Other News
ឯកឧត្តមរដ្ឋមន្ត្រីបានដឹកនាំកិច្ចប្រជុំពិភាក្សាវាយតម្លៃលើស្ថានភាពជំងឺផ្តាសាយបក្សី (H5N1)
ចេញផ្សាយ ២៣ មករា ២០១៨ 18479
កាលពីថ្ងៃទី១៤ ខែកុម្ភៈ នៅទីស្តីការក្រសួងកសិកម្ម រុក្ខាប្រមាញ់ និងនេសាទ មានកិច្ចប្រជុំបន្ទាន់មួយដើម្បីពិភាក្សាវាយតម្លៃលើស្ថានភាពជំងឺផ្តាសាយបក្សី (H5N1) នៅកម្ពុជាក្រោមអធិបតីភាពឯកឧត្តមរដ្ឋមន្ត្រី ដោយមានការចូលរួមពីរដ្ឋលេខាធិការ អនុរដ្ឋលេខាធិការ ប្រធាន អនុប្រធាននាយកដ្ឋាន មន្ទីរកសិកម្ម ប្រធានករិយាល័យពេទ្យសត្វទូទាំង២៤ រាជធានី ខេត្ត និងមន្ត្រីជំនាញមួយចំនួនទៀត។
នាឱកាសនោះលោក ស៊ន សាន ប្រធានវិទ្យស្ថានស្រាវជ្រាវជាតិបសុព្យាបាល បានរាយការណ៍ជូនអង្គប្រជុំជ្រាបថាចាប់តាំងដើមឆ្នាំ២០១៣ រហូតមកទល់ថ្ងៃនេះមានការផ្ទុះជំងឺផ្តាសាយបក្សីមានចំនួន ៧ ករណី បណ្តាលឲ្យស្លាប់មនុស្សចំនួន ០៦ ក្នុងនោះមានក្មេងស្រី ៥ នាក់។ ជំងឺមានភាពស្រួចស្រាវជាងឆ្នាំមុនៗ ដំបូងឡើយចាប់ផ្តើមពីខណ្ឌពោធិ៍សែនជ័យ ស្រុកព្រៃកប្បាស់ (ខេត្តតាកែវ) ស្រុកគងពិសី (ខេត្តកំពង់ស្ពឺ) ស្រុកទូកមាស និងស្រុកអង្គជ័យ (ខេត្តកំពត)។ បច្ចុប្បន្ន នាយកដ្ឋានផលិតកម្ម និងបសុព្យា បាលសហការជាមួយការិយាល័យពេទ្យសត្វខេត្តបានចាត់វិធានការតាមដាន និងទប់ស្កាត់ពីចរាចរបក្សីនៅគ្រប់កន្លែងផ្ទុះជំងឺយ៉ាងម៉ឺងម៉ាត់បំផុត។
យោងលើស្ថានភាពនៃជំងឺមានលក្ខណៈស្រួចស្រាវយ៉ាងដូច្នេះ ឯកឧត្តរដ្ឋមន្ត្រីមានការបារម្ភយ៉ាងខ្លាំង ហើយសុំឲ្យឯកឧត្តម មន្ត្រីជំនាញគ្រប់លំដាប់ថ្នាក់ ពិសេសមន្ទីរកសិកម្ម ប្រធានការិយាល័យពេទ្យសត្វខេត្ត ត្រូវចុះចាត់វិធានការជាបន្ទាន់ទាំងការងារបច្ចេកទេស និងផ្សព្វផ្សាយធ្វើយ៉ាងណាទប់ស្កាត់ជំងឺនេះឲ្យខាងតែបានទោះបីស្ថិតក្នុងស្ថានភាពលំបាកយ៉ាងណាក៏ដោយ។
ក្រៅពីវិធានបសុពេទ្យដែលបានអនុវត្តដើម្បីទប់ស្ថាត់នូវការរាលឆ្លងនូវជំងឺនេះ ឯកឧត្តមរដ្ឋមន្ត្រី បានផ្តល់អនុសាសន៍ដល់មន្ត្រីគ្រប់លំដាប់ថ្នាក់ចុះទៅអនុវត្តឲ្យមានប្រសិទ្ធភាពធ្វើយ៉ាងណាធានាឲ្យបាននូវអាយុជីវិតប្រជាពលរដ្ឋ ធានាសុខភាពសាធារណៈ សុវត្ថិភាពម្ហូបអាហារ និងភាពជឿជាក់ពីសំណាក់អន្តរជាតិ ក្នុងនោះមានទី១-យកចិត្តទុកដាក់ពីការយល់ដឹងបឋមតាមរយៈការផ្សព្វផ្សាយដល់ប្រជាពលរដ្ឋនៅតាមមូលដ្ឋាននូវរោគសញ្ញានៃជំងឺ ការរាលឆ្លង អការៈនៃមនុស្សដែលបានឆ្លងជំងឺ និងភាពគ្រោះថ្នាក់របស់ជំងឺ ការងារនេះនាយកដ្ឋាន មន្ទីរកសិកម្មខេត្ត និងការិយាល័យពេទ្យសត្វខេត្តត្រូវចុះអនុវត្តជាបន្ទាន់ ទី២-យើងទទួលស្គាល់ថាការផ្តល់ព័ត៌មាននៃការផ្ទុះជំងឺនេះនៅមានភាពយឺតយ៉ាង បញ្ហានេះក៏ធ្វើឲ្យចំណាត់ការមានភាពយឺតយ៉ាងដែរ។
ដូច្នេះភ្នាក់ងារសុខភាពសត្វភូមិ (ពេទ្យសត្វភូមិ)ដែលក្រសួងបានបណ្តុះបណ្តាល ទូទាំងប្រទេសមានជាង ១៤០០០ នាក់ ទុកធ្វើអ្វីមិនប្រើពួកគាត់ ហើយប្រាកដជាមានប្រសិទ្ធភាពក្នុងការទំនាក់ទំនងក្នុងការផ្តល់ព័ត៌មាន ប្រសិនបើពួកគាត់ចូលរួមអនុវត្តនូវវិធានការរបស់យើងដែលមានស្រាប់។ បើដូច្នេះ ត្រូវធ្វើបច្ចុប្បន្នភាពពេទ្យសត្វភូមិឡើងវិញទាំងអស់នៅទូទាំងប្រទេស ហើយត្រូវបណ្តុះបណ្តាលជំនាញបន្ថែម ដើម្បីឲ្យពួកគាត់ក្លាយជាភ្នាក់ងារផ្សព្វផ្សាយកសិកម្មប្រចាំភូមិគាត់។ ទី៣-យើងមិនប្រាកដថាសាច់មាន់ណាឈឺ សាច់មាន់ណាជា ស៊ុតណាល្អ ស៊ុតណាមិនល្អនោះទេ អញ្ចឹងមានតែអប់រំប្រជាពលរដ្ឋឲ្យចំអិនសាច់ ស៊ុនឲ្យបានឆ្អិនល្អមុនយកទៅបរិភោគ ប៉ុន្តែហាមបរិភោគមាន់ងាប់ជាដាច់ខាតបើទោះបីវាកើតជំងឺអ្វីក៏ដោយ ហាមក្មេងៗទៅប៉ះ កាន់ ចាប់មាន់លេង ទៅជិតទ្រុងមាន់ជាដាច់ខាត បើបានជាប៉ះពាល់វាហើយត្រូវលាងដៃនឹងសាប៊ូ ឬផេះឲ្យបានស្អាតល្អមុនចាប់កាន់ចំណីអាហារ។
ឱពុកម្តាយត្រូវយល់ដឹងពីសញ្ញានៃការឆ្លងជំងឺដល់កូនគឺមានគ្រុនក្តៅ ស៊ីតុណ្ហភាពឡើងជានិច្ច ក្អត ដកដង្ហើមរៀងថប់ៗ ញាប់ និងពិបាក សួរកូនមើលថាកូនបានទៅប៉ះពាល់ ឬលេងជាមួយមាន់ ទាទេប៉ុន្មានថ្ងៃមុន? ឃើញសញ្ញាបែបនេះត្រូវប្រញាប់បញ្ជូនកូនមកមន្ទីរពេទ្យជាបន្ទាន់ ពីព្រោះជំងឺនេះមានរយៈពេលតែមួយសប្តាហ៍ ហួសពីនេះជំងឺធ្លាក់ក្នុងស្ថានភាពធ្ងន់ធ្ងរមិនអាចជួយសង្គ្រោះបានឡើយ (នេះបើតាមការអះអាងពីលោក Krishnan មន្ត្រីWHO)។ ទី៤-ត្រូវរឹកបន្តឹងចរាចរសត្វចេញ ចូលពីកន្លែងផ្ទុះជំងឺនិងចលនាសត្វមកកាន់ទីផ្សារក៏ដូច្នេះដែរត្រូវមានវិញ្ញាបនបត្របញ្ជាក់សុខភាពជាដាច់ខាត មន្ត្រីពេទ្យថ្នាក់ស្រុក ខេត្តត្រូវតាមដានស្ថានភាពជំងឺ ២៤/២៤ ម៉ោង ដោយត្រូវសហការជាមួយអាជ្ញាធរថ្នាក់ក្រោមជាតិគ្រប់លំដាប់ថ្នាក់។ ទី៥-មន្ទីរកសិកម្មខេត្តដែលជាប់ព្រំដែនត្រូវសុំការសហការជាមួយប្រទេសជិតខាងបំណងរួមគ្នាទប់ស្កាត់ចលនាបក្សីចេញ ចូល និងសុំជំនួយបច្ចេកទេសតាមការចាំបាច់។
ចេញផ្សាយ ១៩ កញ្ញា ២០២៤ 99
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 101
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 104
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 133
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 165
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 153
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 180
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 185
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 186
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
