ ខ្សែទៀតសហការជាមួយក្រសួងធនធានទឹកនិងឧតុនិយម។
ប្រឡាយចាប់ផ្តើមកសាងនៅឆ្នាំ២០១១ ដោយ ទាញយកទឹកពីព្រែកទូកមាសព្រែកនេះតភ្ជាប់ពីទន្លេបាសាក់ព្រំប្រទល់ប្រទេសវៀតណាមតាមរយៈគម្រោង CAVAC(Cambodia Agriculture Value Chain)។ ក្រោយពីទទួលបានប្រឡាញនេះប្រជាកសិករភាគច្រើនចាប់ផ្តើមធ្វើស្រែបាន២ ដងក្នុង ១រដូវ ពិសេសស្រូវដើមរដូវ នេះគឺជាការចាប់ផ្តើមធ្វើការកែទម្លាប់ ជាការចាប់ផ្តើមកែប្រែជីវភាពតាមរយៈបង្កើនផលិតភាពផលិតកម្មដំណាំស្រូវលើផ្ទៃដីដដែលដើម្បីធានាសុវត្ថិភាពស្បៀងនិងជំរុញគោលនយោបាយរបស់រាជរដ្ឋាភិបាលឲ្យបានសម្រេចគោលដៅនៃការនាំចេញអង្ករក្នុងឆ្នាំ២០១៥ ឲ្យបាន ១ លានតោន។ ទៅដល់ចំណុចនោះ ឯកឧត្តមបានជម្រាបជូនប្រជាកសិករថាផ្លូវដែលត្រូវដើរនៅវែងឆ្ងាយណាស់ តែបើយើងមិននាំគ្នាចាប់ផ្តើមដើរពីថ្ងៃនេះទេ នោះយើងនៅតែមិនអាចទៅដល់គោលដៅរបស់យើង។
ហេតុនេះត្រូវនាំគ្នាខំទាំងអស់គ្នាទាំងមន្ត្រីជំនាញ អាជ្ញាធរដែនដី ស្ថាប័នមានសមត្ថកិច្ចពាក់ព័ន្ធ និងប្រជាកសិករទៅតាមភារកិច្ចរៀងៗខ្លួនជារួម ដោយឡែកក្រសួងកសិកម្ម អគ្គនាយកដ្ឋានកសិកម្មត្រូវខិតខំធ្វើយ៉ាងណាផ្សព្វផ្សាយឲ្យកសិករធ្វើស្រែត្រូវចេះគិតគូពីសេដ្ឋកិច្ច (ខាត ចំណេញ) ប្រើអ្វីខ្លះ ប្តូរពូជចេញធ្វើតាមប្រព័ន្ធប្រពលវប្បកម្មដំណាំស្រូវតាមគោលការណ៍ធម្មជាតិ (បវស) ក្នុង នោះមានការសាប ការប្រើពូជ ធ្វើដីឲ្យស្មើល្អ ការស្ទូង ការដាក់ជី និងការមើលថែទាំ ពិសេសត្រូវប្រកាន់នូវគោលការណ៍កាត់បន្ថយ ៣ (បន្ថយបរិមាណពូជ ជីគីមី និងបន្ថយថ្នាំពុលកសិកម្ម) បើអនុវត្តបានល្អ នោះយើងអាចបង្កើន ៣ វិញគឺ (ទិន្នផល គុណភាព និងប្រាក់ចំណូល)។ តាមការអង្កេតរបស់លោកឃើញថា ក្រោយពេលច្រូតកាត់ដោយប្រើម៉ាស៊ីនកសិករដុតជើងជ្រាំងចោល ក្នុងស្រែបញ្ហានេះលោកបានជូនយោបល់ថាមិនគួរអនុវត្តតទៅទៀតទេពីព្រោះធ្វើឲ្យដីរឹងសម្លាប់សត្វមានប្រយោជន៍ទាំងនៅលើដី និងក្នុងដី បំផ្លាញជីធម្មជាតិចោលទាំងស្រុង បំផ្លាញមីក្រូសរីរាង្គរបស់ដី និងអាចរាលឆេះផ្ទះសំបែង ឆេះស្រូវទៀតផង សំខាន់នោះគឺយើងដុតបំផ្លាញចោលទាំងស្រុងនូវចំណីសត្វគោក្របី និងប្រយោជន៍ផ្សេងៗទៀតជាច្រើន។
ឃើញចំបើងមានសារៈប្រយោជន៍ ច្រើនដូច្នេះយើងគួរប្រមូលរក្សាទុកឲ្យបានត្រឹមត្រូវទុកប្រើសម្រាប់ចំណីគោ ក្របីក្នុងរដូវទឹកជំនន់។
ទាក់ទងនឹងការប្រើទឹក លោកសុំឲ្យប្រជាកសិករចេះយល់យោគគ្នារវាងអ្នកដើមទី និងចុងប្រឡាយចៀសវាង មានបញ្ហា មានទឹកហើយនាំគ្នារួតរះដកស្ទូងឲ្យបានទាន់ពេលវេលា កុំបង្អែបង្អន់ក្រែងសំណាបចាស់អស់ ស្ទូងទៅបានផលតិច តែបើសំណាបចាស់សុំចាប់ឲ្យធំៗព្រោះវាអស់ពេលបែកគុម្ភហើយ ស្ទូងរួចកុំដើរចោលស្រែ ត្រូវចុះមកមើលថែទាំងជាប់ជាប្រចាំ ក្នុងឱកាសនេះលោកបានជួយឧបត្ថម្ភប្រេងសម្រាប់បូមទឹកចំនួន ២០០ លីត្រ ផងដែរ។
ចេញផ្សាយ ១៩ កញ្ញា ២០២៤ 72
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 75
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 79
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 123
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 155
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 149
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 148
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 174
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 176
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 171
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 179
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
