Other News
ឯកឧត្តមបណ្ឌិត អ៊ុក រ៉ាប៊ុនជួបពិភាក្សាជាមួយលោកឧកញ៉ា លឹម ប៊ុន ហេង (តំណាងក្រុមការងារទី៩ផ្នែកស្រូវអង្ករ) និងលោកឧកញ៉ា គឹម សាវុធ តំណាងសហព័ន្ធអ្នកនាំចេញអង្ករកម្ពុជា
ចេញផ្សាយ ២៣ មករា ២០១៨ 2486
នៅរសៀលថ្ងៃទី១៣ ខែកុម្ភៈ ឆ្នាំ២០១៤ ចុងសប្តាហ៍កន្លងមកនេះ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលជួបសវនាការជាមួយលោកឧកញ៉ា លឹម ប៊ុន ហេង (តំណាងក្រុមការងារទី៩ផ្នែកស្រូវអង្ករ) និងលោកឧកញ៉ា គឹម សាវុធ តំណាងសហព័ន្ធអ្នកនាំចេញអង្ករកម្ពុជា ព្រមទាំងសហការី នៅទីស្តីការក្រសួង។ ឯកឧត្តមរដ្ឋមន្ត្រីបានលើកអំពីទិដ្ឋភាពរួមនៃការអនុវត្តគោលនយោបាយស្តីពីការជំរុញផលិតកម្មស្រូវនិងការនាំចេញអង្កររបស់រាជរដ្ឋាភិបាល ពិសេសភាពរីកចម្រើនជាក់ស្តែងនៃការនាំចេញអង្ករ ការងារបង្ករបង្កើនផលស្រូវដែលក្នុងឆ្នាំនេះពិតមែនតែយើងទទួលរងគ្រោះធម្មជាតិដោយទឹកជំនន់ទឹកភ្លៀងក៏ដោយ ក៏យើងនៅសល់ស្រូវក្រៅពីការហូបចុកជាង៤លានតោនរួចទៅហើយដែលត្រូវផលិតចេញជាទំនិញសម្រាប់នាំចេញ។ ក្រៅពីនេះក៏នៅមានកត្តាផ្សេងៗទៀតដែលត្រូវគិតគូរដូចជាកត្តាពូជ ដោយផ្អែកទៅតាមនិន្នាការនៃតម្រូវការទីផ្សារក្រៅប្រទេស ពិសេសពូជសុទ្ធល្អដែលមានតម្លៃទីផ្សារខ្ពស់។ ឯកឧត្តមរដ្ឋមន្ត្រីបានបញ្ជាក់ថា ក្នុងឆ្នាំ២០១៣នេះ តួលេខនៃការនាំចេញជាផ្លូវការតាមច្រកចេញ-ចូលតែមួយ សម្រាប់បំពេញបែបបទនាំអង្ករ គឺមាន៣៧៨.៨៥៦តោនដែលឆ្នាំ២០១២មានតែ២០៥.៧១៧តោនប៉ុណ្ណោះ(មានកំណើន៨៤,១%)។ ក្នុងបរិមាណអង្ករនាំចេញនោះយើងសង្កេតឃើញថា មានការកើនឡើងនូវប្រភេទអង្ករផ្កាម្លិះនិងនាងម្លិះគួរកត់សម្គាល់ ជារួមយើងក៏មាននិន្នាការចង់ជំរុញការនាំចេញអង្ករសែនក្រអូបឱ្យបានច្រើនដែរដែលវិទ្យាស្ថានស្រាវជ្រាវ និងអភិវឌ្ឍកសិកម្មកម្ពុជា (CARDI) ត្រូវសហការគ្នាស្រាវជ្រាវ បន្ថែមទៀតអំពីការបង្កាត់ពូជថ្មីនេះដើម្បីបំពេញសេចក្តីត្រូវការរបស់ទីផ្សារ។
លោកឧកញ៉ា គឹម សាវុធ ក៏ដូចជាលោកឧកញ៉ា លឹម ប៊ុនហេង ក្នុងនាមតំណាងវិស័យឯកជនក្នុងវិស័យស្រូវអង្ករ បានថ្លែងអំណរគុណយ៉ាងជ្រាលជ្រៅចំពោះកិច្ចសវនាការជាមួយឯកឧត្តមរដ្ឋមន្ត្រីនាថ្ងៃនេះ ដោយបានបង្ហាញអំពីមោទនភាពអំពីការជំរុញគោលនយោបាយស្តីពីការជំរុញផលិតកម្មស្រូវ និងការនាំចេញអង្កររបស់រាជរដ្ឋាភិបាល និងបានជម្រាបជូនផងដែរអំពីការសម្របសម្រួល ការនាំចេញអង្ករតាមរយៈច្រកចេញ-ចូលតែមួយដែលដំណើរការបានល្អនិងទាន់ពេលវេលា ក៏ដូចជាជ័យលាភីលើគុណភាពអង្ករដែលកម្ពុជាបានទទួលក្នុងរយៈពេល២ឆ្នាំជាប់ៗគ្នាកន្លងមកនេះ។ លោកបានបញ្ជាក់ថាពូជស្រូវសែនក្រអូបជាពូជមិនប្រកាន់រដូវទទួលបានទិន្នផលខ្ពស់និងលក់បានតម្លៃខ្ពស់។ លោកឧកញ៉ាក៏បានលើកផងដែរអំពីតម្រូវការនៃពូជស្រូវសែនក្រអូបសម្រាប់ទីផ្សារ ពិសេសភារកិច្ចរបស់វិទ្យាស្ថាន CARDIក្នុងការសហការបង្កាត់ពូជថ្មីនេះនិងការបញ្ជ្រាបបច្ចេកទេសដល់កសិករក្នុងការបង្កើនទិន្នផលស្រូវឲ្យបានសមស្របទាំងបរិមាណ និងគុណភាពក៏ដូចជាបញ្ហាដែលនៅសេសសល់ខ្លះទៀតដែលត្រូវរួមគ្នាដោះស្រាយ។ សូមជម្រាបជូនផងដែរថា ក្នុងជំនួបនោះក៏មានតំណាងសហគមន៍កសិកម្មមកពីខេត្តផ្សេងៗចូលរួមផងដែរ។
ឯកឧត្តមរដ្ឋមន្ត្រីបានសម្តែងនូវឆន្ទៈក្នុងការចូលរួមដោះស្រាយនូវបញ្ហាប្រឈមនានាដែលវិស័យឯកជនជួបប្រទះបាតុភាពអសកម្មក៏ដូចជាសំណូមពរទាំងឡាយដែលស្ថិតក្នុងដែនសមត្ថកិច្ចរបស់ក្រសួងកសិកម្ម រុក្ខាប្រមាញ់ និងនេសាទឱ្យបានទាន់ពេលវេលា ហើយសង្ឃឹមថាក្រុមការងារផ្នែកស្រូវអង្កររបស់វិស័យឯកជននឹងរៀបចំលើកជាបញ្ហារួមដែលជួបប្រទះដើម្បីផ្លាស់ប្តូរយោបល់គ្នាទៅវិញទៅមក សំដៅដោះស្រាយរាល់បញ្ហាទាំងនោះប្រកបដោយសុខដុមនីយកម្ម។ ទោះជាយ៉ាងណា អង្គភាពជំនាញក៏ត្រូវគិតគូរអំពីការបន្តរៀបចំលិខិតបទដ្ឋានក្រោមច្បាប់ស្តីពីពូជដំណាំឱ្យបានសមស្របតាមស្ថានភាពនៃការវិវឌ្ឍន៍ទីផ្សារស្រូវអង្ករនៅកម្ពុជានិងក្នុងបរិបទនៃសាកលភាវូបនីយកម្ម។ កិច្ចសវនាការនេះបានប្រព្រឹត្តទៅក្នុងបរិយាកាសសិ្នទ្ធស្នាលនិងសហប្រតិបត្តិការខ្ពស់។
ចេញផ្សាយ ១៩ កញ្ញា ២០២៤ 99
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 101
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 104
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 133
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 165
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 153
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 180
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 184
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 185
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
