Other News
ឯកឧត្តមរដ្ឋលេខាធិការ ចាន់ ចេស្តា អញ្ជើញដឹកនាំក្រុមការងារចុះជួបសំណេះសំណាលសួរសុខទុក្ខ កងទ័ពការពារព្រំដែននៅស្រុកកំពង់ត្រាច ខេត្តកំពត
ចេញផ្សាយ ០២ មេសា ២០២៥ 306
នៅថ្ងៃទី០១ ខែមេសា ឆ្នាំ២០២៥ ឯកឧត្ដម ចាន់ ចេស្តា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ រួមដំណើរដោយឯកឧត្ដម ស្រី សុទ្ធា ឯកឧត្តម ខាន់ សំបាន អនុរដ្ឋលេខាធិការ និងថ្នាក់ដឹកនាំ មន្ត្រីជំនាញក្រោមឱវាទក្រសួង មន្ទីរកសិកម្ម រដ្ឋបាលស្រុក និងមន្ត្រីកសិកម្មឃុំ ស្រុកកំពង់ត្រាច បានអញ្ជើញចុះជួបសំណេះសំណាល សួរសុខទុក្ខដល់កងទ័ពនៃកងវរសេនាតូចលេខ៣៣៥ ការពារព្រំដែនដែលមានមូលដ្ឋាននៅស្រុកកំពង់ត្រាច ក្នុងខេត្តកំពត។
ក្នុងដំណើរនេះ ក្រុមការងារបាននាំយកនូវគ្រឿងឧបភោគ បរិភោគ និងថវិកា សរុបជាទឹកប្រាក់ស្មើ ១៦លានរៀល ព្រមទាំងផ្តល់ជូនបន្ថែមនូវ កូនមាន់ចំនួន ៥០០ក្បាល កូនត្រី ៣ ០០០ ក្បាល ពូជស្រូវ ពូជបន្លែ និងកូនឈើចំនួន ២០០ដើម តាមសំណូមពររបស់កងវរសេនាតូចលេខ៣៣៥ផងដែរ។
នាឱកាសនេះ លោកវរសេនីយ៍ទោ យឿង រតនា មេបញ្ជាការវរសេនាតូច បានថ្លែងអំណរគុណដល់សន្តិភាព ដល់រាជរដ្ឋាភិបាល ក៏ដូចជាក្រសួងកសិកម្ម រុក្ខាប្រមាញ់ និងនេសាទ ដែលតែងតែយកចិត្តទុកដាក់ដល់សុខទុក្ខកម្លាំងនៅសមរភូមិមុខ។ ទន្ទឹមនឹងនេះ លោកវរសេនីយ៍ទោ ក៏បានរាយការណ៍ជូនអង្គពិធីថា សភាពការណ៍នៅតាមព្រំដែនកម្ពុជា វៀតណាម មានភាពស្ងប់ស្ងាត់ ប្រកបដោយសុវត្ថិភាព និងសន្តិសុខល្អប្រសើរ៕
