កម្មវិធីសប្បុរសធម៌ “ដើម្បីការអប់រំ”

ចេញ​ផ្សាយ​ ០១ តុលា ២០១៨ 16232

             ថ្ងៃសៅរ៍ ៥រោច ខែភទ្របទ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៩ ខែកញ្ញា ឆ្នាំ២០១៨ នាយកដ្ឋានសហប្រតិបត្តិការអន្តរជាតិនៃក្រសួងកសិកម្ម រុក្ខាប្រមាញ់ និងនេសាទ ដឹកនាំដោយលោកបណ្ឌិត ព្រំ សុមានី បានសហការជាមួយមូលនិធិមហាហង្ស និងសប្បុរសជននានាប្រមាណ ៤៦ នាក់ ដើម្បីរៀបចំកម្មវិធីសប្បុរសធម៌ “ដើម្បីការអប់រំ” នៅសាលាបឋមសិក្សាតាម៉ៅ ស្ថិតក្នុង ភូមិតាម៉ៅ ឃុំស្រក ស្រុកកំពង់សៀម ខេត្តកំពង់ចាម។ ក្នុងកម្មវិធីនេះបានជួយសម្ភារសិក្សាដល់សិក្សានុសិស្ស លោកគ្រូ អ្នកគ្រូ និងសាលា ដូចខាងក្រោម៖

១- កាតាបសិស្សចំនួន ២០៩ កាតាប

២- សៀវភៅសរសេរចំនួន ២៤៦២ ក្បាល

៣- ខ្មៅដៃចំនួន ៧១២ ដើម

៤- ប៊ីចសរសេរ ចំនួន ៩០០ ដើម

៥- កាតាបលោកគ្រូ អ្នកគ្រូ ចំនួន ៦ កាតាម

៦- តុសិស្ស ចំនួន ៥០ តុ

៧- បង់សិស្សអង្គុយលេង ចំនួន ១ ឈុត

៨- ធុងទឹក ២០០០លីត្រ និងធ្វើជើងទម្រ

៩- ថ្នាំលាបជញ្ជាំងអគារសាលា និងឈ្នួលជាង

១០- សម្ភារការិយាល័យជាច្រើនផ្សេងទៀត

ដែលបានចំណាយថវិកាសរុបចំនួន ៥,២៧០.៩០ ដុល្លារអាមេរិក។ ក្នុងនោះសិស្សក្នុងម្នាក់ទទួលបាន កាតាប ១ សៀវភៅសរសេរ ១០ក្បាល ប៊ីច ១ដើម និងខ្មៅដៃ ១ដើម។

ហើយនាយកដ្ឋានសហប្រតិបត្តិការអន្តរជាតិ នឹងជួយជាបន្តបន្ទាប់ទៀត។

ជាចុងក្រោយ សូមថ្លែងអំណរគុណយ៉ាងជ្រាលជ្រៅបំផុតចំពោះ សប្បុរសជនទាំងអស់ដែលបានចូលរួមទាំងថវិកា សម្ភារ និងពេលវេលា និងសូមជូនពរឲ្យជួបប្រទះពុទ្ធពរ ៤ ប្រការគឺ អាយុ វណ្ណៈ សុខៈ

ពលៈ កុំបីឃ្លៀងឃ្លាតឡើយ។