ឯកឧត្តមរដ្ឋមន្រ្តី វេង សាខុន អញ្ជើញជាអធិបតីបើកកិច្ចប្រជុំពិនិត្យលើវឌ្ឍនភាព និងបញ្ហាប្រឈម ក្នុងដំណើរការផលិតកម្មស្រូវ និងការនាំចេញអង្ករ

ចេញ​ផ្សាយ​ ១៦ កុម្ភៈ ២០១៨ 2559

នៅរសៀលថ្ងៃទី០៧ ខែវិច្ឆិកា ឆ្នាំ២០១៦ នៅទីស្តីការក្រសួងកសិកម្ម រុក្ខាប្រមាញ់ និងនេសាទ មានបើកកិច្ចប្រជុំពិនិត្យលើវឌ្ឍនភាព និងបញ្ហាប្រឈមក្នុង ដំណើរការផលិតកម្មស្រូវ និងការនាំចេញអង្ករ ដើម្បីត្រៀមសម្រាប់កិច្ចប្រជុំពេញអង្គគណៈកម្មាធិការទី៩ នៃវេទិការាជរដ្ឋាភិបាល និងវិស័យឯកជន ក្រោមអធិបតីភាពឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពី ឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ នៃក្រសួងកសិកម្ម រុក្ខាប្រមាញ់ និងនេសាទ ព្រមទាំងឯកឧត្តម អស់លោក លោកស្រី ជាថ្នាក់ដឹកនាំអង្គភាពជំនាញក្រសួងផងដែរ។