ឯកឧត្ដម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ទទួលជួបពិភាក្សាការងារជាមួយគណៈប្រតិភូក្រុមហ៊ុន SCITCS

ចេញ​ផ្សាយ​ ១៧ មិថុនា ២០២៤ 2426

នៅថ្ងៃសុក្រ ទី១៤ ខែមិថុនា ឆ្នាំ២០២៤ ឯកឧត្ដម ប្រាក់ ដាវីដ រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ បានទទួលជួបពិភាក្សាការងារជាមួយគណៈប្រតិភូក្រុមហ៊ុន SCITCS នៅទីស្តីការក្រសួងកសិកម្ម រុក្ខាម្រាញ់ និងនេសាទ។

ជំនួបនេះ មានគោលបំណងស្វែងយល់ពីផលិតផលកសិកម្មមានសក្តានុពលកម្ពុជា និងមានគម្រោងនាំផលិតផលកសិកម្មកម្ពុជាទាំងនោះ ដូចជា ស្វាយចន្ទី ដំឡូងមី និងជ័រកៅស៊ូ ដើម្បីទៅផ្គត់ផ្គង់នៅទីផ្សារចិន ជាពិសេសនៅខេត្តស៊ីឈ័ន។ ទន្ទឹមនឹងនេះ ក្រុមហ៊ុនជាអ្នកផ្គត់ផ្គង់ផលិតផលកសិកម្មទៅកាន់ក្រុមហ៊ុន/សហគ្រាសដទៃទៀតនៅទីផ្សារប្រទេសចិន។ ដោយសម្លឹងមើលឃើញពីគុណភាព និងរសជាតិនៃផលិតផលកសិកម្មកម្ពុជា ក្រុមហ៊ុននឹងសហការជាមួយអ្នកផ្គត់ផ្គង់នៅកម្ពុជា ដើម្បីឈានដល់ការនាំចេញទៅកាន់ទីផ្សារគោលដៅរបស់ខ្លួន។

ជាការឆ្លើយតប ឯកឧត្តមរដ្ឋលេខាធិការបានសម្ដែងការស្វាគមន៍ចំពោះចំណាប់អារម្មណ៍របស់ក្រុមហ៊ុន និងថ្លែងអំណរគុណដល់ក្រុមហ៊ុនដែលចាប់អារម្មណ៍លេីគុណភាពនៃផលិតផលកសិកម្មកម្ពុជា។ ឯកឧត្តមក៏បានរំលេចពីគោលនយោបាយអាទិភាពរបស់ក្រសួង ជាពិសេសការបង្កើតសហគមន៍កសិកម្មទំនើប ដែលនឹងធានានិរន្តរភាពនៃការផ្គត់ផ្គង់ទៅតាមតម្រូវការ។ ក្នុងឱកាសនេះផងដែរ  ៊ឯកឧត្តមបានស្នេីឱ្យក្រុមពិនិត្យមេីលការនាំចេញនូវផលិតផលមួយចំនួន ដូចជា៖ ផ្លែមៀន ស្វាយស្រស់ ម្រេច និងចំណីសុន ខ(ស្បែកគោ) ដែលផលិតផលទាំងនោះ បានចុះកិច្ចព្រមព្រៀងលក្ខខណ្ឌតម្រូវភូមតគាមអនាម័យ រវាង កម្ពុជា-ចិន កាលពីពេលកន្លងមក។

ជាទីបញ្ចប់ ក្រសួងនឹងជួយសម្របសម្រួលស្វែងរកដៃគូសហការដែលជាច្រវាក់ផលិតកម្មសម្រាប់ក្រុមហ៊ុនលើផលិតផលកសិកម្មក្នុងការនាំចេញ៕