ឯកឧត្តមរដ្ឋលេខាធិការ មាស ពិសិដ្ឋ អញ្ជើញចូលរួមធ្វើបទ​បង្ហាញ​ក្នុងពិធីសន្និសិទវិទ្យាសាស្រ្តថ្នាក់ជាតិលើកទី៨ ស្តីពីកសិកម្ម ​និងការ​អភិវឌ្ឍជនបទ ក្រោមប្រធានបទ «ការស្រាវស្រាវ បច្ចេកវិទ្យា និង​នវានុវត្តន៍​ដើម្បីចីរភាពកសិកម្ម»

ចេញ​ផ្សាយ​ ៣០ វិច្ឆិកា ២០២៤ 248

នៅថ្ងៃទី២៨-២៩ ខែវិច្ឆិកា ឆ្នាំ២០២៤ ឯកឧត្តម មាស ពិសិដ្ឋ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញ​ចូលរួម និងធ្វើបទបង្ហាញក្នុងពិធី សន្និសិទវិទ្យាសាស្រ្ត​ថ្នាក់ជាតិលើទី៨ ស្តីពី កសិកម្ម និងការអភិវឌ្ឍជនបទលើប្រធានបទ «ការស្រាវស្រាវ បច្ចេកវិទ្យា និងនវានុវត្តន៍ដើម្បីចីរភាពកសិកម្ម» ដែលប្រារព្ធធ្វើឡើង​នៅសាកលវិទ្យាល័យ ហេងសំរិនត្បូងឃ្មុំ ក្នុងខេត្តត្បូងឃ្មុំ ។ 

នៅក្នុងសន្និសិទវិទ្យាសាស្រ្តថ្នាក់ជាតិនេះ ឯកឧត្តមរដ្ឋលេខាធិការ​បានធ្វើបទបង្ហាញគន្លឹះស្តីពី កសិកម្មយើង (Our Agriculture) ដូចជាគោលនយោបាយអាទិភាពទី៥ និងទី៦ របស់រាជរដ្ឋាភិបាលលើវិស័យកសិកម្ម, កម្មវិធីគោល​នយោបាយ​​ថ្មីរបស់ក្រសួងកសិកម្ម រុក្ខាប្រមាញ់ និងនេសាទ គឺផ្តោតខ្លំាង​លើសន្តិសុខស្បៀង និរន្តរភាពសេដ្ឋកិច្ច និងបរិស្ថាន ដែលសំដៅដល់ការ មានហូប (Food Security) មានប្រើ (Wealthy) មានបាន (High income) និងមានរហូត (Sustainable), និងភាពចាំបាច់នៃកិច្ចសហការរវាងស្ថាប័នមានវិជ្ជាជីវៈ ដៃគូអភិវឌ្ឍ អង្គការមិនមែនរដ្ឋាភិបាល វិស័យឯកជន សហគមន៍ និងកសិករ ឬអ្នកផលិតជាដើម៕