ការចុះបណ្តុះបណ្តាលការប្រើប្រាស់ និងផ្សព្វផ្សាយអំពីកម្មវិធីស្មាតហ្វូន (Mobile App) គេហទំព័រ (Website) និងរបៀបទុកដាក់ឯកសារ នៅមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ
ចេញផ្សាយ ២៧ ឧសភា ២០២២ 17348
នៅថ្ងៃពុធ ១០រោច ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៥ ខែឧសភា ឆ្នាំ២០២២ ក្រុមការងារបណ្ណាល័យកសិកម្ម នៃមជ្ឈមណ្ឌលព័ត៌មាន និងឯកសារកសិកម្ម បានចុះទៅបំពេញការងារនៅមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ធំ ក្នុងគោលបំណង ដើម្បីបណ្តុះបណ្តាលការប្រើប្រាស់ និងផ្សព្វផ្សាយអំពីកម្មវិធីស្មាតហ្វូន (Mobile App) គេហទំព័រ (Website) និងរបៀបទុកដាក់ឯកសារ របស់បណ្ណាល័យកសិកម្ម ។ វគ្គបណ្តុះបណ្តាលនេះបានអញ្ជើញចូលរួមដោយមន្ត្រីសរុបចំនួន៧ រូប ក្នុងនោះមានស្ត្រី២ រូប នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តកំពង់ធំ។
