Other News
ឯកឧត្តមបណ្ឌិត អ៊ុក រ៉ាប៊ុន ស្វាគមន៍គណៈប្រតិភូអូស្ត្រាលី
ចេញផ្សាយ ២៥ មករា ២០១៨ 2391
ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលស្វាគមន៍យ៉ាងកក់ក្តៅចំពោះគណៈប្រតិភូអូស្ត្រាលីដឹកនាំដោយឯកឧត្តម Willem Westa van Holthe រដ្ឋមន្ត្រីឧស្សាហកម្មកែច្នៃបឋម និងជលផល រដ្ឋ Nothern Territory នៃប្រទេសអូស្ត្រាលី និងលោកជំទាវ Alison Burrows ឯកអគ្គរដ្ឋទូតប្រទេសអូស្ត្រាលីប្រចាំនៅកម្ពុជាព្រមទាំងគណៈប្រតិភូអមដំណើរចំនួន៧ រូប។ កិច្ចសវនាការនេះបានប្រព្រឹត្តទៅកាលពីព្រឹកថ្ងៃទី០៨ ខែធ្នូ ឆ្នាំ២០១៤ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។
ឯកឧត្តមបណ្ឌិតរដ្ឋមន្ត្រីបានវាយតម្លៃខ្ពស់ចំពោះកិច្ចសហប្រតិបត្តិការដ៏ល្អប្រសើររវាងរដ្ឋាភិបាលនៃប្រទេសទាំងពីរ ព្រមទាំងបានថ្លែងអំណរគុណយ៉ាងជ្រាលជ្រៅដល់រដ្ឋាភិបាលអូស្ត្រាលីដែលបានផ្តល់ជំនួយជាច្រើនសម្រាប់ការអភិវឌ្ឍន៍នៅកម្ពុជា ដើម្បីគាំទ្រដល់គោលនយោបាយរបស់រាជរដ្ឋាភិបាល។ ជាពិសេសជំនួយដល់ការអភិវឌ្ឍវិស័យកសិកម្មនៅកម្ពុជាដូចជាកម្មវិធីស្រាវជ្រាវក្នុងក្របខ័ណ្ឌ នៃគម្រោង ACIAR ការអភិវឌ្ឍកសិកម្មកម្មវិធីផ្សព្វផ្សាយកសិកម្មកម្មវិធីកែលម្អគុណភាពកសិកម្ម ការអភិវឌ្ឍន៍ធនធានមនុស្ស និងកម្មវិធីសង្វាក់តម្លៃកសិកម្ម(CAVAC)ជាដើម។ ឆ្លៀតឱកាសនោះ ឯកឧត្តមបណ្ឌិតរដ្ឋមន្ត្រីបានជម្រាបជូនយ៉ាងក្បោះក្បាយអំពីការអភិវឌ្ឍន៍វិស័យកសិកម្មនៅកម្ពុជាកន្លងមក និងផែនការយុទ្ធសាស្ត្រអភិវឌ្ឍន៍វិស័យកសិកម្ម ជាពិសេសបានផ្តោតការយកចិត្តទុកដាក់ជាចម្បងរបស់រាជរដ្ឋាភិបាលកម្ពុជា ទៅលើការបង្កើនផលិតកម្មស្រូវ និងនាំចេញអង្ករ ការលើកកម្ពស់ផលិតកម្មសត្វ សុខភាពសត្វ វារីវប្បកម្មនិងកំណែទម្រង់ក្នុងវិស័យជលផល និងព្រៃឈើ។
ឯកឧត្តម Willem Westa van Holthe បានជម្រាបជូនអំពីស្ថានភាពទូទៅ និងសក្តានុពលផលិតកម្មកសិកម្មនៅភូមិភាគខាងជើងនៃប្រទេសអូស្ត្រាលី។ ជាពិសេសផលិតកម្មសត្វ និងជលផលមានដូចជា ៖ ការចិញ្ចឹមគោពូជ-ប្រាម៉ាន់ ជ្រូក ចៀម។ល។ ការផលិត និងចែកចាយលក់សាច់គោមានគុណភាពនៅក្នុងស្រុកទៅក្រៅប្រទេស ជាពិសេសមកតំបន់អាស៊ី និងបណ្តាប្រទេសសមាជិកអាស៊ានដូចជា នៅប្រទេសម៉ាឡេស៊ី វៀតណាម និងប្រទេសប្រ៊ុយណេជាដើម។ ឯកឧត្តម Willem Westa បានលើកឡើងផងដែរអំពីការទទួលវិញ្ញាប័នបត្របញ្ជាក់ អំពីសុខភាពសត្វ និងពិធីសារសម្រាប់ការនាំចេញសត្វ និងសត្តឃាតពីប្រទេសអូស្ត្រាលីមកប្រទេសកម្ពុជាហើយដែលក្រសួងកសិកម្មរុក្ខាប្រមាញ់ និងនេសាទបានយល់ព្រមលើសំណើនេះរួចហើយ។ ជាមួយនេះឯកឧត្តមមានឆន្ទៈចង់ធ្វើកិច្ចសហប្រតិបត្តិការជាមួយកម្ពុជាលើវិស័យចិញ្ចឹមសត្វជលផលការកែច្នៃនិងចាយចែកសាច់គោមានគុណភាពនៅកម្ពុជា។
ឆ្លៀតឱកាសនោះ ឯកឧត្តមបណ្ឌិតរដ្ឋមន្ត្រី បានជម្រាបជូនគណៈប្រតិភូអំពីសក្តានុពលនៃផលិតផលកសិកម្មនៅកម្ពុជាដែលអាចនាំចេញទៅក្រៅប្រទេសបាន ក៏ដូចជាតម្រូវការសាច់ ផលិតផលជលផលសមុទ្រប្រកបដោយគុណភាពសម្រាប់តម្រូវការភ្ញៀវទេសចរណ៍ផងដែរ ដែលចេះតែមានការកើនឡើងពីមួយឆ្នាំទៅឆ្នាំ។ ឯកឧត្តមបណ្ឌិតរដ្ឋមន្ត្រីបានស្វាគមន៍កិច្ចសហប្រតិបត្តិការនេះ និងសំណូមពរឲ្យភាគីអូស្ត្រាលីជួយលើផ្នែកផលិតកម្មបសុព្យាបាល បច្ចេកទេសបង្កាត់ពូជគោ ការបង្កើនផលិតភាពស្រូវ អង្ករ ការអភិវឌ្ឍន៍វារីវប្បកម្មទឹកសាប និងវារីវប្បកម្មសមុទ្រ ព្រមទាំងជំនួយបច្ចេកទេសផ្សេងៗទៀតក្នុងន័យបន្តលើកកម្ពស់កំណើនសេដ្ឋកិច្ចជាតិ និងការអភិវឌ្ឍន៍ដើម្បីផលប្រយោជន៍ប្រជាកសិកររស់នៅតំបន់ជនបទ។ ឆ្លើយតបនឹងសំណើនេះ លោកជំទាវ Alison Burrows ឯកអគ្គរដ្ឋទូតប្រទេសអូស្ត្រាលីប្រចាំនៅកម្ពុជា បានជម្រាបជូនឯកឧត្តមបណ្ឌិតរដ្ឋមន្ត្រីថា រដ្ឋាភិបាលអូស្ត្រាលីនឹងបន្តជួយកម្ពុជាលើវិស័យស្រូវ អង្ករ តាមរយៈកម្មវិធីខ្សែសង្វាក់តម្លៃកសិកម្មជំហ៊ានទី២ផងដែរ។
ជារួម ជំនួបពិភាក្សានេះបានប្រព្រឹត្តទៅក្នុងស្មារតីពង្រីកនូវកិច្ចសហប្រតិបត្តិការ និងការផ្លាស់ប្តូរបទពិសោធន៍ពីគ្នាទៅវិញទៅមកក៏ដូចជាការរឹតចំណងមិត្តភាពដែលនឹងនាំមកនូវផលប្រយោជន៍សម្រាប់ប្រទេសទាំងពីរ។ ភាគីអូស្ត្រាលីបានគាំទ្រជាវិជ្ជមានលើសំណើកិច្ចសហប្រតិបត្តិការដែលបានលើកឡើងខាងលើ និងសូមអញ្ជើញ ឯកឧត្តមបណ្ឌិតរដ្ឋមន្ត្រី ចូលរួមទស្សនកិច្ចទៅកាន់ប្រទេសអូស្ត្រាលីភាគខាងជើងដើម្បីពង្រីកនូវកិច្ចសហប្រតិបត្តិការលើវិស័យកសិកម្ម ក៏ដូចជាការទទួលបាននូវចំណេះដឹងអំពីវិស័យកសិកម្មក្នុងប្រទេសអូស្ត្រាលីដើម្បីជាមូលដ្ឋានក្នុងការរៀបចំកិច្ចសហប្រតិបត្តិការឱ្យកាន់តែល្អប្រសើរថែមទៀត។ ឯកឧត្តមបណ្ឌិតរដ្ឋមន្ត្រី បានអបអរសាទរចំពោះសំណូមពរនេះ ហើយរំពឹងថានឹងពិនិត្យលទ្ធភាពពេលវេលាតាមជាក់ស្តែងសម្រាប់ដំណើរទស្សនកិច្ចនេះ។
កិច្ចសវនាការនេះ បានប្រព្រឹត្តទៅក្នុងបរិយាកាសរីករាយ ស្និទ្ធស្នាល និងកិច្ចសហប្រតិបត្តិការខ្ពស់។
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 106
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 108
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 191
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
