ព័ត៌មានផ្សេងៗទៀត
ហាមនាំជ្រូកចូលពីប្រទេសជិតខាងក្នុង ពេលជ្រូក កម្ពុជាកំពុងមានជំងឺត្រចៀកខៀវ
ចេញផ្សាយ ១៦ មករា ២០១៨ 3148
សម្ដេចតេជោហ៊ុន សែន នាយករដ្ឋមន្ត្រីកម្ពុជា បានធ្វើការអំពាវនាវ និងចេញបញ្ជាជាបន្ទាន់មួយ ឱ្យមានការចាត់វិធានការរទប់ស្កាត់ការចរាចរណ៏សត្វជ្រូកពីប្រទេសជិត ខាងចូលមកក្ននុងប្រទេស ដែលជាវិធានមួយ ទប់ស្កាត់ការរីករាលដាលនៃជំងឺជ្រូកត្រចៀកខៀវដែលបានកំពុងកើតមាននៅកម្ពុជា ។
សម្ដេចនាយករដ្ឋមន្ត្រី ហ៊ុន សែន បានដាក់បទបញ្ជាដូច្នេះ នៅថ្ងៃពុធ ទី៤ ខែសីហាឆ្នាំ២០១០ ក្នុងឱកាសចែកសញ្ញាប័ត្រ ដល់និស្សិតនៃសកលវិទ្យាល័យបៀលប្រាយ ។
សម្ដេច ហ៊ុន សែន បានប្រកាសសម្រេចឱ្យអាជ្ញាធរនៅខេត្តជាប់ព្រំដែនប្រទេសវៀតណាម និងប្រទេសថៃត្រូវផ្អាកការនាំចូលជ្រូកកមពីប្រទេសទាំងពីរនេះជាបន្ទាន់។
សម្ដេចនាយករដ្ឋមន្ត្រី ហ៊ុន សែន បានលើកយករបាយការណ៏របស់ ឯកឧត្ដមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម មកគូសបញ្ជាក់ថា ជំងឺជ្រូកត្រចៀកខៀវនេះ បានកើតឡើងនៅប្រទេសចិន កាលពីខែកញ្ញា ឆ្នាំ២០០៦ និងនៅខែឧសភា ឆ្នាំ២០១០ នៅក្នុងប្រទេសវៀតណាមនិងឡាវ ។ចំណែកនៅប្រទេសថៃជំ ងឺនេះបានរាតត្បាតកាលពីខែកក្កដា ឆ្នាំ២០១០ហើយឥឡូវនេះវាបានចូលមកដល់ប្រទេសកម្ពុជាហើយ។ មានជ្រូកឈឺងាប់ជាច្រើនពាន់ក្បាលនៅក្នុងខេត្តកំពង់ចាម តាកែវ កំពង់ឆ្នាំង កណ្ដាល កំពត និងខេត្តព្រៃវែង ។
ចំពោះមុខបញ្ហាជំងឺជ្រូកនេះ សម្ដេចតេជោ ហ៊ុនសែន បានប្រកាសអំពាវនាវ និងដាក់ចេញជាបទបញ្ជាតឹងរឹងថា ចរាចរណ៏សត្វជ្រូកត្រូវហាមឃាត់ ។ អាជ្ញាធរខេត្ដនៅតាមព្រំដែនទាំងអស់ ជាពិសេសនៅព្រំដែនវៀតណាម និងព្រំដែនថៃដែលមានការនាំជ្រូកចូលត្រូវផ្អាកសិន ។ យើងត្រូវទប់ស្កាត់សិន ។
បញ្ហាជ្រូកឈឺងាប់នេះ ក៏ត្រូវបានសម្ដេចនាយករដ្ឋមន្ត្រី ហ៊ុន សែនប្រកាសថា បណ្ដាលមកពីជំងឺជ្រូកដែលចាប់ផ្ដើមកើត ដោយគេហៅថាជំងឺត្រចៀកខៀវ ។ ជំងឺជ្រូកត្រចៀកខៀវកំពុងរាតត្បាត ហើយឥឡូវនេះមានវត្តមាននៅគម្ពុជាហើយ ។
សម្ដេចនាយករដ្ឋមន្ដ្រី ហ៊ុនសែន បានបញ្ជាក់ថា ការហាមឃាត់ការនាំចូលជ្រូកពីប្រទេសជិតខាងនេះមិនមែនជាការបំពានលើវិធានការរបស់អង្គការពាណិជ្ជកម្មពិភពលោកនោះទេតែនេះជាវិធានការដើម្បីការពារនូវជីវិតសត្វ ព្រោះជាជំងឺដែលនាំពីកន្លែងមួយ ហើយបើជ្រូកចូលដល់ខេត្តព្រៃវែងហើយ គឺយើងត្រូវទប់ស្កាត់កុំឱ្យវាចូលដល់ភ្នំពេញ ព្រោះបញ្ហានេះវាអន្តរាយដល់សុខភាពមនុស្ស នីសុខភាពសត្វដទៃទៀត ។
ជាមួយគ្នានោះសម្ដេច ហ៊ុន សែន ក៏ស្នើកុំឱ្យសមត្ថកិច្ចមួយចំនួនឆ្លៀតឱកាសរកលុយពេលឃើញជ្រូកឈឺហើយមិនចាប់ បែរជាយកលុយពីម្ចាស់ជ្រូកហើយទុកឱ្យជ្រូកឈឺនោះចូលមកដល់ទីផ្សារដែលជាគ្រោះថ្នាក់ណាស់ ។
សម្ដេច ហ៊ុន សែន ក៏បានអំពាវនាវកុំឱ្យអ្នកលក់ជ្រូកនៅកម្ពុជាដំឡើងតម្លៃសាច់ជ្រូកនៅពេលនេះ ព្រោះវាជារដូវត្រីពងផង ដែលអាចធ្វើឱ្យតម្លៃត្រី និងតម្លៃសត្វផ្សេងត្រូវឡើងថ្លៃ។ សម្ដេចក៏បានរិះគន់ចំពោះអ្នកចិញ្ចឹមជ្រូកនៅក្នុងស្រុក ដែលកន្លងមកបានព្យាយាមហាមការនាំចូលជ្រូកពីក្រៅប្រទេស តែនៅពេលដែលការបិទចរាចរណ៏ជ្រូកពីប្រទេសជិតខាងតម្លៃសាច់ជ្រូកបែរជាកើនឡើងទៅវិញ ។
.អ្នកជំនាញក្រសួងកសិកម្មបញ្ជាក់ថា ជ្រូកឈឺងាប់នៅកម្ពុជាមានជំងឺត្រចៀកខៀវនិងជំងឺប៉េស្ដ
លទ្ធផលនៃការវិភាគលើជ្រូកឈឺងាប់នៅក្នុងប្រទេសកម្ពុជាបានបង្ហាញថា សត្វជ្រូកឈឺងាប់រាប់ពាន់ក្បាលក្នុងពេលថ្មីៗនេះ គឺពុំឃើញមានមេរោគផ្ដាសាយជ្រូក A(H1N1) នោះទេ។ ក៏ប៉ុន្តែអ្នកជំនាញបានរកឃើញថាសត្វជ្រូកទាំងនោះ កើតជំងឺត្រចៀកខៀវនិងជំងឺប៉េស្ដ ។
លទ្ធផលវិភាគនេះ ត្រូវបានប្រកាស នៅថ្ងៃទី៤ ខែសីហា ឆ្នាំ២០១០ ដោយវិទ្យាស្ថានជាតិស្រាវជ្រាវបសុព្យាបាល នៃនាយកដ្ឋានផលិតកម្ម និងបសិព្យាបាលនៃនាយករដ្ឋានផលិតកម្ម និងបសុព្យាបាលរបស់ក្រសួងកសិកម្ម។
លទ្ធផលនៃការវិភាគឈាមជ្រូកចំនួន៨០ក្បាលបានបង្ហាញថា វត្ថុវិភាគចំនួន៨មានវត្ដមានអង់ទីគ័រ ជំងឺត្រចៀកខៀវជ្រូកដែលកើតឡើងនៅក្នុងខេត្តកំពង់ឆ្នាំង កណ្ដាល កំពង់ចាម តាកែវ និងខេត្ដព្រៃវែង ។ ចំណែកវត្ថុវិភាគចំនួន៨ផ្សេងទៀតមានវត្ដមានអង់ទីគ័រជំងឺប៉េស្ដជ្រូកនៅក្នុងខេត្ដកំពង់ឆ្នាំង កំពង់ចាម និងចេត្ដតាកែវ ។
របាយការណ៏របស់អង្គការសុខភាពសត្វពិភពលោក (OIE) បានបញ្ជាក់ថា ក្នុងពេលបច្ចុប្បន្នស្ថានភាពជំងឺត្រចៀកខៀវជ្រូកកំពុងផ្ទុះឡើងនៅប្រទេសឡាវ វៀតណាម និងប្រទេសថៃដែលបានបណ្ដាលឱ្យជ្រូកឈឺស្លាប់និងត្រូវសម្លាប់រាប់រយក្បាល។
ដោយឡែកនៅកម្ពុជា មានជ្រូកឈឺនិងស្លាប់រាប់រយក្បាលតាមបណ្ដាខេត្តមួយចំនួនដូចជា ខេត្តបាត់ដំបង កំពង់ចាម តាកែវ កំពត កណ្ដាល ព្រៃវែង ស្វាយរៀង កំពង់ឆ្នាំង បន្ទាយមានជ័យ និងខេត្តកំពង់ស្ពឺ ។
ក្នុងពេលប្រកាសលទ្ធផលនៃការវិភាគរករោគសម្លាប់ជ្រូករៀបរយក្បាលនោះ នៅព្រឹកថ្ងៃទី៤ខែសីហាឆ្នាំ២០១០ក្រសួងកសិកម្មក៏បានកោះប្រជុំមន្ដ្រីពេទ្យសត្វទូទាំងប្រទេសនៅនាយកដ្ឋានផលិតកម្ម និងបសុព្យាបាល ។ កិច្ចប្រជុំបន្ទាន់ក្រោយពេលមានការផ្ទុះឡើងនូវជំងឺជ្រូកប្រភេទថ្មីបានកើតឡើងនោះត្រូវបានប្រព្រឹត្ដឡើងក្រោមអធិបតីភាពរបស់ស់ឯកឧត្ដមបណ្ឌិតច័ន្ទ សារុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ ។
ឯកឧត្ដមបណ្ឌិតច័ន្ទ សារុន បានប្រកាសនៅក្នុងកិច្ចប្រជុំជាមួយរដ្ឋមន្ដ្រីនពេទ្យសត្វទូទាំងប្រទេសបានលើកឡើងនូវសេចក្ដីណែនាំដែលតម្រូវឱ្យមានការរឹតបណ្ដឹង ការត្រួតពិនិត្យលើការចរាចរណ៏សត្វជ្រូកដែលមានជំងឺចេញពីតំបន់មានសត្វជ្រូកកំពុងឈឺ ទប់ស្កាត់ការនាំចូលសត្វជ្រូកពីប្រទេសជិតខាងដូចជា វៀតណាម និងប្រទេសថៃ ។ ចំណែកមន្ដ្រីពេទ្យសត្វ ក៏ត្រូវតាមដានត្រួតពិនិត្យសុខភាពជ្រូកនៅតាមកសិដ្ឋាន ទីសត្ដឃាត និងអនាម័យទ្រុងជ្រូកដើម្បីអនុវត្តវិធានបសុពេទ្យឱ្យបានទាន់ពេលវេលា ។
ឯកឧត្ដមបណ្ឌិត ច័ន្ទ សារុន បានមានប្រសាសន៏ពន្យល់ទៀតថា សត្វជ្រូកដែលមានជំងឺត្រចៀកខៀវជ្រូក ជំងឺប៉េស្ដជ្រូក គឺពុំបានបណ្ដាលឱ្យឆ្លងដល់មនុស្សឡើយ ។ តែឯកឧត្ដមរដ្ឋមន្ត្រីបានអំពាវនាវដល់ប្រជាពលរដ្ឋកុំឱ្យហូបសាច់ជ្រូកងាប់ ដោយមានជំងឺគឺត្រូវកប់ចោល ។
.សមាគមអ្នកចិញ្ចឹមជ្រូកព្រួយបារម្ភពីការរីករាលដាលជំងឺ
ប្រធានសមាគមអ្នកចិញ្ចឹមជ្រូកនៅក្នុងខេត្តកំពង់ចាម បានសម្ដែងនូវការព្រួយបានម្ភ អំពីការរីករាលដាលនៃជំងឺជ្រូក ខណៈដែលប៉ុន្មានថ្ងៃនេះតម្រូវការសាច់ជ្រូក កំពុងតែមាននិន្នាការធ្លាក់ចុះ ។
លោកស្រី ទុំ សុចិន្ដា ប្រធានសមាគមអ្នកចិញ្ចឹមជ្រូកខេត្តកំពង់ចាមបានថ្លែងថា បើទោះបីជាសមាជិករបស់សមាគមនៅមិនទាន់មានរបាយការណ៏ណាមួយអំពីការឆ្លងរីករាលដាលនៃជំងឺជ្រូកមកកាន់កសិដ្ឋានរបស់ពួកគេក៏ពិតមែន ប៉ុន្តែផលប៉ះពាល់កំពុងតែកើតមានឡើង ។
លោកស្រី បានបញ្ជាក់ថា មុនពេលព័ត៌មានអំពីជញរូកងាប់ សមាគមអាចលក់ចេញជ្រូកកាប់សាច់ ពី១០០ ទៅ១៥០ក្បាលក្នុងមួយថ្ងៃ ប៉ុន្តែប៉ុន្មានថ្ងៃនេះគឺធ្លាក់មកនៅក្រោម១០០ក្បាល។
លោកស្រី បានបន្តទៀតថា យើងកំពុងតែព្រួយបារម្ភ ពីព្រោះបើសិនជាការឆ្លងនេះមិនអាចទប់ស្កាត់បាននោះវានឹងធ្វើឱ្យប៉ះពាល់ទៅដល់ទីផ្សារជ្រូកសាច់របស់សមាគម បើទោះបីជាកសិដ្ឋានយើងអត់មានការឆ្លងក៏ដោយ ។
តាមការអះអាងរបស់លោកស្រីទុំ សុចិន្ដា តម្លៃសាច់ជ្រូកកាប់សាច់នៅក្នុងពេលបច្ចុប្បន្ននេះ គឺនៅក្នុងរង្វង់ពី៧.៨០០រៀល ទៅ៨.០០០រៀលនៅក្នុងជ្រូករស់មួយគីឡូក្រាម ។ ជ្រូកដែលសមាគមលក់ចេញនោះ នៅក្នុងមួយក្បាលមានទម្ងន់ជាមធ្យម ៨០ គីឡូក្រាម ។
នៅក្នុងមួយថ្ងៃនៅទូទាំអប្រទេសកម្ពុជា គេបានធ្វើការប៉ាន់ប្រមាញត្រូវការសាច់ជ្រូកប្រមាណជា៤.០០០ក្បាលនៅក្នុងមួយថ្ងៃ ដើម្បីបម្រើតម្រូវការទីផ្សារហូបចុករបស់ប្រជាពលរដ្ឋប្រមាណ១៤លាននាក់។ជ្រូកនៅតែបន្ដឈឺងាប់ បើទោះបីជាវិធានការទប់ស្កាត់ត្រូវបានដាក់ចេញក៏ដោយ ។
អ្នកចិញ្ចឹមជ្រូករូបនេះ បានបញ្ជាក់ថា ជ្រូកវៀតណាមបានសម្រុកនាំចូលស្រុកយើង ដោយសារតែវាមានតម្លៃថោក គឺគេទិញមកតម្លៃតែ៦.២០០រៀលក្នុងមួយគីឡូក្រាម តែពេលយកមកក់នៅភ្នំពេញ បានតម្លៃ៧.០០០រៀល ធ្វើឱ្យជ្រូកចិញ្ចឹមក្នុងស្រុក ដែលធ្លាប់តែលក់បានតម្លៃ៩.២០០រៀលទៅ៩.៣០០រៀល លក់លែងបាន ។ ឥឡូវនេះកើតជំងឺជ្រូកឈឺងាប់ទៀត ធ្វើឱ្យអ្នកចិញ្ចឹមជ្រូកប្រហែលជានឹងក្ស័យធនជាមិនខាន ។
.មានអ្នកលួចនាំជ្រូករស់ពីវៀតណាមចូលតាមច្រកព្រំដែនខេត្តកំពង់ចាមក្នុងមួយយប់ៗរាប់រយក្បាល
សត្វជ្រូករស់រាប់រយក្បាល ក្នុងមួយយប់ៗ ត្រូវបានគេឃុបឃិតគ្នាលួចនាំចូលពីប្រទេសវៀតណាមតាមច្រករបៀងសំខាន់ៗមួយចំនួនចូលមកក្នុងភូមិសាស្ដ្រខេត្តកំពង់ចាម រួចហើយដឹកបន្ដចូលក្រុងភ្នំពេញនិងនាំទៅកាន់ខេត្តមួយចំនួនទៀត ។ ប៉ុន្ដែកម្លាំងសមត្ថកិច្ច ជាពិសេសមន្ត្រីកសិកម្មខេត្តកំពង់ចាមទាំងអស់គឺសម្ងំឈឹងមិនដែលចេញមុខបង្ក្រាបម្ដងណាឡើយ ។
សមត្ថកិច្ចនៅតាមព្រំដែនបាននិយាយឪ្យដឹងថា សត្វជ្រូករស់នៅប្រទេសវៀតណាមដែលតេាំចូលមកលក់នៅស្រុកខ្មែរសព្វថ្ងៃនេះ នៅវៀតណាមគេលក់តែ ៦,០០០ រៀល ក្នុងមួយគីឡូ ហើយគេយកមកលក់នៅកម្ពុជា ដល់ទៅ ៨,០០០ រៀល ។
សម្តេចនាយករដ្ឋមន្ត្រី ហ៊ុន សែន នៅព្រឺកថ្ងៃទី ០៤ សីហា ២០១០ នេះ បានអំពាវនាវ និងដាក់បញ្ជាឪ្យអជ្ញាធរខេត្តទាំងអស់ ជាពិសេស នៅតាមបណ្តាលខេត្តដែលនៅជាប់ព្រំដែនប្រទេសវៀតណាម និងប្រទេសថៃត្រូវផ្អាកការនាំចូលសត្វជ្រូកសិន ដើម្បីធ្វើការទប់ស្កាត់ការរីករាលដាលជំងឺដែលអាចកើតចេញពីសត្វជ្រូកទាំងនោះ ។
ចេញផ្សាយ ១៨ កញ្ញា ២០២៤ 126
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 131
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 130
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 160
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 151
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 160
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
ចេញផ្សាយ ១៧ កញ្ញា ២០២៤ 165
អបអរសាទរ ខួប១ឆ្នាំ នៃការចុះរមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក
ចេញផ្សាយ ១៦ កញ្ញា ២០២៤ 228
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយអង្គភាពសារព័ត៌មានត្នោត អ៊ែប
ចេញផ្សាយ ១៦ កញ្ញា ២០២៤ 188
១០០ឆ្នាំ នៃដំណាំកៅស៊ូនៅកម្ពុជា
ចេញផ្សាយ ១៥ កញ្ញា ២០២៤ 259
កឧត្តមរដ្ឋលេខាធិការ ប្រាក់ ដាវីដ អញ្ជើញចុះពិនិត្យវឌ្ឍនភាពក្រុមហ៊ុន កូវីផាម៉ា ក្រុមហ៊ុ វ៉ារ៉ាណាស៊ី និងក្រុមហ៊ុន សេដ្ឋិកុលា ស្ថិតនៅក្នុងឃុំប៊ូស្រា ស្រុកពេជ្រាដា ខេត្តមណ្ឌលគិរី
