Other News
ឯកឧត្តមបណ្ឌិត អ៊ុក រ៉ាប៊ុន ជួបពិភាក្សា ជាមួយឯកឧត្ដម Joachim Baron von Marschall ឯកអគ្គរដ្ឋទូតសាធារណរដ្ឋសហព័ន្ធអាល្លឺម៉ង់ប្រចាំនៅព្រះរាជាណាចក្រកម្ពុជា
ចេញផ្សាយ ២៣ មករា ២០១៨ 2338
នៅព្រឹកថ្ងៃទី ១៨ ខែ ធ្នូ ឆ្នាំ ២០១៣ ឯកឧត្ដម បណ្ឌិត អ៊ុក រ៉ាប៊ុន រដ្ឋមន្ដ្រី ក្រសួងកសិកម្ម រុក្ខាប្រមាញ់ និងនេសាទបាន ទទួលជួប ឯកឧត្ដម Joachim Baron von Marschall ឯកអគ្គរដ្ឋទូតសាធា រណរដ្ឋសហព័ន្ធអាល្លឺម៉ង់ប្រចាំនៅព្រះរាជាណាចក្រកម្ពុជា ដើម្បីសម្ដែងការគួរសម និងពិភាក្សាការងារ នៅទីស្ដីការក្រសួង ។
ឯកឧត្ដមរដ្ឋមន្ដ្រីបានសម្ដែងនូវកិច្ចស្វាគមន៍ និងថ្លែងអំណរគុណចំពោះកិច្ចសហប្រតិបត្ដិការ និងការគាំទ្រជាច្រើន ទាំង បច្ចេកទេស និងហិរញ្ញប្បទានដែលរដ្ឋាភិបាល និងប្រជាជនអាល្លឺម៉ង់បានផ្ដល់ចំពោះព្រះរាជាណាចក្រកម្ពុជា និងប្រជាជនកម្ពុជា ដើម្បីរួមចំណែក ស្ដារឡើងវិញ និងជំរុញអភិវឌ្ឍសេដ្ឋកិច្ចកម្ពុជា ។ ក្នុងនោះក៏មានការជួយការពារ និងអភិរក្សធនធានធម្មជាតិ ការអភិវឌ្ឍន៍វិស័យ កសិកម្ម ព្រមទាំងការជួយ លើកកម្ពស់ជីវភាពរស់នៅរបស់ប្រជាជនកម្ពុជា ជាចម្បង។
ឯកឧត្ដមឯកអគ្គរដ្ឋទូតបានគោរពថ្លែងអំណរគុណជូនឯកឧត្ដមរដ្ឋមន្ដ្រី ចំពោះការផ្ដល់ឱកាសដ៏មានតម្លៃ ដើម្បីទទួលជួប សវនាការ និងសម្ដែងនូវក្ដីអបអរសាទរចំពោះការចូលកាន់ដំណែងរបស់ឯកឧត្ដមរដ្ឋមន្ដ្រី ។ កិច្ចពិភាក្សាបានផ្ដោតលើវិស័យ និង សកម្មភាពដែលរដ្ឋាភិបាលសហព័ន្ធអាល្លឺម៉ង់យកចិត្ដទុកដាក់គាំទ្រជាបន្ដ សំដៅជំរុញអភិវឌ្ឍជីវភាពប្រជាជននៅជនបទ និងតម្រូវឱ្យ មានការចូលរួមសហការដោយស្ថាប័ន និងក្រសួងពាក់ព័ន្ធមួយចំនួន ។
ជាក់ស្ដែង គឺច្បាប់ លិខិតបទដ្ឋាន និងការអនុវត្ដទាក់ទងនឹង ការគ្រប់គ្រងដី ដូចជាបច្ចេកទេសថែរក្សាគុណភាពដីកសិកម្ម ការទប់ស្កាត់ការហូរច្រោះដី ការរក្សាឱ្យមានលំនឹងលើផ្នែកបរិស្ថានទឹក និងព្រៃឈើ ការទប់ស្កាត់ការកាប់បំផ្លាញព្រៃឈើ កម្មវិធីដាំព្រៃឈើឡើងវិញ ការផ្ដល់កម្មសិទ្ធិច្បាស់លាស់ជូនកសិករ និងអ្នកប្រើ ប្រាស់ដីនានា ការធ្វើឱ្យខូចបរិស្ថាន និងការថយចុះធនធានជលផលដោយទំនប់វារីអគ្គិសនីមួយចំនួន ការជំនួសកម្លាំងពលកម្ម ដោយការអនុវត្ដប្រើប្រាស់បច្ចេកវិទ្យាទំនើប និងគ្រឿងយន្ដកសិកម្ម ។ល។ ឯកិច្ចការជាក់លាក់ដែលត្រូវអនុវត្ដ ដើម្បីសម្រេច គោលដៅដែលបានគ្រោងគឺពិតជានឹងធ្វើឱ្យកម្ពុជាមានសមត្ថភាពកាន់តែខ្ពស់ក្នុងការផលិត និងផ្គត់ផ្គង់ផលិតផលកសិកម្មជាក់លាក់ ពិសេស សម្រាប់ប្រជាជនផ្ទាល់ និងលក់ចែកជូនប្រទេសនានាក្នុងពិភពលោក ប្រកបដោយនិរន្ដរភាព និងការប្រកួតប្រជែង ពោល គឺការចូល រួមគាំទ្រកម្ពុជាក្នុងការថ្លឹងថ្លែងអំពីផលប្រយោជន៍ និងផលវិបាកនៃកិច្ចអភិវឌ្ឍ ចំពោះសេដ្ឋកិច្ចជាតិ ប្រជាជន និងបរិស្ថាន ព្រមទាំង ការផ្ដល់ជំនួយបច្ចេកទេស មធ្យោបាយ និងសម្ភារ និងការបង្កើនសមត្ថភាពមន្ដ្រី កសិករ និងវិស័យឯកជន ។ ឯកឧត្ដម ឯកអគ្គរដ្ឋទូត ក៏បានស្នើឱ្យក្រសួងជួយជំរុញនិងសិក្សាអំពីឯកសារស្ដីពីគោលការណ៍ណែនាំក្នុងការគ្រប់គ្រងដី ដែលទាក់់ទងខ្លាំងនឹង កិច្ចការខាងលើ ដែលត្រូវបានអង្គការស្បៀង និងកសិកម្មសហប្រជាជាតិ (FAO) បានសហការរៀបចំកន្លងមក។ ក្នុងន័យនេះ ឯកឧត្ដមឯកអគ្គរដ្ឋទូតបានស្នើសុំឯកឧត្ដមរដ្ឋមន្ដ្រីផ្ដល់នូវការគាំទ្រ និងកិច្ចសហការដើម្បីឱ្យការអនុវត្ដសកម្មភាព សហប្រតិបត្ដិការ មានភាពរលូន និងទទួលបានប្រសិទ្ធភាពខ្ពស់ ។
ជាការឆ្លើយតប ឯកឧត្ដមរដ្ឋមន្ដ្រីបានសម្ដែងនូវការឯកភាព និងគាំទ្រជារួមចំពោះចំណុចទាំងឡាយដែលបានលើកឡើង ហើយ បានជម្រាបអំពីភាពចាំបាច់មួយចំនួនដែលរាជរដ្ឋាភិបាលអាណត្ដិទី ៥ ត្រូវអនុវត្ដ តាមរយៈការធ្វើកំណែទម្រង់ឱ្យបានជាក់លាក់ និងស៊ីជម្រៅ ។ ការបង្កលក្ខណៈងាយស្រួលសម្រាប់ទាក់ទាញវិនិយោគិនបរទេសគឺជាចំណុចដ៏សំខាន់មួយ ។ ក្រសួងចាំបាច់ត្រូវ កំណត់អំពី តំបន់ ដែលសមស្របសម្រាប់ដំណាំ និងផលិតផលកសិកម្មផ្សេងៗ ហើយត្រូវសហការជាមួយស្ថាប័ន និងក្រសួងពាក់ព័ន្ធ ដើម្បី សម្រួលដល់ការវិនិយោគ និងផលិតកម្ម ដូចជារៀបចំឱ្យមានប្រព័ន្ធស្រោចស្រព និងហេដ្ឋារចនាសម្ព័ន្ធរូបវន្ដចាំបាច់ផ្សេងទៀត ។ ឯកឧត្ដមរដ្ឋមន្ដ្រីក៏បានឯកភាពជាមួយនឹងការលើកឡើងរបស់ឯកឧត្ដមឯកអគ្គរដ្ឋទូត អំពីភាពចាំបាច់ក្នុងការប្រាស្រ័យទាក់ទងគ្នាជា ប្រចាំ ដើម្បីតម្រង់ទិសការអនុវត្ដ និងរួមគ្នាដោះស្រាយបញ្ហាផ្សេងៗដែលអាចនឹងកើតមានឡើង ។
ជំនួប និងការពិភាក្សាការងារបានប្រព្រឹត្ដទៅប្រកបដោយបរិយាកាសស្និទ្ធស្នាល និងទទួលខុសត្រូវខ្ពស់ ។
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 106
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 108
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 179
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 191
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
