Other News
ខណ្ឌរដ្ឋបាលជលផលខេត្តតាកែវ រួមជាមួយអាជ្ញាធរមូលដ្ឋាន និងសហគមន៍នេសាទ សហការចុះបង្ក្រាបបទល្មើសនេសាទ នៅស្រុកចំនួនពីរ ក្នុងខេត្តតាកែវ
ចេញផ្សាយ ២៤ មិថុនា ២០២៦ 409
នៅថ្ងៃទី២៣ ខែមិថុនា ឆ្នាំ២០២៦ កម្លាំងខណ្ឌរដ្ឋបាលជលផលខេត្តតាកែវ សហការជាមួយអាជ្ញាធរមូលដ្ឋាន និងសហគមន៍នេសាទ បានចុះត្រួតពិនិត្យ និងបង្ក្រាបបទល្មើសនេសាទ។ លោក អ៊ឹម ឧត្តម
នាយសង្កាត់រដ្ឋបាលជលផលគោកធ្លក និងលោក លីម ស៊ុនឆ័យ នាយរងសង្កាត់គោកធ្លក រួមជាមួយ លោក រស់ រ័ត្ន ឣភិបាលរងស្រុកឣង្គរបូរី និងកម្លាំងសហគមន៍នេសាទបានចុះបង្រ្កាបនៅចំនុច ឃុំព្រែកផ្ទោល ស្រុកអង្គរបូរី។ ចំណែកឯនាយសង្កាត់រដ្ឋបាលជលផលកោះអណ្តែត សហការជាមួយសហគមន៍នេសាទ ចុះបង្រ្កាបនៅចំនុច ឃុំរមេញ ស្រុកកោះអណ្តែត។
ក្នុងបេសកកម្មបង្រ្កាបបទល្មើសនេសាទនោះ បានប្រើទូក០២គ្រឿង ដោយមានអ្នកចូលរួមចំនួន២១នាក់។ ក្រុមការងារជំនាញបានធ្វើការរុះរើ និងបំផ្លាញចោលសម្រាស់ និងសៃយ៉ឺនស្បៃមុងរួមមាន៖ សម្រាស់ចំនួន៣ដុំ ទំហំ១ ៨០០ ម៉ែត្រការ៉េ (បំផ្លាញចោលនឹងកន្លែង) សៃយ៉ឺនស្បៃមុង ចំនួន៣មាត់លូ (រក្សាទុកនៅស្នាក់ការអង្គរបូរី) របាំងស្បៃមុង ប្រវែង៣០ម៉ែត្រ និងបង្គោលឬស្សី ចំនួន៩៧ដើម (បំផ្លាញចោលនឹងកន្លែង) នៅចំនុចខាងកើតជាប់សាលាស្រុកអង្គរបូរី ឃុំព្រែកផ្ទោល ស្រុកអង្គរបូរី ខេត្តតាកែវ។
ជាមួយគ្នានោះដែរ ចំណែកនៅទីតាំងនៅចំនុចអាងកញ្រ្ជុង ឃុំរមេញ ស្រុក កោះអណ្តែតការចុះបង្គ្រាបបទល្មើសជលផល ដោយដកហូតវត្ថុតាងរួមមាន៖ អាគុយ៤០អំពែចំនួន១គ្រឿងអាំងវែកទ័រចំនួន១គ្រឿង ដងឆក់ចំនួន១គូ ប៊ីដុងជ័រចំនួន១គ្រឿង ផលត្រីចំរុះចំនួន២គីឡូក្រាម ៕
