Other News
ក្រុមការងារខណ្ឌរដ្ឋបាលជលផលខេត្តកែប ចុះផ្សព្វផ្សាយការអភិរក្សសត្វកម្រដល់គណៈកម្មការ សមាជិកសហគមន៍នេសាទកំពង់ត្រឡាច ខេត្តកែប
ចេញផ្សាយ ២០ សីហា ២០២៤ 884
នៅថ្ងៃទី១៩ ខែសីហា ឆ្នាំ២០២៤ ក្រុមការងារខណ្ឌរដ្ឋបាលជលផលខេត្តកែប បានចុះផ្សព្វផ្សាយដល់គណៈកម្មការ សមាជិកសហគមន៍នេសាទកំពង់ត្រឡាច និងមហាជនទូទៅ ដើម្បីធ្វើការស្វែងយល់ពីសារប្រយោជន៍ និងចូលរួមអភិរក្សសត្វកម្រមានដូចជា៖ ជ្រូកទឹក ផ្សោតសមុទ្រ អណ្ដើកសមុទ្រ សេះសមុទ្រ រួមទាំងជីវៈចម្រុះកម្រដទៃទៀត។
បើតាមការលើកឡើងរបស់អាជ្ញាធរខណ្ឌរដ្ឋបាលជលផលខេត្តកែប ប្រសិនបើសហគមន៍នេសាទភូមិកំពង់ត្រឡាច ឬប្រជានេសាទ នៅតំបន់នោះ មានការចាប់នូវប្រភេទសត្វកម្រខាងលើ សូមព្រលែង ឬក៏រាយការណ៍មកសមត្ថកិច្ចជំនាញ និងអាជ្ញាធរមូលដ្ឋាន ដើម្បីលែងចូលទៅក្នុងសមុទ្រវិញ៕
