ការចុះពិនិត្យជាក់ស្តែង និងអន្តរាគមន៍កម្ចាត់ដង្កូវហ្វូងលើដំណាំដំឡូងមី នៅភូមិអូរពី ឃុំដងក្តារ ស្រុកស្ទឹងត្រង់ ខេត្តកំពង់ចាម

ចេញ​ផ្សាយ​ ២៦ មិថុនា ២០២៦ 103

កាលពីថ្ងៃទី២២-២៤ ខែមិថុនា ឆ្នាំ២០២៦ ក្រុមការងាររបស់នាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានក្សេត្រសាស្ត្រ ដឹកនាំដោយលោក កង សារ៉េត ប្រធានការិយាល័យការពារដំណាំនៃនាយកដ្ឋានការពារដំណាំ អនាម័យ និងភូតគាមអនាម័យ និងសហការី បានសហការជាមួយមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម មន្ត្រីកសិកម្មឃុំ អាជ្ញាធរមូលដ្ឋាន និងអ្នកពាក់ព័ន្ធជាច្រើនអ្នកទៀត បានចុះពិនិត្យស្ថានភាពនៃការបំផ្លាញរបស់ដង្កូវហ្វូងលើដំណាំដំឡូងមី ដែលស្ថិតនៅភូមិអូរពី ឃុំដងក្តារ ស្រុកស្ទឹងត្រង់ ខេត្តកំពង់ចាម។

តាមការពិនិត្យជាក់ស្តែង ក្រុមការងារបានផ្ដល់អនុសាសន៍ណែនាំដល់មន្ត្រីកសិកម្មឃុំ ប្រជាកសិករដូចខាងក្រោម៖
- ចុះពិនិត្យចម្ការជាប្រចាំ និងត្រូវចេះអង្កេតតាមដានវត្តមានដង្កូវហ្វូង ព្រមទាំងចាត់វិធានការកម្ចាត់ឱ្យបានទាន់ពេលវេលា
- ត្រូវសម្អាតស្មៅចង្រៃក្នុងចម្ការឱ្យបានស្អាតល្អ
- ​ករណីមានការបំផ្លាញខ្លាំង ជម្រើសចុងក្រោយគឺប្រើប្រាស់ថ្នាំកសិកម្ម។