កិច្ចប្រជុំស្តីពី៑ការពិនិត្យការអនុវត្តការងារ និងការរៀបចំរបាយការណ៍វឌ្ឍនភាពគម្រោងដៃគូអភិវឌ្ឍន៍នានា

ចេញ​ផ្សាយ​ ០៨ កក្កដា ២០២០ 5258

នាព្រឹកថ្ងៃទី០៦ ខែកក្កដា ឆ្នាំ២០២០ នៅអគ្គនាយកដ្ឋានកសិកម្ម មានរៀបចំកិច្ចប្រជុំស្តីពី៑ ការ ពិនិត្យការអនុវត្តការងារ និងការរៀបចំរបាយការណ៍វឌ្ឍនភាពគម្រោងដៃគូអភិវឌ្ឍន៍នានា ក្រោមអធិបតីភាព លោក គុយ ហួត អគ្គនាយករងនៃអគ្គនាយកដ្ឋានកសិកម្ម។ សមាសភាពចូលរួមក្នុងកិច្ចប្រជុំនេះ រួមមាន ថ្នាក់ដឹកនាំអគ្គនាយកដ្ឋានកសិកម្ម ថ្នាក់ដឹកនាំអង្គភាពក្រោមឱវាទ និងមន្ត្រីពាក់ព័ន្ធមាន ចំនួន២០រូប (ស្រី០៣រូប)។ អង្គប្រជុំបានពិភាក្សាលើរបៀបវារៈដែលបានគ្រោងទុក និងសម្រេចបានលទ្ធផលដូចខាងក្រោម៖ ១). ការរៀបចំកិច្ចប្រជុំដើម្បីពិនិត្យការអនុវត្តគម្រោងដៃគូអភិវឌ្ឍន៍នានានឹងត្រូវរៀបចំ ឡើងនៅ រៀង រាល់បីខែម្តង
២). ការកំណត់ទម្រង់របាយការណ៍វឌ្ឍនភាពនៃការអនុវត្តគម្រោងដែលតម្រូវ ឱ្យអង្គភាពអនុវត្ត រៀបចំសម្រាប់រយៈពេល០៦ខែ និងនៅខែបន្ទាប់ត្រូវរៀបចំជារៀងរាល់ខែ
៣). ស្នើបំពេញបន្ថែមនូវព័ត៌មានគម្រោងដែលត្រូវអនុវត្តនៅឆ្នាំបន្ទាប់
៤). ស្នើបំពេញបន្ថែមនូវព័ត៌មានគម្រោងដែលបានអនុវត្តជាមួយអង្គការមិនមែនរដ្ឋាភិបាល និងវិស័យឯកជននានា៕