Other News
ឯកឧត្តមរដ្ឋមន្ត្រី ឌិត ទីណា ចូលរួមកម្មវិធីទិវាស្រែបង្ហាញ ដើម្បីផ្សព្វផ្សាយពូជស្រូវចំបុីស៧០
ចេញផ្សាយ ០៥ មេសា ២០២៣ 1468
នៅព្រឹកថ្ងៃទី០៥ ខែមេសា ឆ្នាំ២០២៣ ឯកឧត្តម ឌិត ទីណា រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ និងឯកឧត្តម Justin Whyatt ឯកអគ្គរាជទូតអូស្ត្រាលីប្រចាំនៅកម្ពុជា បានចូលរួមកម្មវិធីទិវាស្រែបង្ហាញ ដើម្បីផ្សព្វផ្សាយពូជស្រូវចំបុីស៧០ នៅវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា(CARDI)។
ចាប់ផ្តើមពីសកម្មភាពនៅទីវាល ឯកឧត្តមរដ្ឋមន្ត្រី និងមានការចូលរួមពីថ្នាក់ដឹកនាំក្រសួងកសិកម្មនិងឯកអគ្គរាជទូតអូស្ត្រាលី បានចុះច្រូតប្រមូលផលស្រូវចំបុីស៧០ ក្នុងស្រែបង្ហាញនៃវិទ្យាស្ថានCARDI ហើយបោកបែនយកគ្រាប់ ដាល់អំបុក និងការធ្វើនិងវិធីដុតក្រឡាន។
បន្ទាប់ពីបញ្ចប់ទស្សនកិច្ចនៅទីវាល ឯកឧត្តមរដ្ឋមន្ត្រី បានថ្លែងអំណរគុណចំពោះលទ្ធផលនៃកិច្ចសហការល្អនៃប្រទេសទាំងពីរ កម្ពុជា-អូស្ត្រាលី ជាពិសេសគម្រោងក្នុងវិស័យកសិកម្ម ក្នុងការជំរុញវិស័យស្រូវអង្ករនៅកម្ពុជា។ ការបើកទំព័រនៃសករាជថ្មី គឺការធ្វើទំនើបកម្មពូជសុទ្ធ ដើម្បីឆ្លើយនឹងបម្រែបម្រួលអាកាសធាតុ និងតម្រូវការស្តង់ដាទីផ្សារ តែទោះជាយ៉ាងណាការធ្វើស្រែអភិរក្សក៏មិនត្រូវបានបោះបង់ដែរ។
បើតាម ឯកឧត្តមរដ្ឋមន្ត្រី ចំណុចសំខាន់គឺត្រូវយកចិត្តទុកដាក់លើខ្សែច្រវាក់តម្លៃនិងការផ្គត់ផ្គង់ តាំងពីអ្នកផលិតរហូតដល់ទីផ្សារ ដោយក្នុងនោះត្រូវផលិតពូជស្រូវសុទ្ធសម្រាប់ទីផ្សារ ការអនុវត្តកសិកម្មល្អតាមស្តង់ដាគោលនយោបាយ ការសន្សំសំចៃទឹកនិងទុនចំណាយតាមរយៈការប្រើប្រាស់សូឡាបូមទឹកពេលថ្ងៃនិងអគ្គិសនីពេលយប់ដែលមានតម្លៃទាបជាដើម ដើម្បីធ្វើឱ្យអង្កររបស់កម្ពុជាក្លាយជាមាសសពិតប្រាកដ ផ្តល់ផលចំណេញ មាននិរន្តរភាពសេដ្ឋកិច្ច និងមានលក្ខណៈគិតគូដល់បរិស្ថាន។ ទន្ទឹមនឹងនេះដែរ ឯកឧត្តម ក៏បានស្នើសុំឱ្យមានចូលរួមពីវិស័យឯកជនរួមគ្នាក្នុងការជំរុញអង្ករកម្ពុជាទៅទីផ្សារអន្តរជាតិនិងមានតម្លៃខ្ពស់ ជាពិសេសផ្សព្វផ្សាយបន្ថែមពូជថ្មីចំបុីស៧០ ដោយកម្ពុជាផ្តោតលើគុណភាព តែមិនប្រកួតប្រជែងបរិមាណដែលនាំឱ្យតម្លៃធ្លាក់ចុះឡើយ។
ឯកឧត្តមរដ្ឋមន្ត្រី បានណែនាំឱ្យវិទ្យាស្ថាន CARDI ត្រូវបន្តសិក្សាពូជថ្មីៗបន្ថែមទៀតមិនមែនត្រឹមតែស្រូវប៉ុណ្ណោះទេ ហើយក៏ត្រូវគិតគូដល់ការអភិរក្សនិងអភិវឌ្ឍពូជថ្មីៗឱ្យមាននិរន្តរភាព។ ក្រសួងនឹងជួយគាំទ្រ និងជំរុញឱ្យ CARDI ជារាជបណ្ឌិតសភាកម្ពុជា និងជាចំណុចស្នូលសំខាន់នៃការស្រាវជ្រាវ និងផលិតកម្មពូជ៕
ចេញផ្សាយ ១៩ កញ្ញា ២០២៤ 139
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 138
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 138
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 166
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 213
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 198
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 199
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 221
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 222
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 220
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 228
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
