Other News
កិច្ចប្រជុំពិភាក្សាលើការអនុវត្តស្មារតីលិខិតលេខ៦៥ សជណ ចុះថ្ងៃទី១៨ ខែមករា ឆ្នាំ២០១៩ របស់ទីស្តីការគណៈរដ្ឋមន្ត្រី ក្រោមអធិបតីភាពឯកឧត្តមរដ្ឋមន្ត្រី វេង សាខុន
ចេញផ្សាយ ១៣ មីនា ២០២០ 4095
នៅទីស្តីការក្រសួងកសិកម្ម រុក្ខាប្រមាញ់ និងនេសាទ អគារផ្ការំដួល បន្ទប់ផ្ការមៀត នាព្រឹកថ្ងៃព្រហស្បតិ៍ ៤រោច ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែមីនា ឆ្នាំ២០២០ បានរៀបចំកិច្ចប្រជុំពិភាក្សាលើការអនុវត្តស្មារតីលិខិតលេខ៦៥ សជណ ចុះថ្ងៃទី១៨ ខែមករា ឆ្នាំ២០១៩ របស់ទីស្តីការគណៈរដ្ឋមន្ត្រី ក្រោមអធិបតីភាពឯកឧត្តមរដ្ឋមន្ត្រី វេង សាខុន។ ក្នុងកិច្ចប្រជុំដ៏មានសារៈសំខាន់នាព្រឹកនេះ ក៏មានការអញ្ជើញចូលរួមពីឯកឧត្តមតំណាងក្រសួង-ស្ថាប័នពាក់ព័ន្ធ ឯកឧត្តម លោក លោកស្រីប្រធានអង្គភាពក្រោមឱវាទក្រសួង និងប្រជាពលរដ្ឋទាំង ១២គ្រួសារ។
សូមអនុញ្ញាតជម្រាបជូនថា ដោយមានការណែនាំដ៏ខ្ពង់ខ្ពស់បំផុតពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានដឹកនាំកិច្ចប្រជុំពិភាក្សាអន្តរក្រសួង រួមជាមួយប្រជាពលរដ្ឋទាំង១២គ្រួសារ ដើម្បីដោះស្រាយវិបត្តិវិវាទដីធ្លីជាង ៣៥ឆ្នាំ ផ្អែកលើមូលដ្ឋានយុត្តិធម៌ និងច្បាប់ជាធរមាន និងផ្អែកតាមគោលនយោបាយឈ្នះៗរបស់ សម្តេចតេជោនាយករដ្ឋមន្រ្តី។
