ឯកឧត្ដម ឱម គឹមស៊ា រដ្ឋលេខាធិការក្រសួងកសិកម្ម អញ្ជើញដឹកនាំក្រុមការងារចុះពិនិត្យទីតាំងត្រៀមរៀបចំពិធីពិព័រណ៍ផលិតផលកសិកម្ម ក្នុងព្រះរាជពិធីច្រត់ព្រះនង្គ័ល ឆ្នាំ២០២៤

ចេញ​ផ្សាយ​ ០២ ឧសភា ២០២៤ 1212

នៅថ្ងៃទី០២ ខែឧសភា ឆ្នាំ២០២៤ ឯកឧត្ដម ឱម គឹមស៊ា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំក្រុមការងារ ប្រជុំពិភាក្សាការងាររៀបចំពិធីតាំងពិព័រណ៍ផលិតផលកសិកម្ម នៅក្នុងព្រះរាជពិធីច្រត់ព្រះនង្គ័ល ឆ្នាំ២០២៤ ដែលកិច្ចប្រជុំនេះធ្វើឡើង នៅមន្ទីរអប់រំយុវជន និងកីឡា ខេត្តកំពង់ស្ពឺ។

នាឱកាសនោះក្រុមការងារក៏បានអញ្ជើញចុះទៅពិនិត្យដល់ទីតាំង ដែលត្រៀមរៀបចំពិធីតាំងពិព័រណ៍ផលិតផលកសិកម្ម នៅក្នុងព្រះរាជពិធីច្រត់ព្រះនង្គ័ល ដែលពិធីនោះនឹងប្រារព្ធធ្វើឡើងនៅថ្ងៃទី២៦ ខែឧសភា ឆ្នាំ២០២៤ ខាងមុខ នៅទីព្រះស្រែ ក្នុងបរិវេណមន្ទីរអប់រំ យុវជន និងកីឡា ខេត្តកំពង់ស្ពឺ ៕