ឯកឧត្តមរដ្ឋមន្ត្រី ឌិត ទីណា ចុះពិនិត្យកសិដ្ឋានចិញ្ចឹមគោបង្កាត់សិប្បនិមិត្ត និងកសិដ្ឋានចិញ្ចឹមជ្រូក និងមាន់សាច់ នៅខេត្តកំពង់ធំ

ចេញ​ផ្សាយ​ ៣១ តុលា ២០២២ 5831

ឯកឧត្តម ឌិត ទីណា ចុះពិនិត្យកសិដ្ឋានចិញ្ចឹមគោបង្កាត់សិប្បនិមិត្ត និងកសិដ្ឋានចិញ្ចឹមជ្រូក និងមាន់សាច់ នៅខេត្តកំពង់ធំ =========================================== ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ​បាន​ចុះ​ទៅ​ពិនិ្យកសិដ្ឋានចិញ្ចឹមគោបង្កាត់សិប្បនិមិត្តជាលក្ខណៈគ្រួសាររបស់លោក សេង សុកចិត្រា នៅភូមិព្រៃស្រង៉ែ ឃុំបល័ង្គ ស្រុកបារាយណ៍ ខេត្តកំពង់ធំ។ បន្ទាប់ពី​បានស្តាប់របាយការណ៍បច្ចេកទេសរបស់ម្ចាស់កសិដ្ឋាន ឯកឧត្តមរដ្ឋមន្ត្រីបាន​ទទួល​យក​សំណូមពរ​ពី​ម្ចាស់កសិកដ្ឋាន ដែលស្នើឱ្យក្រសួងកសិកម្ម រុក្ខាប្រមាញ់ និងនេសាទធ្វើការផ្សព្វផ្សាយជូនកសិករយល់ដឹងឱ្យទូលំទូលាយក្នុងការចិញ្ចឹមគោសិប្បនិម្មិត​។ នា​ថ្ងៃសៅរ៍ ទី២៩ ខែតុលា ឆ្នាំ២០២២ ​ដដែលនោះ ឯកឧត្តមក៏​បានបន្ត​ចុះទៅ​ពិនិត្យកសិដ្ឋានចិញ្ចឹមជ្រូកនិងមាន់សាច់របស់ក្រុមហ៊ុន CP សាខាខេត្តកំពង់ធំ របស់លោក ងី គីមពៅ នៅភូមិអូរកោះគគី ឃុំជ្រប់ ស្រុកសន្ទុក ខេត្តកំពង់ធំ ដែលមានសមត្ថភាពផលិតជ្រូកបានចំនួន ៩ ០០០ក្បាលនិងមាន់ចំនួន ៧០ ០០០ក្បាល/វគ្គចិញ្ចឹម។ ​ក្រោយ​បាន​ស្វែងយល់ពីចំណុចខ្លាំង ចំណុចខ្សោយ ឱកាស និងបញ្ហាប្រឈមក្នុងការចិញ្ចឹម ក៏ដូចជាប្រសិទ្ធភាពសេដ្ឋកិច្ច ឯកឧត្តម ឌិត ទីណា បានជូន​យោបល់​​ដល់​ម្ចាស់​កសិដ្ឋានអំពីបញ្ហាអគ្គីសនី ដោយបានណែនាំឱ្យម្ចាស់កសិដ្ឋាន ដាក់ស្នើសុំប្រើប្រាស់អគ្គីសនីសម្រាប់បម្រើឱ្យវិស័យកសិកម្មដែលមានតម្លៃថោកជាងតម្លៃអគ្គីសនីធម្មតា៕