Other News
ឯកឧត្តមបណ្ឌិត អ៊ុក រ៉ាប៊ុន ចុះពិនិត្យការប្រមូលផលត្រី ស្រុកពញ្ញាឮ ខេត្តកណ្តាល
ចេញផ្សាយ ២៣ មករា ២០១៨ 2700
កាលពីថ្ងៃទី៨ ខែមករា ឆ្នាំ២០១៤នេះ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ រួមដំណើរដោយឯកឧត្តមអស់លោកជាថ្នាក់ដឹកនាំក្រសួង ប្រធាន អនុប្រធាននាយដ្ឋាន និងអង្គភាពជំនាញ ក្រោមឱវ៉ាទ ក្រសួងកសិកម្ម បានអញ្ជើញទៅពិនិត្យវាយតម្លៃ សកម្មភាពការងារប្រមូលផលត្រី នៅតាមគន្លងរាយត្រីក្នុងបឹងទន្លេសាប នៅក្នុងភូមិសាស្ត្រ ឃុំកំពុងលួង ស្រុកពញ្ញាឮ ខេត្តកណ្តាល។
ឯកឧត្តមបណ្ឌិត ណៅ ធួក ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានរដ្ឋបាលជលផលបានមានប្រសាសន៍ថា នាខ្នើតទី២ ខែបុស្សនេះ ត្រីប្រភេទលេខបី សម្រាប់កែច្នៃធ្វើប្រហុកផ្អក ចាប់ផ្តើមត្រូវចាប់ពីថ្ងៃ៦កើត ខែបុស្ស ត្រូវនឹងថ្ងៃទី៦ ខែមករា ឆ្នាំ២០១៤នេះ ដោយនៅតាមគន្លងវាយត្រីទាំង៦០នៅតាមដងទន្លេសាប ក្នុងភូមិសាស្ត្រស្រុកពញ្ជាឮខេត្តកណ្តាល គឺក្នុងគន្លងវាយត្រីនិមួយៗ ចាប់បានត្រីក្នុងមួយថ្ងៃប្រមាណ៣០តោន។
ឯកឧត្តមបណ្ឌិតណៅធួក មានប្រសាសន៍រាយការណ៍ជូនឯកឧត្តមបណ្ឌិតរដ្ឋមន្ត្រីថា នៅក្នុងកំឡុងពេលប្រមូលផលត្រី នាខ្នើតទី១ ខែមិគសិរកន្លងទៅនេះ លទ្ធផលនៃការចាប់ត្រីប្រភេទលេខ៣ សម្រាប់កែច្នៃធ្វើប្រហុកផ្អក គឺទទួលបានសរុមប្រមាណ ៣,០០០តោន ហើយបើតាមការប៉ាន់ប្រមាណនៅកំឡុងពេលខ្នើតទី២ខែបុស្សនេះ បរិមាណផលត្រីដែលចាប់បាននឹងអាចកើនឡើងទ្វេរដងថែមទៀត។
ឯកឧត្តមរដ្ឋមន្ត្រី អ៊ុក រ៉ាប៊ុន បានបន្តដំណើរអញ្ជើញ ទៅពិនិត្យការធ្វើសិប្បកម្មប្រហុក និងបានអញ្ជើញជួបសំណេះសំណាលជាមួយប្រជាពលរដ្ឋកំពុងធ្វើប្រហុកផ្អកមកពីគ្រប់តំបន់ដោយទឹកមុនសប្បាយរីករាយព្រមទាំងបានសំណូមពរឱ្យតម្លៃត្រីប្រភេទលេខ៣ចុះថ្លៃជាងនេះ។
ឯកឧត្តមរដ្ឋមន្ត្រីអ៊ុករ៉ាបុនមានប្រសាសន៍ថា ផ្អែកលើស្ថានភាពជាក់ស្តែង ឯកឧត្តមរដ្ឋមន្ត្រីសំណូមពរសូមឱ្យការធ្វើសិប្បកម្មផ្អាកមួយរយសិន និងសូមឱ្យគិតគូរពីតម្លៃត្រី សូមឱ្យតម្លៃចុះជាងនេះបន្ថែមទៀតដើម្បីផ្តល់លទ្ធភាពដល់ប្រជាពលរដ្ឋយើងធ្វើការកែច្នៃត្រីធ្វើប្រហុក ផ្អកឬត្រីឆ្អើរបានគ្រប់ៗក្រុមគ្រួសារ ក្នុងនោះឯកឧត្តមរដ្ឋមន្ត្រីក៏បានសំណូមពរដល់សមត្ថកិច្ចគ្រប់លំដាប់ថ្នាក់សូមមេត្តាជួយបង្កលក្ខណះងាយស្រួលដល់ប្រជាពលរដ្ឋមកធ្វើប្រហុកនេះដើម្បីឆាប់បានវិលត្រឡប់ទៅបន្តការងារបង្កបង្កើនផលនៅតាមភូមិស្រុករបស់គាត់វិញ។
