១. បង្កើនចំណេះដឹង និងលើកកម្ពស់ការយល់ដឹង៖ ទទួលបាននូវការយល់ដឹងកាន់តែស៊ីជម្រៅអំពី និន្នាការបច្ចុប្បន្ន ក៏ដូចជាបញ្ហាប្រឈម និងកាលានុវត្តភាពនានាក្នុងខ្សែច្រវាក់តម្លៃកសិកម្មកម្ពុជា។

២. បង្កើនការវិនិយោគ៖ ស្វែងយល់អំពីតម្រូវការវិនិយោគតាមខ្សែច្រវាក់តម្លៃនីមួយៗ ដែលនឹងរួមចំណែកជាព័ត៌មានសម្រាប់កម្មវិធីពង្រីកបណ្ដាញវិនិយោគ ។

អ្នកចូលរួម

ពិធីបើកវេទិកានិងពិព័រណ៍កសិកម្មកម្ពុជា (CAFE25) និងកិច្ចសន្ទនារវាងតួអង្គក្នុងខ្សែច្រវាក់តម្លៃកសិកម្មនេះនឹងមានភ្ញៀវកិត្តិយសចូលរួមយ៉ាងច្រើនកុះករប្រមាណ៥០០នាក់ ជាពិសេសសមាសភាព ដែលពាក់ព័ន្ធនឹងប្រភេទទំនិញកសិផលទាំង៩មុខ រួមមាន មន្ត្រីរាជរដ្ឋាភិបាល អ្នកតាក់តែងគោលនយោបាយ និងតំណាងមកពីវិស័យឯកជន សមាគមធុរកិច្ច វិនិយោគិន ស្ថាប័នហិរញ្ញវត្ថុ ស្ថានទូត អង្គការពាណិជ្ជកម្ម ដៃគូអភិវឌ្ឍន៍ អង្គការមិនមែនរដ្ឋាភិបាល សហគមន៍កសិកម្ម ស្ថាប័នស្រាវជ្រាវ និងផ្នែកសិក្សាធិការនានា។

វិធីសាស្រ្តសម្រាប់ដំណើរការកិច្ចពិភាក្សាវិនិយោគ

កិច្ចសន្ទនារវាងតួអង្គក្នុងខ្សែច្រវាក់តម្លៃកសិកម្ម នឹងត្រូវចាប់ផ្ដើមដោយមានការធ្វើបទបង្ហាញផ្សេងៗ ដូចជា៖

• ការៀបចំត្រៀមមុនកម្មវិធីពិភាក្សា
  • ប្រមូលរបាយការណ៍ និងទិន្នន័យពាក់ព័ន្ធនឹងទីផ្សារ
  • កំណត់ភាគីពាក់ព័ន្ធសំខាន់ៗ ដើម្បីចូលរួម
  • ប្រមូលគំរូលម្អិតទាក់ទងនឹងប្រភេទទំនិញកសិផល ដែលកំពុងត្រូវបានយកចិត្តទុកដាក់
  • រៀបចំធ្វើបច្ចុប្បន្នភាពរាល់គោលនយោបាយសំខាន់ៗរបស់ក្រសួង ដែលផ្តោតលើកិច្ចជំរុញនិងការទាក់ទាញវិនិយោគផ្ទាល់ពីបរទេស។
• ការពិភាក្សា ដើម្បីកំណត់អំពីតម្រូវការវិនិយោគជាក់លាក់លើកសិផលដូចខាងក្រោម៖

• កម្មវិធីកិច្ចសន្ទនារវាងតួអង្គក្នុងខ្សែច្រវាក់តម្លៃកសិកម្មចំនួន៩ នឹងប្រព្រឹត្តទៅដំណាលគ្នា និងមានសមាសភាពអ្នកចូលរួមដូចខាងក្រោម ៖
  • អ្នកជំនាញផ្នែកខ្សែច្រវាក់តម្លៃ
  • សហព័ន្ធផ្នែកឯកជន (ប្រសិនបើអាច)
  • តំណាងក្រសួងកសិកម្ម រុក្ខាប្រមាញ់ និងនេសាទ និងអ្នកជំនាញលើមុខទំនិញកសិផលនីមួយៗ
  • តំណាងសហគមន៍កសិកម្មទំនើប  (ប្រសិនបើអាច)
  • តំណាងដៃគូអភិវឌ្ឍន៍នានា
  • តំណាងវិស័យឯកជន
  • អ្នកសម្របសម្រួល
  • អ្នកអង្កេតដែលជាបុគ្គលិកអង្គការស្បៀងនិងកសិកម្មនៃសហប្រជាជាតិ (FAO) (ជាអ្នកប្រមូលព័ត៌មាន/កត់ត្រា/រក្សាទុកព័ត៌មានផ្សេងៗពីការសួរសំណួរនានា)
  • អ្នកបកប្រែ  (ប្រសិនបើអាច)។
• រចនាសម្ព័ន្ធនៃកម្មវិធី (ប្រមាណ ៦ម៉ោង)៖
  • កម្មវិធីបើក (៣០នាទី)៖ ការរៀបចំ និងវត្ថុបំណង
  • ទិដ្ឋភាពទីផ្សារទូទៅ (៤៥នាទី)៖ ស្ថានភាព និងនិន្នាការបច្ចុប្បន្ន
  • កិច្ចពិភាក្សាស៊ីជម្រៅ (១ម៉ោង ១៥នាទី)៖ ការធ្វើវិភាគចំណុចខ្លាំង ខ្សោយ ឱកាស និងការគំរាមកំហែង (SWOT) លើមុខទំនិញកសិផលនីមួយៗ
  • កិច្ចពិភាក្សាស៊ីជម្រៅអំពីខ្សែច្រវាក់តម្លៃ (១ម៉ោង ៣០នាទី)៖ របកគំហើញពីការធ្វើវិភាគ SWOT ការផ្គត់ផ្គង់ តម្រូវការ និងការវិភាគអំពីភាពខ្វះចន្លោះ
  • តម្រូវការវិនិយោគ (១ម៉ោង ៣០នាទី)៖ ការទទួលបាន និងការប្រើប្រាស់មូលនិធិ
  • បូកសរុប (៣០នាទី)៖ ជំហានបន្ទាប់ និងការទទួលខុសត្រូវ។
• កត្តាជោគជ័យសំខាន់ៗ៖
  • ត្រូវបញ្ចូលពិពិធកម្មទស្សនៈ និងគោលគំនិតសំខាន់ៗ
  • រៀបចំកិច្ចពិភាក្សា ផ្អែកលើទិន្នន័យដែលត្រូវការចាំបាច់
  • ផ្តោតលើលទ្ធផល ដែលស្ដែងចេញពីសកម្មភាពដែលអាចអនុវត្តបាន
  • រៀបចំជំហានបន្ទាប់ឱ្យបានច្បាស់លាស់។