វេទិកា និងពិព័រណ៍កសិកម្មកម្ពុជា ឆ្នាំ២០២៦ (CAFE26) ដែលបានរៀបចំឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ

ចេញ​ផ្សាយ​ ២៦ តុលា ២០២៦ 436

វេទិកា និងពិព័រណ៍កសិកម្មកម្ពុជា ឆ្នាំ២០២៦ (CAFE26) ដែលបានរៀបចំឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ បានក្លាយជាវេទិកាដ៏មានសារៈសំខាន់ក្នុងការតភ្ជាប់បណ្តាញធុរកិច្ច ផ្លាស់ប្តូរចំណេះដឹង និងបទពិសោធន៍ ព្រមទាំងបង្កើតឱកាសសហការថ្មីៗរវាងក្រុមហ៊ុន ប្រជាកសិករ អ្នកផលិត អ្នកចែកចាយ និងភាគីពាក់ព័ន្ធក្នុងវិស័យកសិកម្ម។ ព្រឹត្តិការណ៍នេះមិនត្រឹមតែជាកន្លែងតាំងបង្ហាញផលិតផល និងបច្ចេកវិទ្យាប៉ុណ្ណោះទេ ប៉ុន្តែថែមទាំងជាស្ពានតភ្ជាប់រវាងផលិតកម្ម និងទីផ្សារ សំដៅលើកកម្ពស់ផលិតភាព ប្រសិទ្ធភាព នៃវិស័យកសិកម្មកម្ពុជាឱ្យកាន់តែរឹងមាំ។ ស្នាមញញឹម ការពេញចិត្ត និងបំណងប្រាថ្នារបស់តួអង្គចូលរួមដែលចង់ឱ្យវេទិកា CAFE បន្តរៀបចំជារៀងរាល់ឆ្នាំ គឺជាសក្ខីភាពបញ្ជាក់ពីតម្លៃ និងសារៈសំខាន់នៃព្រឹត្តិការណ៍នេះ។ អ្នកចូលរួម និងក្រុមការងាររៀបចំ សូមថ្លែងអំណរគុណចំពោះស្ថាប័នរដ្ឋាភិបាល អង្គការ ដៃគូសហការ ក្រុមហ៊ុន និងប្រជាកសិករ ដែលបានរួមចំណែកធ្វើឱ្យ CAFE26 ទទួលបានជោគជ័យ៕