អ្នកសារព័ត៌មានទូរសទស្សន៍បារាំង ចុះសម្ភាសន៍មន្ត្រីឆ្មាំទន្លេ ជុំវិញការអភិរក្សសត្វផ្សោតខេត្តក្រចេះ

ចេញ​ផ្សាយ​ ២៣ មេសា ២០២៣ 2596

អ្នកសារព័ត៌មានរបស់ទូរទស្សន៍បារាំង បានទៅផ្តិតរូបភាព និងសម្ភាសន៍មន្ត្រីប៉ុស្តិ៍ឆ្មាំទន្លេ អភិរក្សសត្វផ្សោតកាំពី ខេត្តក្រចេះ ពាក់ព័ន្ធនឹងការអភិរក្សសត្វផ្សោតនៅអន្លង់ផ្សោតកាំពីនៅក្នុងខែមេសានេះ ក្រោមការដឹកនាំរបស់លោកជំទាវ អ៊ឹម រចនា អនុរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ ដោយមានការសម្របសម្រួលពីមន្ត្រីនៃមន្ទីរក្រសួងកសិកម្ម រុក្ខាប្រមាញ់ និងនេសាទ ប្រចាំខេត្តក្រចេះ។

អ្នកសារព័ត៌មានរបស់ទូរទស្សន៍បារាំង (TF1) បានចុះថតរូប និងសម្ភាសន៍មន្ត្រីឆ្មាំទន្លេអភិរក្សសត្វផ្សោតកាំពី ស្ថិតនៅភូមិកាំពី ឃុំសំបុក ស្រុកចិត្របុរី ខេត្តក្រចេះ កាលពីថ្ងៃព្រហស្បតិ៍ ទី០៦ ខែមេសា ឆ្នាំ២០២៣ ដើម្បីផលិតភាពយន្តឯកសារពាក់ព័ន្ធនឹងការអភិរក្សសត្វផ្សោត នៅអន្លង់ផ្សោតកាំពី។

ក្រៅពីនោះ លោកជំទាវ អ៊ឹម រចនា អនុរដ្ឋលេខាធិការ នៃក្រសួងកសិកម្ម រុក្ខាប្រមាញ់ និងនេសាទ ក៏បានដឹកនាំមន្ត្រីនៅនាយកដ្ឋានផ្សព្វផ្សាយនៃស្ថាប័ននេះ  ចុះថតរូប និងសម្ភាសន៍មន្ត្រីពាក់ព័ន្ធ ដែលអភិរក្សសត្វផ្សោត និងមន្ត្រីកសិកម្ម ដើម្បីផលិតជាអត្ថបទ និងផលិតជាវីដេអូ សម្រាប់ផ្សព្វផ្សាយជូនសាធារណៈជនទស្សនា នាពេលឆាប់ៗ ខាងមុខនេះផងដែរ៕

រដ្ឋបាលជលផល Fisheries Administration

មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ

TF1