ពិធីចុះអនុស្សារណៈយោគយល់គ្នា និងកិច្ចសន្យាផលិតកម្មកសិកម្ម រវាងសហគមន៍កសិកម្មក្នុងខេត្តព្រះវិហារ និងក្រុមហ៊ុន ស៊ីកនេតឈ័រ អហ្វអេស៊ា

ចេញ​ផ្សាយ​ ១៧ កក្កដា ២០១៩ 24618

ពិធីចុះអនុស្សារណៈយោគយល់គ្នា និងកិច្ចសន្យាផលិតកម្មកសិកម្ម ស្តីពីការផលិត និងផ្គត់ផ្គង់ស្រូវសរីរាង្គ រវាងសហគមន៍កសិកម្មក្នុងខេត្តព្រះវិហារ និងក្រុមហ៊ុន ស៊ីកនេតឈ័រ អហ្វអេស៊ានេះ បានធ្វើឡើងនៅថ្ងៃពុធ ១រោច ខែអាសាឍ ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី១៧ ខែកក្កដា ឆ្នាំ២០១៩នេះ ក្រោមអធិបតីលោក គង់ ភាជ ប្រធាននាយកដ្ឋានកសិ-ឧស្សាហកម្មនៃក្រសួងកសិកម្ម រុក្ខាប្រមាញ់ និងនេសាទ, លោក ពឹង ទ្រីដា ប្រធានមន្ទីរកសិកម្មខេត្តព្រះវិហារ, លោក ចាន់ ពេជ្រ នាយកចាត់ការទូទៅក្រុហ៊ុនស៊ីកនេតឈ័រ អហ្វ អេស៊ា និងមានការចូលរួមពី លោក មិន សោភ័ណ ប្រធានអង្គការ AVSF តំណាងសហភាពសហគមន៍កសិកម្មព្រះវិហារ រួមនឹងតំណាងសហគមន៍កសិកម្មទាំង១១ ផងដែរ។ ឆ្លៀតក្នុងឱកាសនេះដែរ លោក គង់ ភាជ ប្រធាននាយកដ្ឋានកសិ-ឧស្សាហកម្មនៃក្រសួងកសិកម្ម រុក្ខាប្រមាញ់ និងនេសាទ បានលើកឡើងដែរថា រាជរដ្ឋាភិបាលកម្ពុជា តែងតែគិតគូរពីបញ្ហាទីផ្សារកសិកម្ម សម្រាប់កសិករ ដើម្បីឱ្យកសិករមានជីវភាពល្អប្រសើរឡើង ដូចជាថ្ងៃនេះក្នុងក្របខ័ណ្ឌកសិកម្មតាមកិច្ចសន្យា ពិតជាមានអត្ថប្រយោជន៍ខ្លាំងណាស់សម្រាប់គ្រប់ភាគី ចំណែកភាគីកសិករមិនបារម្មណ៍លើបញ្ហាកង្វះទីផ្សារទៀតឡើយ ដោយសារទីផ្សារបានមកដល់ផ្ទះរបស់បងប្អូនប្រជាកសិករ។