ឯកឧត្តមរដ្ឋលេខាធិការ ប្រាក់ ដាវីដ អញ្ជើញទទួលជួបសម្ដែងការ​គួរសម និងពិភាក្សាការងារជាមួយ លោកស្រី Diedrah Kelly នាយកប្រតិបត្តិនៃ Canada’s Indo-Pacific Agriculture and Agri-Food នៃទីភ្នាក់ងារស្ថានទូតកាណាដាប្រចាំនៅព្រះរាជាណាចក្រកម្ពុជា

ចេញ​ផ្សាយ​ ២៩ សីហា ២០២៤ 707

នៅថ្ងៃទី២៧ ខែសីហា ឆ្នាំ២០២៤ ឯកឧត្តម ប្រាក់ ដាវីដ រដ្ឋលេខាធិការ​ក្រសួងកសិកម្ម រុក្ខាប្រមាញ់ និងនេសាទ បានទទួលជួបសម្ដែងការ​គួរសម និងពិភាក្សាការងារជាមួយ លោកស្រី Diedrah Kelly នាយកប្រតិបត្តិនៃ Canada’s Indo-Pacific Agriculture and Agri-Food នៃទីភ្នាក់ងារស្ថានទូតកាណាដាប្រចាំនៅព្រះរាជាណាចក្រកម្ពុជា។ ជំនួបនេះធ្វើឡើងនៅទីស្តីការក្រសួងកសិកម្ម រុក្ខាប្រមាញ់ និងនេសាទ។

នៅក្នុងកិច្ចប្រជុំនេះ ភាគីទាំងពីរ បានពិភាក្សាលើចំណុចសំខាន់ៗ​រួមមាន៖ ទី១. ការបង្ហាញពីទិដ្ឋភាពទូទៅនៃការិយាល័យ Canada’s Indo-Pacific Agriculture and Agri-Food Office ដែលមាន​គោលដៅ​ជំរុញការនាំចេញនូវផលិតផលកសិផលរស់ប្រទេសកាណាដា មកប្រទេសក្នុងតំបន់អាស៊ីប៉ាស៊ីហ្វិក ទី២. គម្រោងរៀបចំសិក្ខាសាលា​នាពេលខាងមុខ ក្នុងការផ្សព្វផ្សាយអំពីច្បាប់ នីតិវិធី និងស្ដង់ដារដែលត្រូ​វគោរពបំពេញ ដើម្បីនាំចេញផលិតផលទៅកាន់ប្រទេសកាណាដា ទី៣. ស្វែង​រកសក្តានុពលក្នុងការប្រើប្រាស់ឈើពីប្រទេសកាណាដា សម្រាប់​ការ​​​​ធ្វើគ្រឿងសង្ហារឹម និងសំណង់ និងទី៤. ការជំរុញឱ្យប្រទេស​កាណាដា ពិនិត្យបង្កើនការនាំចូលនូវផលិតផលកសិផលពីប្រទេសកម្ពុជា ដូចជាអង្ករ និង ផ្លែឈើសម្ងួត ជាដើម៕