ឯកឧត្តមរដ្ឋមន្ត្រី វេង សាខុន បានអញ្ជើញចូលរួមប្រលែងកូនត្រីចំនួន ៦ម៉ឺនក្បាល ជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា រួចមកឯកឧត្តមបានបន្តដំណើរទៅពិនិត្យមើលការអនុវត្តគម្រោងជាមួយសាធារណរដ្ឋ ប្រជាមានិតចិន លើការងារពិសោធន៍និងផ្សព្វផ្សាយដាំដុះដំណាំចម្រុះ

ចេញ​ផ្សាយ​ ១៦ កុម្ភៈ ២០១៨ 3874

នៅថ្ងៃទី០៦ខែវិឆ្ឆិកាឆ្នាំ២០១៦ នេះ ក្រោយពីបានចូលរួមប្រលែងកូនត្រីចំនួន ៦ម៉ឺនក្បាល ជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជណាចក្រកម្ពុជា រួចមក ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរទៅពិនិត្យមើលវឌ្ឍនភាព នៃការ អនុវត្ត​គម្រោងសហប្រតិបត្តិការជាមួយសាធារណរដ្ឋប្រជាមានិតចិន លើការងារពិសោធន៍និងផ្សព្វផ្សាយនៃការដាំដុះដំណាំចម្រុះស្ថិតនៅក្នុងស្រុកឧត្តុង្គ ខេត្តកំពង់ស្ពឺ ។ សូមបញ្ជាក់ គម្រោង ជំនួយឥតសំណងនេះមានឈ្មោះថា CAPROC ហើយទទួលអនុវត្តដោយក្រុមហ៊ុន FORWARD មកពីខេត្តក្វាងស៊ី ។ តាមកិច្ចសន្យាកន្លងទៅរវាងក្រុមហ៊ុន FORWARD និងក្រសួងកសិកម្ម រុក្ខាប្រមាញ់និងនេសាទ ក្រុមហ៊ុននេះនឹងបន្តបោះទុនវិនិយោគរយៈពេលវែង ទៅលើការ ផ្សព្វផ្សាយពូជដំណាំ និងប្រមូលទិញកសិផលពីប្រជាជនវិញ ដូចជាចេក ដំឡូង ស្រូវ សណ្តែកដី។ល។ យកទៅលក់ក្នុងទីផ្សារប្រទេសចិន នាពេលខាងមុខ ។