ព័ត៌មានផ្សេងៗទៀត
ផ្ទៃដីដំណាំស្រូវចំនួន ៥៦២០ ហត មួយចំនួនធំត្រូវបានជួយសង្គ្រោះ
ចេញផ្សាយ ២២ មករា ២០១៨ 2447
កាលពីថ្ងៃទី០៩ ខែវិច្ឆិកា ឆ្នាំ២០១២ ឯកឧត្ដមរដ្ឋមន្ដ្រីរួមដំណើរជាមួយឯកឧត្តម ចាន យឿន អភិបាលខេត្ត និងមន្ដ្រីថ្នាក់ដឹកនាំនាយកដ្ឋានជំនាញមួយចំនួនបានអញ្ជើញចុះពិនិត្យស្រូវវស្សាចំនួន ៥៦២០ហត ដែលកំពុងប្រឈមនឹងបញ្ហាគ្រោះរាំងស្ងួតក្នុងឃុំចំនួន ៦ នៃស្រុកកោះញែក។
តាមរបាការណ៍របស់លោកប្រធានមន្ទីរកសិកម្មខេត្តបានឲ្យដឹងថា ដោយមានការជួយឧបត្ថម្ភពីអគ្គនាយកដ្ឋានកសិកម្ម មន្ទីកសិកម្មខេត្ត មន្ទីរធនធានទឹកខេត្ត និងអជ្ញាធរដែលដី បានដាក់ម៉ាស៊ីនបូមទឹកចំនួន ១៧ គ្រឿង ជួយអន្តរាគមន៍បូមទឹកជួយសង្គ្រោះមកទល់នឹងបច្ចុប្បន្ននេះផ្ទៃដីចំនួន ១៦៧៨ ហត បានជួយសង្គ្រោះរួចហើយ និង ១៩៧៧ ហត ទៀតកំពុងតែបន្តជួយសង្គ្រោះ ដោយឡែកផ្ទៃដីចំនួន ១៩៦៥ ហត ទៀតកំពុងតែរកដំណោះស្រាយតាមការចាំបាច់ព្រោះគ្មានប្រភពទឹក។
លោកប្រធានមន្ទីរបន្តទៀតថា កន្លងមកពុំធ្លាប់ជួនគ្រោះរាំងស្ងួតធ្ងន់ធ្ងរយ៉ាងដូច្នោះទេ ជាពិសេសស្រុកកោះញែកនេះ ហើយឆ្នាំនេះទូទាំងស្រុកនៅទូទាំងស្រុកដំណាំស្រូវមានការលូតលាស់បានល្អ។
មានមតិសំណេះសំណាលជាមួយបងប្អូនប្រជាកសិករ ឯកឧត្ដមរដ្ឋមន្ដ្រី បានកោដសរសើរដល់ការខិតខំប្រឹងប្រែងរបស់អគ្គនាយកដ្ឋានកសិកម្ម មន្ទីកសិកម្មខេត្ត មន្ទីរធនធានទឹកខេត្ត និងអជ្ញាធរដែលដី បានចុះជួយអន្តរាគមន៍បូមទឹកជួយសង្គ្រោះសន្ទូងបានទាន់ពេលវេលា ប៉ុន្តែនៅសល់ផ្ទៃដីចំនួន ១៩៦៥ ហត ទៀតដែលគ្មានប្រភពទឹក បញ្ហានេះឯកឧត្តមបានឲ្យនាយកដ្ឋានគ្រឿងយន្កសិកម្ម សហការជាមួយមន្ទីរកសិកម្ម ចុះមកសិក្សាពលទ្ធភាពជីកអណ្តូងបូមយកទឹកជួយសង្គ្រោះសន្ទូងមិនអាចទុកឲ្យវាងាប់ទៅដោយគ្មានដំណោះស្រាយបានទេ ពីព្រោះប្រជាពលរដ្ឋពឹងលើដំណាំស្រូវនេះ ក្រៅពីរបរបន្ទាប់បន្សំតិចតួច ជាពិសេសស្រុកកោះញែកជាស្រុកផលិតស្រូវដ៏ធំជាងគេរបស់ខេត្តមណ្ឌលគិរី ហើយខេត្តរតនគិរី និងស្ទឹងត្រែងក៍ត្រូវការស្រូវពីស្រុកនេះដែរ។
បើដូច្នេះយើងគម្បីដុតដៃដុតជើងធ្វើយ៉ាងណាជួយសន្ទូងនេះឲ្យបាន បើយើងដោះស្រាយមិនបានយើងនឹងបាត់បង់ទិន្នផលស្រូវដ៏ច្រើន បាត់បង់ទិន្នផលស្រូវ នាំឲ្យសន្តិសុខស្បៀងមានបញ្ហាចៀសមិនរួម ពេលនេះច្បាស់ជាមានចំណាកស្រុក។ មន្ទីរត្រូវចាំថានេះជាមេរៀនថ្មីមួយសម្រាប់ចងចាំទុក ថាតើបើជួបបញ្ហា (រាំងស្ងួត ឬទឹកជំនន់) ត្រូវដោះស្រាយយ៉ាងណា? ត្រូវយកវិបត្តិនេះធ្វើជាឱកាស សម្រាប់មន្ទីរត្រូវចុះស្រាវជ្រាវកត់ត្រាតើនៅទូទាំងខេត្តមានបឹង ព្រែក ស្ទឹង ប្រឡាយ អូរ ។ល។ ប៉ុន្មាន រួចរៀបចំផែនទីផ្ទៃដីកសិកម្មជាថ្មី នេះជាយុទ្ធសាស្ត្រមួយសម្រាប់ឲ្យយើងគ្រប់គ្រងដីកសិកម្ម កន្លែងណាមាន និងគ្មានប្រភពទឹក ដើម្បីយើងងាយធ្វើការគ្រប់គ្រង។ យកបញ្ហាឆ្នាំនេះទុកជាមេរៀន ចុងរដូវត្រូវបំផុតឲ្យកសិករលើកភ្លឺទប់ទឹក បិតទ្វាទឹក ទប់ទឹកតម្កល់ទុកឲ្យបានត្រឹមត្រូវ។
ចលនាប្រជាពលរដ្ឋស្តារប្រឡាយតូច ធំឡើងវិញទឹកអស់ដើម្បីឲ្យចរន្តទឹកហូរបានលឿន ឆ្នាំក្រោយមន្ទីរត្រូវយកពូជទឹក ១០ មុខរបស់ក្រសួងមកធ្វើបង្ហាញ ក៏ដូចជាការផ្សព្វផ្សាយ ជាពិសេសពូជស្រូវស្រាវ និងស្រូវកណ្តាល ដែលមិនស្រូវមានបញ្ហាចោទចំពោះទឹក។ ក្រៅពីដំណាំស្រូវត្រូវនាំគ្នាដាំបន្លែ ឈើហូបផ្លៃ ចិញ្ចឹមសត្វ និងត្រីដើម្បីកែលម្អជីវភាពឲ្យកាន់តែប្រសើរ។ នាឱកាសនេះ ឯកឧត្តមបានជួយឧបត្ថម្ភប្រេងចំនួន ៣០០ លីត្រផងដែរ។
ចេញផ្សាយ ១៩ កញ្ញា ២០២៤ 100
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 104
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 104
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 133
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 165
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 153
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 182
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 185
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 189
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
