ព័ត៌មានផ្សេងៗទៀត
កសិករ១៤ប្រទេសស្វែងយល់ការធ្វើកសិកម្ម
ចេញផ្សាយ ១៧ មករា ២០១៨ 3044
កសិករចំនួន១៤ប្រទេស នៅតំបន់អាស៊ីអាគ្នេយ៏ និងចូលរួមសន្និសីទរយៈពេល7ថ្ងៃ ចាប់ពីថ្ងៃទី១២ ដល់១៨ ខែតុលាឆ្នាំ២០១០ នៅមជ្ឈមណ្ឌលពាណិជ្ជកម្មកោះពេជ្រ រាជធានីភ្នំពេញ។ គោលបំណងនៃសន្និសីទកសិករនេះ ដើម្បីស្វែងយល់ការធ្វើកសិកម្ម ក្នុងបរិបទប្រែប្រួលអាកាសធាតុនៅកម្ពុជា។
អ្នកស្រីម៉ែន វណ្ណាវី មន្ត្រីសិទ្ធជាមូលដ្ឋាន និងតស៊ូមតិ នៃអង្គការការីតាសកម្ពុជា (Caritas Cambodia) និយាយឱ្យដឹងនៅថ្ងៃទី៥ ខែតុលានេះថា សន្និសីទកសិករ នៅតំបន់អាស៊ីអាគ្នេយ៏ និងត្រូវប្រារព្វធ្វើរយៈពេល៧ថ្ងៃ (១២-១៨ខែតុលា) នៅមជ្ឈមណ្ឌលពាណិជ្ជកម្មកោះពេជ្រ រាជធានីភ្នំពេញ ។
សន្និសីទថ្នាក់តំបន់នេះ និងមានសមាជិកចូលរួមប្រមាណ៥០នាក់ ដែលក្នុងនោះចំនួន៤៧នាក់ ជាតំណាងកសិករ នៃអង្គការការីតាសនៅក្នុង១៣ប្រទេស ក្រៅពីនេះគឺជាកសិករតំណាងអង្គការការីតាសប្រចាំនៅកម្ពុជា ។
មន្ដ្រីរូបនេះឱ្យដឹងទៀតថា គោលបំណងនៃសន្និសីទកសិករ មានចំណុចសំខាន់បីគឺ ទី១ចង់ឱ្យកសិរករនៅក្នុងតំបន់ ចែករំលែកនូវបទពិសោធន៏ល្អៗ ទាក់ទងនិងការធ្វើកសិកម្មក្នុងបរិបទការប្រែប្រួលអាកាសធាតុ ។ ទី២ចង់ឱ្យកសិករទាំង១៤ប្រទេស បានយល់ដឹងពីសិទ្ធិ ចូលរួមក្នុងការបញ្ចេញមតិយោបល់ និងការលើកលើងនូវកង្វល់ និងអនុសាសន៏ពីគ្រប់ស្ថាប័នពាក់ព័ន្ធ ពីបញ្ហាប្រែប្រួលអាកាសធាតុ និងទី៣ការបង្ហាញពីគោលនយោបាយ និងផែការយុទ្ធសាស្ដ្រពីបម្រែបម្រួលអាកាសធាតុផ្ដោតលើវិស័យកសិកម្ម ។
អ្នកស្រីមន្ដ្រីអង្គការការីតាស ឱ្យដឹងបន្ដថា វេទិការយៈពេល៧ថ្ងៃនេះនឹងមានថ្លែងសុទ្ទរកថា ពីតំណាងស្ថាប័នរាជរដ្ឋាភិបាលកម្ពុជា គឺលោក តាវ សេងហួរ អនុប្រធានទី១នៃក្រុមប្រឹក្សាស្ដារអភិវឌ្ឍន៏វិស័យកសិកម្មនិងជនបទនៃទីស្ដីការគណៈរដ្ឋមន្ដ្រី។
វេទិកានេះក៏មានកិច្ចពិភាក្សាតុមូល ដោយមានការអញ្ជើញចូលរួម ពីសំណាក់ឯកឧត្ដមបណ្ឌិតច័ន្ទ សារុនរដ្ឋមន្ដ្រីក្រសួងកសិកម្ម ក្រសួងបរិស្ថាន តំណាងអង្គការ FAO អង្គការក្រៅរដ្ឋាភិបាលជាតិ-អន្ដរជាតិ វិស័យឯកជន និងតំណាងកសិករទាំង១៤ប្រទេស ។ ក្រៅពីការពិភាក្សា គឺមានការតាំងពិព័រណ៏ផលិតផលកសិកម្ម ដែលមានប្រមាណ៤០ស្ដង់នៅអាគារ F ដើម្បីបង្ហាញនូវផលិតផលកសិកម្មនៃប្រទេសនីមួយៗ ។
អ្នកស្រីម៉ែន វណ្ណាវី បញ្ជាក់ឱ្យដឹងទៀតថា ក្នុងរយៈពេល៧ថ្ងៃនៃសន្និសីទ និងមានការចុះទៅធ្វើទស្សនកិច្ចសិក្សាជុំវិញវិស័យកសិកម្មនៅខេត្ដចំនួន៧ គឺខេត្ដកំពង់ស្ពឺ ព្រៃវែង ស្វាយរៀង កណ្ដាល កំពង់ធំ បាត់ដំបង និងតាកែវ។
ឯប្រទេសនៅតំបន់អាស៊ីអាគ្នេយ៏ ដែលចូលរួមមានដូចជាឥណ្ឌា ម៉ុងហ្គោលី ហ្វីលីពីន ចិន វៀតណាម ភូមា ថៃ ឥណ្ឌូនេស៊ី បង់ក្លាដែស អ៊ីតាលី កូរ៉េ ប៉ាហ្គីស្ថាន និងកម្ពុជា ៕
ចេញផ្សាយ ១៩ កញ្ញា ២០២៤ 78
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 79
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 81
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 123
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 155
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 150
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 149
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 174
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 176
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 172
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 179
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
