ពិធីចុះហត្ថលេខា លើអនុស្សរណៈនៃការយោគយល់រវាងសហគមន៍ អភិវឌ្ឍន៍កសិកម្មកម្ពុជា និងកសិដ្ឋាន ខេស៊ី

ចេញ​ផ្សាយ​ ២១ មិថុនា ២០២១ 12952

កាលពីព្រឹកថ្ងៃសុក្រ ៩កើត ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៨ ខែមិថុនា ឆ្នាំ២០២១ លោក គង់ ភាជ ប្រធាននាយកដ្ឋានកសិ-ឧស្សាហកម្ម នៃក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីភាពក្នុងពិធីចុះហត្ថលេខា លើអនុស្សរណៈនៃការយោគយល់រវាងសហគមន៍ អភិវឌ្ឍន៍កសិកម្មកម្ពុជា និងកសិដ្ឋាន ខេស៊ី លើការដាំដុះនិងកែច្នៃផលិតផលកសិកម្មមួយចំនួនដូចជា លើដំណាំ​ចំប៉ក់បារាំង ស្លឹកគ្រៃ​ក្រអូប​ ខ្នុរ​ណាំង១៨​សំបកខៀវជាដើម នឹងបន្តចុះកិច្ចសន្យាផលិតកម្មកសិកម្មទៅតាមប្រភេទនៃផលិតផលនិមួយៗនៅពេលជិតប្រមូលផលដោយធ្វើការកែច្នៃជាផលិតផលសម្រេច និងពាក់កណ្តាលសម្រេចទៅតាមប្រភេទនៃផលិតផល។