ព័ត៌មានផ្សេងៗទៀត
ការកាត់បន្ថយបាត់បង់ស្រូវក្រោយប្រមូលផលត្រូវកែលម្អ
ចេញផ្សាយ ២២ មករា ២០១៨ 4922
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានរំលឹកដល់កសិករឱ្យគិតគូរទៅដល់ការបាត់បង់ស្រូវ ក្នុងការប្រមូលផលដែលកើតឡើងដោយការធ្វេសប្រហែស និងខ្វះការប្រិតប្រៀង។ ខណះជាមួយកសិករធ្វើស្រូវប្រាំង នៅក្នុងភូមិព្រែកចម្រៀក ឃុំស្រងែ ស្រុកទាំង កាលពីពេលថ្មីៗនេះ ឯកឧត្តមរដ្ឋមន្ត្រី បានប្រាប់កសិករនៅទីនោះថា ពិនិត្យជារួមកសិករបាត់ស្រូវក្រោយពេលប្រមូលផលច្រើនណាស់។
ប្រការ គឺគួរឱ្យសោកស្តាយហើយ ដែលចាំបាច់ត្រូវតែកែលម្អ។ ឯកឧត្តមបន្តទៀតថា ជាទូទៅតាមការគណនាជារួម កសិករបាត់បង់ស្រូវ ក្រោយពេលនប្រមូលផល ប្រមាណ១៣ភាគរយ។ តួលេខនេះច្រើនណាស់ ដែលយើងមិនអាចបន្តឱ្យមានស្ថានភាពបែបនេះតទៅទៀតទេព្រោះជាការបាត់បង់ចំណូលមួយដែរ។
ឯកឧត្តមរដ្ឋមន្ត្រី បានស្នើឱ្យអគ្គនាយដ្ឋានកសិកម្ម មន្ទីកសិកម្ម និងការិយាល័យកសិកម្មស្រុក បង្រៀនដល់កសិករនៅទីនោះឱ្យចេះអំពីបច្ចេកទេសកសិកម្ម ដើម្បីឱ្យពួកគេមានការយល់ដឹងច្រើន ពីរបៀបធ្វើស្រែ ពីរបៀបប្រមូលផល ដែលមានការបាត់បង់តិច ចេះប្រើប្រាស់ថ្នាំពុលកសិកម្ម ។
នៅទីនោះឯកឧត្តមរដ្ឋមន្ត្រី បានពន្យល់អំពីអ្វី ដែលកសិករត្រូវទទួលយក នាពេលនេះគឺការផ្លាស់ប្តូទម្លាប់ចាស់ និងការចាប់យក និងអនុវត្តវិធីថ្មីឥរិយាបថថ្មី ក្នុងការងារកសិកម្ម ដើម្បីឆ្លើយតបបានចំពោះមហិច្ឆតានាំអង្ករចេញរបស់ប្រទេសកម្ពុជានាឆ្នាំ២០១៥ខាងមុខ៕
