ព័ត៌មានផ្សេងៗទៀត
ជួបសហគមន៍ចុងសំណាយដែលផលិតស្រូវពួជ
ចេញផ្សាយ ១៧ មករា ២០១៨ 3085
កាលពីចុងសប្ដាហ៍កន្លងទៅនេះ នៅភូមិចុងសំណាយ ឃុំជ្រៃ ស្រុកមោងឬស្សី ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និង គណៈប្រតិភូអមដំណើរមួយចំនួន រួមទាំងគណៈកម្មាធិការ គម្រោងអេកូសូន បានចុះទៅពិនិត្យ និងសំណេះសំណាល ជាមួយសហគមន៍ផលិតពូជស្រូវ ចុងសំណាយចំនួន ១០០គ្រួសារ។
ក្រោយពីបានស្ដាប់ប្រវត្តិ នៃការកកើតសហគមន៍ចុងសំណាយ និងល្បឿននៃការងារបង្កបង្កើនផល នៅទូទាំងស្រុកមោងឬស្សី រួមទាំងការថ្លែងអំណរគុណដល់ ឯកឧត្តមរដ្ឋមន្ត្រី ដែលបានពន្យល់ណែនាំ ឱ្យយល់ពីការធ្វើ ប.វ.ស រហូត ទទួលបានជោគជ័យដូចថ្ងៃនេះ ពីសំណាក់អនុប្រធានមន្ទីរកសិកម្ម និងកសិករគំរូ និងបន្ទាប់ពីលោក ងិន ឆាយ ប្រធាននាយកដ្ឋានដំណាំស្រូវ បានផ្ដល់ជាទ្រឹស្ដី និងបទពិសោធន៍ដល់កសិករអំពីគុណវិបត្តិ នៃការប្រើប្រាស់ថ្នាំពុលកសិកម្ម និងការកម្ចាត់សត្វល្អិតរួចមក ឯកឧត្តមរដ្ឋមន្ត្រី បានមានប្រសាសន៍ថា សមាជិកសហគមន៍ត្រូវរួមសាមគ្គីគ្នាដើម្បីឱ្យសហគមន៍ មានកេរ្ត៍ឈ្មោះទៅថ្ងៃអនាគតដោយរក្សាបាននូវនិរន្តរភាព នៃការផលិត (ទាំងបរិមាណ និងគុណភាព) និងទីផ្សាររបស់ខ្លួន។
ទាក់ទងនឹងការងារបច្ចេកទេសឯកឧត្តមបន្តទៀតថា គ្រាប់ពូជជាដើមចមដែលធ្វើឱ្យសំណាបមានគុណភាពល្អ រួចបន្តឱ្យសន្ទូងមានសុខភាពល្អចុងក្រោយនិងទទួលបានទិន្នផលខ្ពស់ ក៏ប៉ុន្តែក៏ត្រូវមានការថែទាំយកចិត្តទុកដាក់លើ ទឹក ជី ការដកស្មៅ ការសំលាប់សត្វល្អិតដែរ។
ការលើកភ្លឺជាបញ្ហាសំខាន់ដើម្បីស្តុកទឹកសំរាប់សន្ទូង និងអាចចិញ្ចឹមត្រីបានផងដែរ ប៉ុនែ្តទឹកច្រើនក៏មិនល្អដែរព្រោះ នៅពេលសន្ទូងចេញផ្លែងាយបាក់ដើម។ ការចុះមើលស្រែជាប្រចាំដើម្បីសំអាតស្មៅជាវិធីសាស្ត្រសាមញ្ញនៃការកំចាត់សត្វល្អិត។
ក្នុងការប្រើថ្នាំពុលកសិកម្ម ឬជីគីមីត្រូវពិភាក្សាជាមួយមន្ត្រីជំនាញជាមុនសិន។ អគ្គនាយកដ្ឋានកសិកម្មត្រូវធ្វើយ៉ាងណាជំរុញ ដំណើរការផលិតពូជស្រូវ និងការស្រាវជ្រាវស្វែងរកឧបករណ៍ព្រោះស្រូវឱ្យរីកចំរើនទៅមុខ។ ឯកឧត្តមបន្តទៀតថា មន្ទីរកសិកម្មត្រូវខិតខំថែមទៀតដើម្បីឱ្យសហគមន៍នេះដំណើរការទៅរលូន និងជំរុញសមាជិកពូកែៗ ឱ្យក្លាយជាគ្រូបង្កោល ពិសេសធ្វើការបណ្ដុះបណ្ដាលបន្ថែមមិនចំពោះតែដំណាំស្រូវទេ សត្វ ត្រី បន្លែ។ល។ មន្ទីរកសិកម្មដែលទទួលបានផលពីគំរោងអេកូសូនត្រូវធ្វើយ៉ាងណា រក្សាសមិទ្ធផលរបស់គម្រោងឱ្យមាននិរន្តរភាព បើទោះជាគម្រោងត្រូវបានបញ្ចប់ក៏ដោយ៕
ចេញផ្សាយ ១៩ កញ្ញា ២០២៤ 76
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 78
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 81
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 123
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 155
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 150
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 149
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 174
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 176
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 171
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 179
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
