ឯកឧត្តមបណ្ឌិតរដ្ឋលេខាធិការ ហ៊ាន វណ្ណហន អញ្ជើញជា​អធិ​ប​តីភាព​ក្នុងសិក្ខាសាលាបណ្ដុះបណ្ដាលស្ដីពី «ទស្សនទាន​យេនឌ័រ ក្នុងការលើកកម្ពស់តួនាទីបុរស-ស្ត្រី» នៅខេត្តមណ្ឌលគិរី

ចេញ​ផ្សាយ​ ៨ មេសា ២០២៦ 3598

នៅព្រឹកថ្ងៃទី០៨ ខែមីនា ឆ្នាំ២០២៦ ឯកឧត្តមបណ្ឌិត ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជានាយក​គម្រោង បានអញ្ជើញជាអធិបតីភាពបើកសិក្ខាសាលាបណ្ដុះ​បណ្ដាល​ស្ដីពី«ទស្សនទានយេនឌ័រ ក្នុងការលើកកម្ពស់តួនាទីបុរស-ស្ត្រី» ក្រោមក្របខ័ណ្ឌគម្រោង CaWSIP_MAFF នៅខេត្តមណ្ឌលគិរី។
សិក្ខាសាលានេះ មានការចូលរួមពី ក្រុមការងារអនុវត្តគម្រោង CaWSIP-MAFF ថ្នាក់ជាតិ-ខេត្ត តំណាងយេនឌ័រ CaWSIP-MoWRAM ថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទ ខេត្ត​មណ្ឌល​គិរី អាជ្ញាធរស្រុក ឃុំ ភូមិ មន្ត្រីកសិកម្មឃុំ និងសហគមន៍​នៅក្នុង​តំបន់អនុវត្តន៍គម្រោង។
សិក្ខាសាលាធ្វើឡើងក្នុងគោលបំណងសំខាន់ៗបីរួមមាន៖  (១).យល់​ដឹងពី​គោលគំនិតយេនឌ័រសំខាន់ៗ និងតួនាទីផ្សេងៗគ្នារបស់ស្ត្រី និងបុរសក្នុងវិស័យកសិកម្ម ហើយអាចអនុវត្តចំណេះដឹងនេះនៅក្នុង​សកម្មភាពកសិកម្មប្រចាំថ្ងៃនៅក្នុងសហគមន៍ (២).ការលើកកម្ពស់​សម​ភាពយេនឌ័រនៅក្នុងសហគមន៍ និងបម្រើជាចំណុចស្នូលសម្រាប់​ការបន្តការយល់ដឹងអំពីយេនឌ័រ (៣).ពង្រឹងសិទ្ធិអំណាច និងការចូល​រួម​របស់បុរស និងស្ត្រីក្នុងសហគមន៍ ការសម្រេចចិត្តទាក់ទង​នឹងការ​ងារ​កសិកម្ម។
ថ្លែងនាឱកាសនោះ ឯកឧត្តមបណ្ឌិត ហ៊ាន វណ្ណហន បានគូសបញ្ជាក់​ថា តាមរយៈសិក្ខាសាលានេះ អ្នកចូលរួមនឹងយល់ច្បាស់អំពីតួនាទី ឋានៈ និងសិទ្ធិរបស់បុរស-ស្ត្រី ដែលនឹងជួយបង្កើនភាពសមធម៌ និងការអភិវឌ្ឍន៍ប្រកបដោយចីរភាពនៅក្នុងសហគមន៍៕